មន្ត្រី​សង្គម​ស៊ីវិល​បារម្ភ​ជំងឺកូវីត១៩​ អាច​នឹង​កើន​ឡើង​ក្នុង​សហគមន៍​ក្រោយ​ពី​បញ្ចប់​ចូលឆ្នាំ​ខ្មែរ

ដោយ ហេង រស្មី
2020-04-15
អ៊ីម៉ែល
មតិ
Share
បោះពុម្ព
លោក ស៊ុំ ច័ន្ទគា មន្ត្រី​សម្របសម្រួល​សមាគម​ការពារ​សិទ្ធិមនុស្ស​អាដហុក (Adhoc) ខេត្ត​បន្ទាយមានជ័យ រូប​ថត​ថ្ងៃ​ទី​១៦ ខែ​ធ្នូ ឆ្នាំ​២០១៥។
លោក ស៊ុំ ច័ន្ទគា មន្ត្រី​សម្របសម្រួល​សមាគម​ការពារ​សិទ្ធិមនុស្ស​អាដហុក (Adhoc) ខេត្ត​បន្ទាយមានជ័យ រូប​ថត​ថ្ងៃ​ទី​១៦ ខែ​ធ្នូ ឆ្នាំ​២០១៥។
Photo Provided

មន្ត្រី​សង្គម​ស៊ីវិល​បារម្ភ​ថា​ជំងឺ​កូវីត​១៩​ អាច​នឹង​រាល​ដាល​តាម​សហគមន៍​បន្ថែម​ទៀត​ក្រោយ​ពេល​ចូល​ឆ្នាំ​ខ្មែរ​ដោយ​សារ​តែ​ប្រជាពលរដ្ឋ​នៅ​តាម​តំបន់​ជនបទ​នៅ​តែ​ជួប​ជុំ​គ្នា​ទទួល​ទាន​អាហារ​រួម​គ្នា​ និង​ចាក់​ធុងបាស​រាំ​កម្សាន្ត​នៅ​តាម​ភូមិ​ដោយ​មិន​ខ្លាច​ការ​ឆ្លង​នៃ​ជំងឺ​ដ៏​កាច​សាហាវ​នេះ​ទេ។ ទោះ​បី​ជា​យ៉ាង​ណា ក្រសួង​សុខាភិបាល​បាន​ប្រកាស​ថា​ នៅ​ថ្ងៃទី​១៥​ មេសា​នេះ​គ្មាន​អ្នក​ឆ្លង​ជំងឺ​កូវីត​១៩​បាន​រក​ឃើញ​ថ្មី​នោះ​ទេ។​

​​មន្ត្រី​សម្របសម្រួល​សមាគម​ការពារ​សិទ្ធិ អាដហុក (Adhoc) ខេត្ត​បន្ទាយមានជ័យ លោក ស៊ុំ ច័ន្ទគា​ប្រាប់​អាស៊ី​សេរី​ថា​ ប្រជាពលរដ្ឋ​នៅ​តាម​តំបន់​ជនបទ​ហាក់​មិន​សូវ​ខ្លាច​នឹង​ជំងឺ​កូវីត១៩ ប៉ុន្មាន​​ទេ​ បើ​ទោះ​បី​ជា​ក្រសួង​សុខាភិបាល​បាន​ចេញ​សារាចរ​ណែនាំ​មិន​ឲ្យ​មាន​ការ​ជួប​ប្រជុំ​គ្នា​ក្នុង​ពេល​ពិធី​បុណ្យ​ចូល​ឆ្នាំ​ ខ្មែរ​និង​ពិធី​បុណ្យ​ទាន​ផ្សេងៗ​យ៉ាង​ណា​ក៏​ដោយ។

លោក​បញ្ជាក់​ថា នៅ​ឯ​ស្រុក​កំណើត​របស់​លោក​ក្នុង​ខេត្ត​កំពង់ឆ្នាំង​ នៅ​តាម​ទី​ប្រជុំ​ជន​ក្នុង​ទី​រួម​ខេត្ត​ប្រជាពលរដ្ឋ​មាន​ការ​ប្រុង​ប្រយ័ត្ន​ពាក់​ម៉ាស​នៅ​ពេល​ធ្វើ​ដំណើរ​តាម​ផ្លូវ​នឹង​ទៅ​ផ្សារ​នានា។ប៉ុន្តែ​សម្រាប់​នៅ​តាម​តំបន់ជនបទ​វិញ​ប្រជាពលរដ្ឋ​មិន​ចាប់​អារម្ភ​នឹង​ជំងឺ​កូវីត១៩ ទេ ដោយ​សារ​តែ​ពួកគេ​ចាត់​ទុក​ថា​ជំងឺ​នេះ​ជា​ជំងឺ​នយោបាយ​ ជា​ជំងឺ​មហា​អំណាច​ចង់​ឈ្នះ​ចង់​ចាញ់​គ្នា។

លោក​បញ្ជាក់​ថា នៅ​តាម​វត្ត​អារាម​មួយ​ចំនួន​ក្នុង​ឃុំ​ត្រពាំង​ច័ន្ទ​ ស្រុក​បរិបូរ​ ខេត្ត​កំពង់ឆ្នាំង មាន​មនុស្ស​ប្រមាណ​តិចតួច​ពាក់​ម៉ាស​ចំណែក​អ្នក​ផ្សេង​ទៀត​គ្មាន​ពាក់​ម៉ាស​ទេ​គឺ​ពួក​គេ​ដើរ​ពពាក់​ពពូន​ចុះ​ឡើង​ពី​កន្លែង​មួយ​ទៅ​កន្លែង​មួយ​ដោយ​គ្មាន​ភ័យ​ខ្លាច​ជំងឺ​ឆ្លង​អ្វី​ទាំង​អស់៖ «បាន​នៅ​សល់​៩៩.៩៩​%​ហ្នឹង​គឺ​គាត់​អត់​ប្រើ​អត់​អី​ ហាក់​ដូច​ជា​ធម្មតា​ ។​គាត់​អត់​ខ្លាច​អត់​ញញើត​អី​ ហើយ​ធ្វើ​បុណ្យ​ធ្វើ​ទាន​ហាក់​ដូច​ជា​មិន​បាន​គិត​ខ្វល់​ខ្វាយ​កូវីត​អី​ហ្នឹង​ទេ​ ហើយ​នៅ​ឆ្ងាយ​ពី​គ្នា​ពី​អី​អ៊ីចឹង អត់​សោះ ហើយ​នៅ​ជិត​គ្នា​ ប្រមូល​ផ្ដុំ​គ្នា​គិត​ថា​ ហាក់​ដូច​ជា​ធម្មតា​ចាត់​ទុក​ថា​ពួក​គ្នា​គាត់​ហ្នឹង​មិន​មាន​មេរោគ​ហ្នឹង​ទេ»

ក្រសួង​សុខាភិបាល​និង​អង្គការ​សុខភាព​ពិភព​លោក​បាន​​ណែនាំ​ដល់​ប្រជាពលរដ្ឋ​នៅ​ទូទាំង​ប្រទេស​ដើម្បី​ការពារ​ជំងឺ​កូវីត១៩​ត្រូវ​ចៀសវាង​ការ​ជួប​ប្រជុំ​គ្នា​ជាពិសេស​ពេល​ចូល​ឆ្នាំ​ខ្មែរ​ និង​ពិធី​បុណ្យ​ផ្សេងៗ។​

ក្រសួង​សុខាភិបាល​បាន​ណែនាំ​ទៀត​ថា​ប្រជាពលរដ្ឋ​ត្រូវ​លាងដៃ​ឱ្យ​បាន​ញឹកញាប់​ជាមួយ​សាប៊ូ និង​ប្រើ​ទឹក​លាង​ដៃ​ដែល​មាន​ជាតិ​អាល់កុល ពាក់​ម៉ាស​ ខ្ទប់​មាត់ និង​ច្រមុះ​របស់​អ្នក​ដោយ​ប្រើ​កន្សែង​ដៃ ឬ​ក្រដាស​ជូត​មាត់ នៅ​ពេល​ក្អក ឬ​កណ្ដាស់ ហើយ​បោះ​ចោល​ក្រដាស​ជូត​មាត់​ទៅ​ក្នុង​ធុង​សំរាម​បិទ​ជិត។ ក្រសួង​ឲ្យ​ពលរដ្ឋ​ចៀសវាង​ប៉ះពាល់​ផ្ទាល់​ជាមួយ​អ្នក​ដែល​មាន​រោគសញ្ញា ដូចជា មាន​ជំងឺ​ផ្ដាសាយ​ ហើយ​បើ​មាន​គ្រុន​ក្ដៅ​លើស​ពី ៣៧អង្សា ត្រូវ​​ទៅ​ជួប​គ្រូពេទ្យ​​ មាន​រោគសញ្ញា​ ក្អក ឬ​មាន​អារម្មណ៍​ថា​ ពិបាក​ដក​ដង្ហើម​ជា​ដើម។

មន្ត្រី​ការពារ​សិទ្ធិមនុស្ស​លីកាដូ​ប្រចាំ​តំបន់​ភូមិភាគ​ពាយព្យ លោក អ៊ិន គង់ជិត មាន​ប្រសាសន៍​ថា​ នៅ​ក្នុង​សង្កាត់​វត្តគរ​ ដែល​ជា​ភូមិ​មួយ​នៅ​ជាយ​ក្រុង​ជាប់​នឹង​ស្រុក​បាណន់​ខេត្ត​បាត់​ដំបង​ប្រជាពលរដ្ឋ​នៅ​តែ​ចាក់​ធុង​បាស់​រាំ​លេង​កម្សាន្ត​ និង​ ជួប​ជុំ​គ្នា​ទទួល​ទាន​ស្រាបៀ​​ ក្នុង​អំឡុង​ពេល​ចូល​ឆ្នាំ។

លោក​បារម្ភ​ថា​ជំងឺ​កូវីត១៩ អាច​នឹង​រាលដាល​កាន់​តែ​ច្រើន​នៅ​តាម​សហគមន៍​ក្រោយ​ពី​ពិធី​បុណ្យ​ចូល​ឆ្នាំ​បាន​បិទ​បញ្ចប់។

លោក​បញ្ជាក់​ថា កន្លង​មក​អាជ្ញាធរ​មូល​ដ្ឋាន​បាន​ផ្សព្វផ្សាយ​ស្តី​ពី​​វិធី​សាស្ត្រ​ការពារ​នៃ​ការ​ឆ្លង​រីក​រាល​ដាល​នៃ​ជំងឺ​កូវីត១៩ នៅ​តាម​តំបន់​ជន​បទ។​តែ​ប្រជាពលរដ្ឋ​គ្រាន់​តែ​បាន​យល់​ដឹង​ប៉ុណ្ណោះ​ ​មិន​បាន​យក​មក​អនុវត្ត​តាម​នោះ​ទេ។ ដោយ​សារ​តែ​ប្រជាពលរដ្ឋ​ភាគ​ច្រើន​មិន​មាន​លទ្ធភាព​គ្រប់​គ្រាន់​ដើម្បី​ទិញ​ម៉ាស អាល់កុល​ដើម្បី​លាង​សម្អាត​ដៃ​ឲ្យ​បាន​ញឹកញាប់​ទេ៖ «ចំពោះ​ម៉ាស់​ហ្នឹង គឺ ១០០% គ្មាន​អ្នក​ណា​មាន​លទ្ធភាព​ទិញ​ម៉ាស់​ពាក់​ទេ។ គាត់​អត់​ប្រើ​ម៉ាស់​ទេ។ អ៊ីចឹង​ជា​ចំណុច​មួ​ដែល​ឃើញ​មាន​ការ​ព្រួយបារម្ភ​ ហើយ​មួយ​ទៀត​គាត់​នៅ​ផ្តុំ​គ្នា​ជា​លក្ខណៈ​ក្រុម​តូចៗ ៤នាក់ ៥នាក់​ ដោយ​មិន​បាន​រក្សា​គម្លាត​ពីរ​ម៉ែត្រ​អ៊ីចឹង​គាត់​ឈរ​កៀក​គ្នា​និយាយ​គ្នា​ទៅ​វិញ​ទៅ​មក​សន្ទនា​គ្នា​ដោយ​មិន​មាន​ការ​ប្រុង​ប្រយ័ត្ន»

ទាក់ទង​នឹង​ក្តី​បារម្ភ​នេះ អ្នក​នាំ​ពាក្យ​ក្រសួង​សុខាភិបាល​អ្នក​ស្រី ឱ វណ្ណឌីន មិន​បាន​ឆ្លើយ​តប​នឹង​ការ​ព្រួយ​បារម្ភ​របស់​មន្ត្រី​សង្គម​ស៊ីវិល​ទេ​ដោយ​អ្នក​ស្រី​និយាយ​ថា ​កំពុង​ជាប់​រវល់។ ប៉ុន្តែ​រដ្ឋមន្ត្រី​ក្រសួង​សុខាភិបាល លោក ម៉ម ប៊ុនហេង បាន​បញ្ជាក់​នៅ​ក្នុង​សន្និសីទ​សារព័ត៌មាន​កាល​ពី​ថ្ងៃ​ទី​១៣​មេសា​ថា នៅ​ក្នុង​ទីក្រុង​ភ្នំពេញ​ក្នុង​រយៈ​ពេល​ប៉ុន្មាន​ថ្ងៃ​ចុង​ក្រោយ​នេះ មាន​ករ​ណី​​ចម្លង​ទៅ​​នៅ​ក្នុង​សហគមន៍​ទ្រង់ទ្រាយ​តូច ហើយ​ក្រុម​ការងារ​ក្រសួង​សុខាភិបាល និង ​អាជ្ញាធរ​ពាក់ព័ន្ធ​ រក​មិន​ទាន់​ឃើញ​ពី​ប្រភព​នៃ​ការ​ចម្លង​ជំងឺ​កូវីដ-១៩ ច្បាស់លាស់​នៅ​ឡើយ​ទេ។ លោក ម៉ម ប៊ុនហេង បាន​បញ្ជាក់​ទៀត​ថា ក្រុម​ការងារ​ក្រសួង​សុខាភិបាល​កំពុង​ត្រៀម​ចាត់​វិធានការ​​ដើម្បី​ទប់​ស្កាត់​ការ​ចម្លង​ចូល​សហគមន៍​ក្នុង​លក្ខណៈ​ទ្រង់ទ្រាយ​ធំ។

ក្រសួង​សុខាភិបាល​នៅ​ថ្ងៃ​ទី១៥ មេសា​នេះ បាន​ចេញ​សេចក្ដី​ប្រកាស​ព័ត៌មាន​ថា ​មិន​មាន​អ្នក​ជំងឺ​ថ្មី​ណា​ម្នាក់​បាន​រក​ឃើញ​មាន​ផ្ទុក​ជំងឺ​កូវីត១៩ នោះ​ទេ​ ពោល​គឺ ចំនួន​អ្នក​កើត​ជំងឺ​នេះ​នៅ​ទូទាំង​ប្រទេស​គឺ​មាន​ចំនួន​១២២​នាក់​ដដែល៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (2)
Share

poor govm't wants its pple to sell homes,lands,cars,motorbikes to buy food for survival...there is a stupid thug govm't on earth

Tmil Ta Sen said the Japanese's govm't have releasing their coronavirus stimulus check to helps all Japanese pple with around "100k Yens=$930"for all Japanese people,after the u.s.But,tmil Ta HSen's rogue govm't wants every Cambodian pple to sell their homes,cars,lands,or motorbikes to buy food for survival.

Apr 17, 2020 03:13 PM

CCP's clans high officials contracting with covid-19 pandemic and most trying social isolation

Inside tmil HSen's anonymous leaking news-there say Ta Sen,Ta Heng,Ta Hong,Ta Hing,Ta Banh,Ta Siphan,Ta Issan,Maneth,Manith,Rany,Ta Kanharith,Ta Sophak,Ta Ranarith,Ta Touch,Ta Sopheab,Ta Savoeun,Ta kim.Ta Minh with all above names have contracted by deadly covid-19 pandemic,but they all tried to coverup the virus.Most of them fears concern this evil virus will take their lives away and fear to tell them the truth in publicly.Most parliamentary fear to meeting with all those pple who had infected and don't want to see them again,until every those people clear out without cause any virus spread to other.In the meantime,Tmil HSen addressed publicly in recent day said his unofficial govm't have no enough budget,or have no coronavirus stimulus check to help 17 million pple who all hits hard for living,because we're poor govm't and highly corruption on earth without any countries trusting us anymore,or don't let us to borrow their money anymore.Our ccp's govm't expecting more relief fund should big comrade China can bail us out in this difficult time,but in fact our best friend are facing big trouble at home and international stage,that why i want every Cambodian pple have to sell their homes,lands,vehicles,or motorbikes to buy food for survival,but matter fact our ccp clans got enough sources to survive for years.

Apr 17, 2020 03:00 PM

គេហទំព័រ​ទាំងមូល