អឺរ៉ុប​កំពុង​ពិចារណា​ដាក់ទណ្ឌកម្ម​ដែល​ឈាន​ទៅ​បញ្ឈប់​ការ​អនុគ្រោះ​ពន្ធ​ពី​កម្ពុជា

ដោយ មួង ណារ៉េត
2017-10-20
អ៊ីម៉ែល
មតិ
Share
បោះពុម្ព
កម្មករ​កាត់​ដេរ​នៅ​ក្នុង​រោងចក្រ​មួយ​ក្នុង​ទីក្រុង​ភ្នំពេញ។
កម្មករ​កាត់​ដេរ​នៅ​ក្នុង​រោងចក្រ​មួយ​ក្នុង​ទីក្រុង​ភ្នំពេញ។
AFP Photo

មន្ត្រី​ក្នុង​គណៈកម្មាធិការ​សិទ្ធិមនុស្ស របស់​សហភាព​អឺរ៉ុប លើកឡើង ថា សហគមន៍​អឺរ៉ុប ត្រូវ​តែ​ចាត់​វិធានការណ៍​តប​ឲ្យ​បាន​ឆាប់ និង​ជាក់ស្ដែង ទប់​ទល់​ទៅ​នឹង​ចំណាត់​ការ​របស់​រដ្ឋាភិបាល​កម្ពុជា ដែល​កំពុង​ធ្វើទុក្ខបុកម្នេញ​គណបក្ស​ប្រឆាំង។

ថ្លែង​ប្រាប់​វិទ្យុ​សំឡេង​សហរដ្ឋអាមេរិក កាលពី​ថ្ងៃ​ទី​២០ ខែ​តុលា នេះ សមាជិក​សភា​អឺរ៉ុប និង​ជា​អនុប្រធាន​អនុ​គណៈកម្មាធិការ​សិទ្ធិមនុស្ស​សហភាព​អឺរ៉ុប អ្នកស្រី បាបារ៉ា ឡុចប៊ីល័រ (Barbara Lochbihler) ថា សហភាព​អឺរ៉ុប កំពុង​ពិចារណា​ដាក់ទណ្ឌកម្ម​ដោយ​ផ្ទាល់ ឬ​អាច​ឈាន​ដល់​ការ​ឈប់​លើកលែង​ការ​អនុគ្រោះ សម្រាប់​ការ​នាំ​ទំនិញ​កម្ពុជា ចូល​ទីផ្សារ​ដ៏​ធំ​របស់​សហភាព​អឺរ៉ុប​ទៀត​ផង។ អ្នកស្រី​បន្ថែម​ទៀត ថា សហគមន៍​អឺរ៉ុប​ចាំបាច់ ត្រូវតែ​បញ្ចេញ​ប្រតិកម្ម​តប​ឲ្យ​បាន​ឆាប់ ទៅ​នឹង​ចំណាត់​ការ​របស់​រដ្ឋាភិបាល ក្នុង​ការ​រំលាយ​គណបក្ស​ប្រឆាំង​ដ៏​ធំ តែ​មួយ​គត់​នៅ​កម្ពុជា។ អ្នកស្រី បាបារ៉ា ឡុចប៊ីល័រ ព្រមាន​ប្រទេស​កម្ពុជា កុំ​ឲ្យ​អាង​តែ​ខ្លួន​ពឹង​ចិន ហើយ​មិន​ខ្វល់​ពី​សហភាព​អឺរ៉ុប។ អ្នកស្រី​រំលឹក​ថា សហគមន៍​អឺរ៉ុប គឺ​ជា​ទីផ្សារ​នាំ​ទំនិញ​ចេញ​ដ៏​ធំ​សម្រាប់​ប្រទេស​កម្ពុជា។ ដូច្នេះ ប្រសិនបើ​សហភាព​អឺរ៉ុប អាច​ចាត់​ការ​ដាក់​ឱ្យ​ចំ​គោលដៅ​ចំពោះ​មន្ត្រី​រដ្ឋាភិបាល​មួយ​ចំនួន នោះ​ច្បាស់​ជា​ឆាប់​ទទួល​បាន​លទ្ធផល។

តាម​ប្រភព​ទិន្នន័យ​ពី​គេហទំព័រ​របស់​គណៈកម្មការ​អឺរ៉ុប ដោយសារ​ប្រព័ន្ធ​អនុគ្រោះ​ពន្ធ ប្រទេស​កម្ពុជា នាំ​ទំនិញ​ចូល​ទៅ​សហភាព​អឺរ៉ុប គិត​ជា​ទឹកប្រាក់​ជិត ៥​ពាន់​លាន​ដុល្លារ ក្នុង​ឆ្នាំ ២០១៦ ដែល​ភាគច្រើន​នៃ​ទំនិញ​នាំចេញ​ទាំងនោះ គឺជា​សំលៀកបំពាក់។

ប្រតិកម្ម​របស់​មន្ត្រី​សហភាព​អឺរ៉ុប​នេះ ធ្វើឡើង​មួយថ្ងៃ បន្ទាប់ពី​ប្រទេស​ជំនួយ​ផ្នែក​សិទ្ធិមនុស្ស​ដ៏​ធំ​មួយ​របស់​កម្ពុជា គឺ​ប្រទេស​ស៊ុយអ៊ែត (Sweden) បាន​ព្រមាន​ថា នឹង​ពិចារណា​ឡើងវិញ អំពី​ទំនាក់ទំនង​ជាមួយ​ប្រទេស​កម្ពុជា ប្រសិនបើ​គណបក្ស​សង្គ្រោះ​ជាតិ ត្រូវ​បាន​រំលាយ​មែន​នោះ។ សង្គម​ស៊ីវិល​ព្រួយបារម្ភ​ថា ការ​ជ្រើសរើស​ផ្លូវ​ដើរ​របស់​រដ្ឋាភិបាល​នៅ​ពេល​នេះ នឹង​អាច​ធ្វើ​ឲ្យ​កម្ពុជា​ឯកោ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (4)
Share

អ្នក​អាន​អនាមិក

I wish immediate sanctions on Hun Sen family and his group. Hun Sen does not care about national interest, but his family is the top concern. So, sanction should target his family, otherwise there will be no better political environment in Cambodia.

Oct 26, 2017 05:06 AM

free

ពី Phnom penh

I wish EU, US and Australia block all VISA for Cambodia government employee and family.

Oct 25, 2017 12:56 AM

អ្នក​អាន​អនាមិក

Who cares?? My Sam Dach Dek Cho Hun Sen will destroy the EU economy to trash if they really do that.

Cambodia will fall under China 100% if the EU really does that. My strong man is not afraid even a little bit even he knows for sure that when Cambodia becomes part of China his whole family and his close subordinates will be executed by shooting for corruption.

Oct 21, 2017 03:27 AM

អ្នក​អាន​អនាមិក

រដ្ឋាភិបាលស្របច្បាប់និងឯករាជ្យរបស់កម្ពុជាត្រូវធ្វើអ្វីៗតាមការបញ្ជាររបស់បរទេសឬតាមច្បាប់របស់ខ្លួន?។

Oct 20, 2017 11:25 PM

គេហទំព័រ​ទាំងមូល