លោក ទៀ បាញ់​ ច្រាន​ចោល​ព័ត៌មាន​កម្ពុជា​មិន​អនុញ្ញាត​ឲ្យ​សហរដ្ឋ​អាមេរិក​ ​ជួយ​អភិវឌ្ឍ​មូលដ្ឋាន​កងទ័ព​ជើងទឹក​រាម

លោក មាន ឫទ្ធិ
2019-07-01
អ៊ីម៉ែល
មតិ
Share
បោះពុម្ព
រដ្ឋមន្ដ្រី​ក្រសួង​ការពារ​ជាតិ​កម្ពុជា លោក ទៀ បាញ់​ (ហ្វេសប៊ុក)។ មន្ដ្រី​កងទ័ពជើងទឹក​កម្ពុជា ចូលរួមពិធី​ក្រោយ​ពេលធ្វើ​សមយុទ្ធយោធារួច កាលពី​ថ្ងៃទី២៦ ខែ​កុម្ភៈ​ឆ្នាំ២០១៦ (Reuters)។
រដ្ឋមន្ដ្រី​ក្រសួង​ការពារ​ជាតិ​កម្ពុជា លោក ទៀ បាញ់​ (ហ្វេសប៊ុក)។ មន្ដ្រី​កងទ័ពជើងទឹក​កម្ពុជា ចូលរួមពិធី​ក្រោយ​ពេលធ្វើ​សមយុទ្ធយោធារួច កាលពី​ថ្ងៃទី២៦ ខែ​កុម្ភៈ​ឆ្នាំ២០១៦ (Reuters)។
ហ្វេសប៊ុក/Reuters

​រដ្ឋមន្ត្រី​ក្រសួង​ការពារ​ជាតិ​កម្ពុជា​ ​លោក​ ​ទៀ ​បាញ់​ ​ច្រានចោល​ព័ត៌មាន​ដែល​ថា​ ​ក្រសួង​ការពារ​ជាតិ​មិន​អនុញ្ញាតឲ្យ​សហរដ្ឋ​អាមេរិក​ ​ជួយ​ជួសជុល​អាគារ​បណ្តុះបណ្តាល​នៅ​ឯ​មូលដ្ឋាន​កងទ័ព​ជើងទឹក​រាម​។ ​ការបដិសេធ​នេះ​ ​កើត​មាន​ឡើង​ក្រោយពេល​មន្ត្រី​ជាន់ខ្ពស់​ក្រសួង​ការពារ​ជាតិ​សហរដ្ឋ​អាមេរិក​បាន​ស្នើ​ភាគី​កម្ពុជា​ ​ឲ្យ​ពន្យល់​ជុំវិញ​មូលហេតុ​ដែល​កម្ពុជា​ ​ផ្លាស់ប្តូរ​ជំហរ ​មិន​ព្រម​ទទួល​យក​សំណើ​របស់​ភាគី​អាមេរិក​ក្នុង​ការជួយ​ជួសជុល​អាគារ​បណ្តុះបណ្តាល​នៅ​ឯ​មូលដ្ឋាន​កងទ័ព​ជើងទឹក​រាម​នេះ​។​

TeaBanh_Small

ថ្លែង​ប្រាប់​អាស៊ី​សេរី​ ​កាលពី​ព្រលប់​ថ្ងៃ​ទី ០១ កក្កដា ​លោក​ ​ទៀ ​បាញ់​ ​ថា​ក្រសួង​ការពារ​ជាតិ​បាន​ជូន​ដំណឹង​ច្បាស់លាស់​រួចហើយ​ទៅ​ភាគី​អាមេរិក​ជុំវិញ​ករណី​នេះ​។​លោក​ថា​ ​កម្ពុជា​ ​មិន​ដែល​ធ្លាប់​បដិសេធ​ម្តង​ណា​ឡើយ​ជុំវិញ​បញ្ហា​នេះ​ទេ​ហើយ​ថា​ ​កម្ពុជា​នៅតែ​រីករាយ​ ​និង​ចាំ​ទទួលស្វាគមន៍​ចំពោះ​ជំនួយ​នានា​។ ​លោក​ទៀ ​បាញ់​ ​គូសបញ្ជាក់​ថា​ ​ទីតាំង​ដែល​បម្រុង​នឹង​ជួសជុល​នោះ​ ត្រូវ​ផ្លាស់ប្តូរ​ទៅ​ទីកន្លែង​ផ្សេងទៀត​ដើម្បី​អភិវឌ្ឍន៍​តំបន់​រាម​នេះ​។ ​យ៉ាងណា​ក៏ដោយ​ ​លោក​ ​ទៀ ​បាញ់​ បដិសេធ​ផ្តល់​ព័ត៌មាន​លម្អិត​អំពី​ទីតាំង​ថ្មី​នោះ​ដោយ​អះអាង​ថា​ ​នោះ​ជា​សិទ្ធិ​របស់​កម្ពុជា​។​

«​គ្មាន​រឿង​អី​ដែល​យើង​ត្រូវ​បដិសេធ​អី​ទាំងអស់​។​ដូច្នេះ​រឿង​នេះ​ ​កុំ​និយាយ​ហួស​ពី​នេះ​ ​វា​អត់​មាន​អី​លើស​ពី​នេះ​ទេ​។​យើង​ត្រូវការ​អភិវឌ្ឍន៍​នៅ​តំបន់​រាម​ហ្នឹង​។​ដូច្នេះ​ទីតាំង​ហ្នឹង​គឺ​យើង​រៀបចំ​ ​ទៅ​ធ្វើ​នៅ​កន្លែង​ផ្សេង​គឺ​ឲ្យ​វា​បាន​សមស្រប​ហ្នឹង​ ​និង​តាម​តម្រូវ​ការចាំបាច់​របស់​ខាង​សន្តិសុខ​លំហរ​សមុទ្រ​របស់​យើង​ដែល​មាន​មួយ​ផ្នែក​កាល​មុន​នេះ​គឺ​សហរដ្ឋ​អាមេរិក​ ​អូស្ត្រាលី​ ​និង​ជប៉ុន​បាន​ជួយ​រៀបចំ​ទី​បញ្ជាការ​មុខ​នៅ​ទីនោះ​។ ​ដូច្នេះ​គឺ​យើង​នៅ​រក្សា​កន្លែង​នោះ​ ​ហើយ​យើង​ក៏​នៅតែ​ស្វាគមន៍​ដែរ​។​យើង​ក៏​អរគុណ​ណាស់​ចំពោះ​ការរៀបចំ​ហ្នឹង​។ ​តែ​ឥឡូវ​យើង​ត្រូវ​រៀបចំ​កន្ឡែង​មួយ​ថ្មី​ឲ្យ​មាន​ការសមស្រប​មាន​ការសមស្រប​ជាង​ ​មាន​ការរីកចម្រើន​ជាង​ធ្វើឲ្យ​វា​កាន់តែ​ល្អ​ឡើង​។​»​

សារព័ត៌មាន​ជប៉ុន​ Nikkei Asian Reviewរាយការណ៍​កាលពី​ថ្ងៃ​ទី ០១ កក្កដា​ ​ម្សិល​ម៉ិញ​ថា​ ​មន្ត្រី​ជាន់ខ្ពស់​នៃ​មន្ទីរ​បច្ច​កោណ ​និង​ជា​ឧបការី​រង​រដ្ឋមន្ត្រី​ក្រសួង​ការពារ​ជាតិ​សហរដ្ឋ​អាមេរិក​ ទទួលបន្ទុក​ ​ភូមិភាគ​អាស៊ី​ខាងត្បូង​ ​និង​អាស៊ី​អាគ្នេយ៍ ​លោក​ ​ចូសេហ្វ ​ហ្វែល​ធ័រ ​(Joseph Felter)បាន​សរសេរ​លិខិត​មួយ​ច្បាប់​ ​ទាមទារ​ឲ្យ​កម្ពុជា​ពន្យល់​លម្អិត​អំពី​មូលហេតុ​ ​ដែល​លែង​ចង់​ឲ្យ​សហរដ្ឋ​អាមេរិក​ ​ជួយ​ជួសជុល​កែលម្អ​បរិវេណ​នៅ​មូលដ្ឋាន​កងទ័ព​ជើងទឹក​រាម​នេះ​ ​ក៏​ដូចជា​ផែនការ​នា​ពេល​អនាគត​សម្រាប់​អភិវឌ្ឍ​ទីតាំង​នេះ​។ ​សារព័ត៌មាន​ដដែល​នេះ​ ​បាន​ដកស្រង់​ខ្លឹមសារ​នៃ​លិខិត​របស់​លោក​ ​ចូសេហ្វ ​ហ្វែល​ធ័រ ​ដែល​សរសេរ​ក្នុង​អត្ថន័យ​ដែល​គេ​អាច​យល់​ថា​ ​ការបដិសេធ​របស់​ក្រសួង​ការពារ​ជាតិ​កម្ពុជា​នេះ​ សរ​បញ្ជាក់​ឲ្យ​ឃើញ​ថា​ ​កម្ពុជា​អាច​មាន​ផែនការ​ធំ​ធេង​ជាង​នេះ​ ​ក្នុង​ការអនុញ្ញាតឲ្យ​មាន​វត្តមាន​យោធា​ចិន​នៅ​ឯ​មូលដ្ឋាន​ទ័ព​ជើងទឹក​រាម​នេះ​ ​ដែល​សេណារីយ៉ូ​នេះ​នឹង​ជះឥទ្ធិពល​ខ្លាំង​ដល់​សន្តិសុខ​តំបន់​ ​ខណៈ​ចិន​បាន​ស្វះស្វែង​ពង្រីក​ឥទ្ធិពល​របស់​ខ្លួន​។​ ក្នុង​លិខិត​នោះ​ លោក​ ​ចូសេហ្វ ​ហ្វែល​ធ័រ ​បាន​រំឮក​ថា​ ​មេបញ្ជាការ​រង​ទទួលបន្ទុក​គណៈកម្មាធិការ​ជាតិ​សម្រាប់​ទី​បញ្ជាការដ្ឋាន​សន្តិសុខ​លំហរ​សមុទ្រ ​ធ្លាប់​បាន​ស្នើសុំ​ទៅ​លោក​ ​ឲ្យ​ជួយ​ជួសជុល​កែលម្អ​ទីតាំង​នោះ​ ​នៅពេល​ដែល​លោក​បាន​ធ្វើ​ទស្សនកិច្ច​ទៅកាន់​មូលដ្ឋាន​កងទ័ព​ជើងទឹក​រាម​ កាលពី​ខែមករា ​កន្លងទៅ​។ ​ទីតាំង​ជួសជុល​នោះ​ ​រួម​មាន​អាគារ​បណ្តុះបណ្តាល​ ​និង​កន្លែង​ជួសជុល​នាវា​ ​ដែល​ត្រូវបាន​កសាងឡើង​ក្រោម​ថវិកា​របស់​សហរដ្ឋ​អាមេរិក​ កាលពី​ឆ្នាំ ២០១៧ ។ ​លោក​ ហ្វែល​ធ័រ​ សរសេរ​ថា​ ​ថវិកា​សម្រាប់​កែលម្អ​ទីតាំង​នោះ​ ​បាន​ទទួល​ការឯកភាព​កាលពី​ខែមេសា ​តែ​ផ្ទុយទៅវិញ​ ក្នុង​ខែមិថុនា​ ​ក្រសួង​ការពារ​ជាតិ​កម្ពុជា​ ​បាន​ប្រាប់​ទៅ​ភាគី​សហរដ្ឋ​អាមេរិក​ថា ​ផែនការ​កែលម្អ​នេះ​ ​លែង​ចាំបាច់​ទៀត​ហើយ​។ ​លោក​ សរសេរ​បន្ត​ថា​ ​សហរដ្ឋ​អាមេរិក​បាន​ផ្តល់​ជំនួយ​ ​និង​ការគាំទ្រ​យ៉ាង​ច្រើន​ដល់​វិស័យ​យោធា​កម្ពុជា​ក្នុង​រយៈពេល​ ២៨ ​ឆ្នាំ​ចុងក្រោយ​នេះ​ ​ហើយ​លោក​សង្ឃឹម​ថា​ ​កម្ពុជា​នឹង​បន្ត​ធ្វើការ​ជាមួយ​សហរដ្ឋ​អាមេរិក​ក្នុង​តំបន់​ដែល​មាន​អត្ថប្រយោជន៍​រួម​នេះ​។​

ជុំវិញ​ការសង្ស័យ​នេះ​លោក​ ​ទៀ ​បាញ់​ ​ជា​ថ្មី​ម្តង​ទៀត​បដិសេធ​ថា​ ​ជា​ព័ត៌មាន​មិន​ពិត​និង​ថ្លែង​ការពារ​ថា​ ​រដ្ឋាភិបាល​ ​គ្រាន់តែ​អនុញ្ញាតឲ្យ​ចិន​ធ្វើ​ការវិនិយោគ​និង​អភិវិឌ្ឍន៍​តំបន់​នៅ​ខេត្ត​កោះកុង​នោះ​ ​ទៅ​ជា​តំបន់​ទេសចរណ៍​ប៉ុណ្ណោះ​ក្រោម​រូបភាព​ជា​ការផ្តល់​សម្បទាន​។​
«​ហើយ​រឿង​ថា​មូលដ្ឋាន​នេះ​ ​មូលដ្ឋាន​នោះ​ ​រឿង​កោះ​កុងរឿង​នោះ​គឺជា​រឿង​ផ្សេង​ ​ខុសពី​រឿង​ការអភិវឌ្ឍន៍​កងយោធពល​ខេមរភូមិន្ទ​ស្រឡះ​។​គេ​ធ្វើ​កិច្ចការ​វិនិយោគ​ ​កិច្ចការ​ទេសចរណ៍​ ​ដែល​ទទួល​ការសម្បទាន​ពី​រដ្ឋាភិបាល​ដើម្បី​កសាង​តំបន់​ផ្សេង​ៗ​ទៅ​ជា​នាំគ្នា​បកស្រាយ​ទ្រហឹង​អឺងកង​ថា​ ​ចុះ​ថា​ចេះ​។​អា​ហ្នុង​គឺ​ទៅ​តាម​ឆន្ទៈ​របស់​អ្នក​ដែល​ចង់​ឲ្យ​វា​ទៅ​អញ្ចឹង​។​»​

សាស្ត្រាចារ្យ​ផ្នែក​កិច្ចការ​ពិភពលោក​នៃ​មហាវិទ្យាល័យ​ Occidental Collegeនៅ​រដ្ឋ​កាលីហ្វ័រញ៉ា ​សហរដ្ឋ​អាមេរិក​ ​ប្រាប់​អាស៊ី​សេរី​តាម​សារ​អេឡិចត្រូនិក​ថា​ ​ការប្រើប្រាស់​ទីតាំង​ដែល​ធ្លាប់​ ​ផ្តល់​មូលនិធិ​ដោយ​សហរដ្ឋ​អាមេរិក​នៅឯ​តំបន់​រាម​នេះ​ ​ឲ្យ​ក្លាយទៅជា​ប្រយោជន៍​ដល់​យោធា​ចិន ​ជា​រឿង​ធ្វើឲ្យ​ស្ថានការណ៍​រឹតតែ​ដុន​ដាប​។ ​លោក​ថា​ របប​ក្រុង​ភ្នំពេញ​ ​អាច​បដិសេធ​បាន​តាម​អ្វី​ដែល​ខ្លួន​ចង់​ធ្វើ​ ​ប៉ុន្តែ​ ​រឿងរ៉ាវ​នេះ​ ​មិន​អាច​លាក់​កំបាំង​បាន​ឡើយ​ ​នៅពេល​ដែល​រូបភាព​ពី​ប្រព័ន្ធ​ផ្កាយ​រណប ​សញ្ញា​បញ្ជូន​ពី​ការស៊ើប​ការសម្ងាត់​ ​និង​ក្រុម​អ្នក​ស៊ើប​ការសម្ងាត់​ ​ប្រាប់​ឲ្យដឹង​នូវ​រឿងរ៉ាវ​ផ្ទុយពី​ការបដិសេធ​ទាំងនោះ​។​ ជារឿយ​ៗ​រដ្ឋាភិបាល​របប​ក្រុង​ភ្នំពេញ​តែង​បដិសេធ​ព័ត៌មាន​ដែល​ថា​ ​ខ្លួន​អាចនឹង​មាន​ផែនការ​អនុញ្ញាតឲ្យ​ចិន​សាងសង់​មូលដ្ឋាន​កងទ័ព​នៅ​ខេត្ត​កោះកុង​ដោយ​ចាត់ទុក​ថា​​ជា​ព័ត​មានមិន​ពិត​។

​របប​ក្រុង​ភ្នំពេញ​តែង​បញ្ជាក់​ថា​រដ្ឋធម្មនុញ្ញ​កម្ពុជា​មិន​អនុញ្ញាតឲ្យ​មាន​មូលដ្ឋាន​កងទ័ព​បរទេស​នៅលើ​ទឹកដី​របស់​ខ្លួន​ឡើយ​។​ក៏ប៉ុន្តែ​ របប​នេះ​ ​នៅ​មិន​ទាន់​បាន​បង្ហាញ​ជំហរ​ឲ្យបាន​ច្បាស់លាស់​នៅឡើយ​ទេ​ ​ជុំវិញ​ការអនុញ្ញាតឲ្យ​ភាគី​អន្តរជាតិ​ចុះ​ទៅ​ធ្វើ​ការត្រួតពិនិត្យ​នៅ​ ​ខេត្ត​កោះកុង​ដែល​មាន​ការសង្ស័យ​នោះឡើយ​។ ​មេដឹកនាំ​គណបក្ស​ប្រឆាំង​លោក​ សម ​រង្ស៊ី​ ធ្លាប់​ហៅ​ហេតុការណ៍​នេះ​ ​ថា​របប​លោក​ ហ៊ុន ​សែន​ ​កំពុងតែ​បើក​ដៃ​ឲ្យ​ចិន​អនុវត្ត​គោលនយោបាយ​វាត​ទីនិយម​នៅ​កម្ពុជា​ ​ដែល​កំពុង​ធ្វើឲ្យ​ប្រទេស​ជិតខាង​ក្នុង​តំបន់​មាន​ការព្រួយបារម្ភ​ខ្លាំង​។ ​ដោយឡែក​ ​អ្នកវិភាគ​ ​លោក​ ​គឹម​ ​សុខ​ ​ព្រមាន​ថា​ដំណើរការ​អនុវត្ត​នយោបាយ​វាត​ទី​និយម​របស់​ចិន​និង​ការជួយជ្រោមជ្រែង​ចិន​ឲ្យ​ធ្វើ​ដូច្នេះ​ពីសំណាក់​របប​លោក​ ហ៊ុន ​សែន ​នេះ​គឺជា​គ្រោះ​ជាន់​គ្រោះ​សម្រាប់​កម្ពុជា​ស្រប​ពេល​ដែល​ប្រទេស​វៀតណាម​ ​ក៏​មាន​មហិច្ឆតា​ចង់​គ្រប់គ្រង​កម្ពុជា​ផងដែរ​នោះ​តាម​របៀប​អ្វី​មួយ​ដែល​លោក​ ​គឹម​ ​សុខ​ ​ហៅ​ថា​ ​ជា​នយោបាយ​ឥណ្ឌូចិន​ទី​ពីរ​ឬ​ឥណ្ឌូចិន​តូច​៕

ព័ត៌មាន (9)
Share

Can evildoer HS behead himself rather face a justice

Ge.TBanh now saying comrade Hun Sen is walking into the deadly end of tunnel without returned liked his best buddy Pol Pot"like Hun Sen like Pol Pot's karma".And now if he gets down into water is crocodiles...come up is tigers...walk into the wood is monsters...walk into market is policemen"ICC/IJC".

Aug 09, 2019 12:06 PM

អ្នក​អាន​អនាមិក

Ge.TBanh with Hun Sen's closed aid anonymous leaking news-between Hun sen/china,signed deal for NAVAL base outpost at Ream/Koh Kong.Both men knew the Chinese military would use 62 acres section of the base for 30 years with automatic renewals every 10 years thereafter this would include posting military personal,storing weapons,and birthing warships"for south China sea territory dispute".

Jul 28, 2019 04:05 PM

what' the hell China's Belt/Road???watch out Cambodian no fall'n love again and again...lesson of history and quick get out of hell

Ge.TBanh,S.Sokha,Net Savoeun,K.Kim,H.Bunhieng,S.Doeuk+other had been denied all the crimes they'd committed with their mafia boss Hun Sen.They all said tmil Hun Sen is a mass destruction and mass obstruction of justice in the last 40+years oppression"held tmil Hun Sen accountable"to responsible all these causes.All everything that tmil Hun Sen did only"lies,liars,cheater,threaten,arrest,kill,jail,robber,raps,selfie,serial killer,hit-man,mafia,scoundrel,psychopath,sociopath,mental illness,intoxicate,traitor,tyrant and much more.

Jul 24, 2019 12:33 PM

Secret China commie built NAVAL based at Koh Kong 100% is true...

Ge.TBanh's news leaking-100% is true that the China commie allies govm't built a NAVAL based at Koh Kong province,instead of hotel resorts that they'd been claimed for months ago.The secreted of Chinese commie NAVAL based at Koh Kong province,is not only build for Chinese military base,but China will use this base for varieties like warehouses for trading across southeast Asian countries and through to the western hemisphere"specific of China's goal is looking country with carry on EBA policy"Cambodia,Benglades+other around the region.Ge.TBanh said he won't to explores this secret to outsider,because he was concerns his own safety,and he said everybody will know who behind this....

Jul 10, 2019 04:30 PM

Ge.TBanh said comrade HS is absolute IDIOTS ever...time to RIP

Ge.TBanh said that after he returned home from Geneva city with comrade HS,now he's getting seasick during many long hours flown back home"tired,lazy bump,hard to walking,sleep disorder,can't run,nightmare,and headaches.Because,comrade HS won't goes alone and fears the Inter-pol will arrest him at any international airspace,or airports,that why he always wants 50 to 100 pple to accomapnies with him and protect him from the harm way.

Jul 07, 2019 11:25 AM

មើល​មតិ​ទាំង​អស់.

គេហទំព័រ​ទាំងមូល