បក្ស​កាន់​អំណាច​ថា មតិ​រិះគន់ និង​ការ​កាន់​ទុក្ខ​រឿង​ព្រំដែន ជា​រឿង​ឥតប្រយោជន៍

ដោយ សេក បណ្ឌិត
2019-12-22
អ៊ីម៉ែល
មតិ
Share
បោះពុម្ព
ពិធី​ចុះ​ហត្ថលេខា​ជាផ្លូវការ សន្ធិសញ្ញាបំពេញបន្ថែមលើសន្ធិសញ្ញាកំណត់ព្រំដែនរដ្ឋឆ្នាំ១៩៨៥ និងសន្ធិសញ្ញា​បំពេញ​បន្ថែម​ឆ្នាំ​២០០៥ រវាង​កម្ពុជា និង​វៀតណាម​ នា​ប្រទេស​វៀតណាម នៅ​ថ្ងៃ​ទី៥ ខែ​តុលា ឆ្នាំ​២០១៩។
ពិធី​ចុះ​ហត្ថលេខា​ជាផ្លូវការ សន្ធិសញ្ញាបំពេញបន្ថែមលើសន្ធិសញ្ញាកំណត់ព្រំដែនរដ្ឋឆ្នាំ១៩៨៥ និងសន្ធិសញ្ញា​បំពេញ​បន្ថែម​ឆ្នាំ​២០០៥ រវាង​កម្ពុជា និង​វៀតណាម​ នា​ប្រទេស​វៀតណាម នៅ​ថ្ងៃ​ទី៥ ខែ​តុលា ឆ្នាំ​២០១៩។
រូប​ពី​ហ្វេសប៊ុក​ ហ៊ុន សែន

គណបក្ស​កាន់អំណាច​អះអាង​ថា សន្ធិសញ្ញា​ព្រំដែន​ឆ្នាំ ២០១៩​នេះ ជា​ការ​កំណត់​ខណ្ឌសីមា​ព្រំដែន​កម្ពុជា​-​វៀតណាម មាន​ភាព​ច្បាស់លាស់ ផ្ដល់​ប្រយោជន៍​ឱ្យ​ពលរដ្ឋ​ខ្មែរ​រស់នៅ​ក្បែរ​ព្រំដែន និង រក្សា​ទឹកដី​កម្ពុជា​ឱ្យ​គង់វង្ស​។ ទោះជា​យ៉ាងណា មជ្ឈដ្ឋាន​ពលរដ្ឋ​ខ្មែរ និង​ក្រុម​យុវជន​មួយ​ចំនួន​នៅតែ​យល់ថា សន្ធិសញ្ញា​ថ្មី​នេះ ធ្វើ​ឱ្យ​បាត់បង់​បូរណភាព​ទឹកដី​ទៅ​ប្រទេស​វៀតណាម​បន្ថែម​ទៀត។

អ្នកនាំពាក្យ​គណបក្ស​ប្រជាជន​កម្ពុជា លោក សុខ ឥសាន ថ្លែងប្រាប់​អាស៊ីសេរី នៅ​ថ្ងៃ​ទី២២ ខែ​ធ្នូ ថា បង្គោល​ព្រំដែន​ដែល​បាន​ចុះហត្ថលេខា​សម្រេច​បាន ៨៤ភា​គរយ ឬ​ស្មើ ៣១៥​បង្គោល គឺជា​ព្រំដែន​ជាក់លាក់​មិន​កែប្រែ និង​ផ្ដល់​ប្រយោជន៍​ឱ្យ​ប្រជាជន​រស់នៅ​តំបន់​ដែល​មាន​ព្រំដែន​ជាប់​ព្រែក និង​ទន្លេ មាន​សិទ្ធិ​ប្រើប្រាស់​ទឹក​ធ្វើ​កសិកម្ម នេសាទ​ត្រី និង​នាវាចរ​។ លោក​ថ្លែង​ទៀត សន្ធិសញ្ញា​ថ្មី​នេះ មិន​ធ្វើ​ឱ្យ​បាត់បង់​ទឹកដី​កម្ពុជា​នោះ​ទេ ហើយ​រដ្ឋាភិបាល​សព្វថ្ងៃ​ហ៊ាន​ធានា​ទទួលខុសត្រូវ​ខ្ពស់ ចំពោះ​ជោគវាសនា​ជាតិ និង​ប្រវត្តិសាស្ត្រ​ប្រទេស​ជាតិ។ អ្នកនាំពាក្យ​រូប​នេះ​ច្រានចោល​សេចក្ដី​ថ្លែងការណ៍​របស់​គណបក្ស​សង្គ្រោះ​ជាតិ​ដែល​ថា សន្ធិសញ្ញា​បំពេញ​បន្ថែម​នេះ ជា​សន្ធិសញ្ញា​ខុសច្បាប់៖ «អា​សង្គ្រោះ​ជាតិ​ហ្នឹង វារ​លាយ​ទៅ​ហើយ ហើយ​វា​រាល់ថ្ងៃ​នេះ វា​ជា​ក្រុម​ឧទ្ទាម​ក្រៅច្បាប់​។ អ៊ីចឹង​យើង​យកពាក្យ​ឧទ្ទាម​ក្រៅច្បាប់ មក​ធ្វើជា​បានការ​ម៉េច​? យើង​មាន​គណៈកម្មការ​ព្រំដែន​គេ​ធ្វើការ​ជាក់ស្ដែង​។ អ៊ីចឹង​វា​អត់​មាន​បាត់​ទេ ហើយ​និង​មានការ​ទទួលខុសត្រូវ​ចំពោះ​ជោគវាសនា និង​ប្រវត្តិសាស្ត្រ​របស់​ប្រទេសជាតិ មិនមែន​អ្នក​ថា ដូច​ពួក​អ្នក​ថា អ៊ី​ណា​។ អ្នក​ថា ជូន​ណា នៅ​ថៃ នៅ​អាមេរិក ចេះតែ​ថា​មក​ទៅ»

លោក សុខ ឥសាន ចាត់​ទុក​មតិ​រិះគន់​រឿង​សន្ធិសញ្ញា​បំពេញ​បន្ថែម​ថ្មី​នេះ និង​ការ​ដាក់​រូប​កាន់​មរណទុក្ខ​ក្នុង​ទំព័រ​ហ្វេសបុក​ថា ជា​រឿង​គ្មាន​ប្រយោជន៍​នោះ​ទេ ព្រោះ​លោក​ថា អង្ករ​បាន​ក្លាយ​ជា​បាយ​ហើយ​។ លោក​អះអាង​ទៀត​ថា រដ្ឋាភិបាល និង​រដ្ឋសភា​ជាតិ ធានា​ថា ផ្ទៃដី​កម្ពុជា​១៨១.០៣៥ គីឡូម៉ែត្រ​ការ៉េ នៅតែ​រក្សា​បាន​ដដែល​ហើយ​លោក​ថា ប្រសិនបើ នរណា​មិន​សុខចិត្ត ការ​បោះ​បង្គោល​ព្រំដែន​សម្រេច​បាន ៨៤ ភាគរយ គឺ​អាច​ទៅ​វាស់ដី តាម​បណ្ដោយ​ព្រំដែន​ដោយ​ខ្លួនឯង​បាន​៖ «និយាយ​រួម​ទៅ សន្ធិសញ្ញា​បំពេញ​បន្ថែម​ឆ្នាំ ២០១៩ នេះ​វា​មាន​អត្ត​ប្រយោជន៍ ៣ ទី​១ ព្រំដែន​ជាក់លាក់​១ អត់​មាន​កែប្រែ ទី​២ យើង​បាន​ទឹក​ប្រើប្រាស់​នៅ​តាម​ខ្សែបន្ទាត់​ព្រំដែន ដែល​ខណ្ឌ​ដោយ​ព្រែក និង​ទន្លេ ហើយ​ទី​៣ យើង​រក្សា​បាន​ដីស្រែ​ចម្ការ របស់​ពលរដ្ឋ​ដែល​ពី​មុន​មក គេ​ស្រែក​ថា បាត់​ឥឡូវ​វា​អត់​បាត់​ទេ យើង​ធានា​បាន​ទាំងអស់»

កាល​ពី​ពេល​ថ្មីៗ​នះ ព្រះមហាក្សត្រ​កម្ពុជា ប្រកាស​ឱ្យ​ប្រើ​សន្ធិសញ្ញា​បំពេញ​បន្ថែម​ឆ្នាំ​២០១៩ ស្ដីពី​បង្គោល​ព្រំដែន​ដែល​កម្ពុជា​បាន​បោះ​រួច​ចំនួន ៨៤% ជាមួយ​ភាគី​វៀតណាម។

ការប្រកាស​ដាក់​ឱ្យ​ប្រើប្រាស់​សន្ធិសញ្ញា​នេះ ផ្ទុះ​ការរិះគន់​យ៉ាង​ខ្លាំង ពី​សំណាក់​ពលរដ្ឋ ក្រុម​យុវជន គណបក្ស​ប្រឆាំង និង​មន្ត្រី​សង្គម​ស៊ីវិល ហើយ​ពួកគេ​មួយ​ចំនួន បាន​តាំង​រូប​សម្ដែង មរណទុក្ខ​ក្នុង​ទំព័រ​ហ្វេសបុក របស់​ខ្លួន ដោយសារ​យល់​ថា រឿង​នេះ ធ្វើ​ឱ្យ​ប៉ះពាល់​បូរណភាព​ទឹកដី​កម្ពុជា ជា​ប្រ​វត្តិសាស្ដ្រ នៅ​គ្រា​ដែល​ប្រទេសជាតិ​កំពុង​ឋិត​ក្នុង​កណ្ដាប់ដៃ​លោក ហ៊ុន សែន។

ព្រះសង្ឃ​មួយ​អង្គ​បាន​ប្រតិកម្ម ក្នុង​ទំព័រ​ហ្វេសបុក​របស់​ព្រះអង្គ​ថា ការប្រកាស​ឱ្យ​ប្រើ​សន្ធិសញ្ញា​បំពេញ​បន្ថែម​ឆ្នាំ ២០១៩​នេះ​ជា ជា​ការ​ប្រមាថ​មើលងាយ​ទឹកចិត្ត​កូន​ខ្មែរ​ទាំងមូល និង​ជា​កំហុស​ដ៏​ធ្ងន់ធ្ងរ​មួយ​ទៀត ក្នុង​ទំព័រ​ប្រវត្តិសាស្ដ្រ ដែល​លោក ហ៊ុន សែន ជា​អ្នកទទួលខុសត្រូវ​យ៉ាង​សំខាន់​៖ «កាលដែល​របប​លោក ហ៊ុន សែន ធ្វើ​ព្រះករុណា ធ្វើ​បច្ចុប្បន្ន​មក​លើ​ជាតិ​របស់​យើង​នេះ ជា​ការ​ជាន់​ពន្លិច​រំលោភ​រដ្ឋធម្មនុញ្ញ រដ្ឋធម្មនុញ្ញ​បាន​ចែង​ថា ព្រះ​ករុណា​ទ្រង់​ធានា បូរណភាព អធិបតេយ្យ អត់​មាន​ឱ្យ​នរណា​រំលោភបំពាន​បាន ហើយ​បើ​ព្រះ​ករុណា​លោក​ធានា មិន​បាន​ម្ដេច​លោក ធ្វើ​ឱ្យ​ឈឺចាប់​ដល់​ពលរដ្ឋ​ទៀត? អ៊ីចឹង​កាល​ដែល ព្រះរាជក្រម​ថា ប្រញាប់​នេះ ព្រោះ ហ៊ុន សែន គាត់​មើល​ឃើញ​ថា គាត់​ធ្វើ​ឱ្យ​ពលរដ្ឋ​ឈឺចាប់​ខ្លាំង​ណាស់ រឿង​ឱ្យ​ដី​ឱ្យ​ទឹក​ទៅ​យួន រឿង​បោះ​បង្គោល​ព្រំដែន រឿង​រំលាយ​បក្ស​សង្គ្រោះ​ជាតិ រឿង​ប្លន់​អាសន​គណបក្ស​សង្គ្រោះ​ជាតិ រឿង​ចុះហត្ថលេខា​នេះ សុទ្ធតែ​ជា​រឿង​ក្តៅ​ក្រហាយ​ដល់​ពលរដ្ឋ»

ចំណែក តំណាងរាស្ដ្រ​គណបក្ស​សង្គ្រោះ​ជាតិ លោក អ៊ុំ សំអាន អះអាង​ថា រដ្ឋសភា ព្រឹទ្ធសភា និង​រដ្ឋាភិបាល​សព្វថ្ងៃ​នេះ កើតឡើង​ដោយ​ការបោះឆ្នោត​ក្លែងក្លាយ ពុំ​មែន​ជា​ស្ថាប័ន​កំពូល​តំណាង​ឱ្យ​ឆន្ទៈ​រាស្ដ្រ​ខ្មែរ​ទាំងមូល​នោះ​ទេ ហើយ​សហគមន៍​អន្តរជាតិ​ក៏​មិន​ទទួលស្គាល់ ការ​បោះឆ្នោត​ក្លែងក្លាយ​នេះ​ដែរ​។ លោក​ថា ប្រសិនបើ​ទៅ​ថ្ងៃមុខ គណបក្សប្រឆាំង​ឈ្នះ​ឆ្នោត​ដឹកនាំ​រដ្ឋាភិបាល នឹង​សើរើ​សន្ធិសញ្ញា​បំពេញ​បន្ថែម​ឆ្នាំ២០១៩​នេះ និង​ស្នើ​ឱ្យ​រដ្ឋសភា​ប្រកាស​លុបចោល​សន្ធិសញ្ញា​ទាំងនេះ​។ លោក​បញ្ជាក់​ថា ពលរដ្ឋ​ខ្មែរ​នៅ​ក្រៅ​ប្រទេស កំពុង​ពិភាក្សា​គ្នា ស្វែងរក​មេធាវី ប្តឹង​ទៅ​តុលាការ​យុត្តិធម៌​អន្តរជាតិ​(ICJ) ប្រទេស​ម្ចាស់​ហត្ថលេខី​កិច្ចព្រមព្រៀង​សន្តិភាព​ក្រុង​ប៉ារីស ឆ្នាំ ១៩៩១ និង​ប្តឹង​ទៅ​អង្គការ​សហ​ប្រជាជាតិ ដើម្បី​ប្រកាស​មិន​ទទួលស្គាល់​សន្ធិសញ្ញា​បំពេញ​បន្ថែម​ឆ្នាំ​២០១៩​នេះ​៖ «រដ្ឋាភិបាល​សព្វថ្ងៃ គាត់​ជំពាក់​គុណ​យួន គាត់​នៅ​យក​អា​សន្ធិសញ្ញា​ឆ្នាំ១៩៨៥ មក​ប្រើ កាលណា​យើង​យក​អាហ្នឹង​មក​ប្រើ វា​ធ្វើ​ឱ្យ​បាត់បង់​ទឹកដី​ហើយ ធម្មតា​សម័យ​ហ្នឹង សម័យ​យួន​គ្រប់គ្រង​គេ​មិនដែល ឱ្យ​យើង​ស៊ីញ៉េ​សម័យ​គេ​គ្រប់គ្រង ចំណេញ​មក​យើង​ទេ ជា​ធម្មតា​ចំណេញ​ទៅ​យួន​ហើយ​។ យើង​ដឹង​ហើយ​ថា សន្ធិសញ្ញា​ឆ្នាំ ១៩៨៥​ហ្នឹង យួន​ជា​អ្នក​រៀបចំ​ឱ្យ​ទាំងអស់ ទាំង​សន្ធិសញ្ញា និង​ផែនទី យួន​ជា​អ្នក​រៀបចំ​ឱ្យ​ទាំងអស់ យើង​អត់​មាន​គណៈកម្មការ​ព្រំដែន​មក​ចរចា​ជាមួយ​យួន​ទេ ព្រោះ​យួន​ជា​អ្នកគ្រប់គ្រង​ចាត់ចែង​សម័យ​ហ្នឹង»

លោក អ៊ុំ សំអាន បន្ថែម​ថា សន្ធិសញ្ញា​កំណត់​ព្រំដែន​រដ្ឋ​ឆ្នាំ​១៩៨៥ និង​សន្ធិសញ្ញា​បំពេញ​បន្ថែម​ឆ្នាំ​២០០៥ រវាង​កម្ពុជា និង​វៀតណាម គឺជា​សន្ធិសញ្ញា​ខុសច្បាប់ ដែល​កើតឡើង អំឡុង​ពេល​ដែល​វៀតណាម​គ្រប់គ្រង​កម្ពុជា។ លោក​ថា សន្ធិសញ្ញា​នេះ ផ្ទុយ​រដ្ឋធម្មនុញ្ញ និង​កិច្ចព្រមព្រៀង​សន្តិភាព​ក្រុង​ប៉ារីស​ឆ្នាំ​១៩៩១។

រដ្ឋធម្មនុញ្ញ​មាត្រា ៥៥ និង​មាត្រា ២​ចែងថា សន្ធិសញ្ញា និង​កិច្ចព្រមព្រៀង​ទាំងឡាយ​ណា មិន​ស្រប​នឹង​ឯករាជ្យ អធិបតេយ្យ បូរណភាព​ទឹកដី អព្យាក្រឹតភាព និង​ឯកភាព​ជាតិ​របស់​កម្ពុ​ជា ត្រូវ​លុបចោល​។ បូរណភាព​ទឹកដី​កម្ពុជា មិន​អាច​រំលោភ​បាន​ដាច់ខាត ក្នុង​ព្រំដែន​របស់​ខ្លួន ដែល​កំណត់ ក្នុង​ផែនទី​ខ្នាត ១/១០០​ពាន់ ធ្វើ​នៅ​ចន្លោះ​ឆ្នាំ ១៩៣៣ ដល់​ឆ្នាំ ១៩៥៣ ហើយ​ត្រូវ​បាន​ទទួល​ស្គាល់ ជា​អន្តរជាតិ នៅ​ចន្លោះ​ឆ្នាំ១៩៦៣ ដល់​ឆ្នាំ​១៩៦៩៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (3)
Share

How different between international law and national law?

Fact is the fact why u Khmer govm't didn't do or use the special tools or the power that Cambodia became of the UN council member in Sihanouk era,international community,world superpowers,French declaration of Cambodia's independence day in 1951 or 1953,UN's Geneva treaty member,ICC,Rome treaty members and Paris Peace Accords on October 23,1991 that gave u Khmer govm't is the powerful to protect Cambodia sovereignty from any enemy annex of Cambodia.Why u khmer try to bully with all these crooks and thieves to encroaching your country by using a faked map and additional illegal signed treaty between only two crooks states party,but without 3rd party as representatives in this case that's only crooks and thieves approval.Told u everything with illegal signed treaty with NVC are invalided and dismissed forever.So,i want to let u know how different between International law and National law?.The definition of international law centers on the word"inter,"which means"between," as opposed to"intra,"which means"within,"so literally"international law,"is defined as"Law between nations"states" which stern from agreements,embodied in a treaty,or customs that is recognized by all nations"but u have only two nations=crook and thief=robbing".According to Article XXXIIX"38" of the state of the international court of justice,source of international law,in order of precedence of,are"a"international conventions"Treaties","b"international custom, as evidence of general practice accepted as LAW,"c"the general principle of LAW recognized by civilized nations,and"d"judicial decision,and the teaching of the most highly qualified publicists of the various nations.How about national LAW?which is often referred to as a domestic LAW,are those law that exist"within"no permanently or a particular nation"state"national LAWS are also recognized as the expression of the state itself,since it emanates from the local authority,which could be the LAW making institution,such as French parliament or the United States congress.

Dec 28, 2019 02:28 PM

Sror Nors

ពី Poi Pet

មានអ្វីខុសទៀត?
ចំណងជើង៖
មតិរិះគន់គឺគ្មានប្រយោជន, អត់ខុសលោកធំប្រចាំកម្ពុជា។
កន្លងមកទោះប្រជាមតិខំតវាយ៉ាងណា គឺមិនឈ្នះលោក
ទេ ការបាត់ទឹកដីប្រជារាស្រ្តខ្មែរ ជាអ្នកឈឺចាប់ យើង
ដឹងតែយើងមិនអាច ជួយស្រុកបានទេ។
បានតែឈឺចាប់។

Dec 22, 2019 10:40 PM

wake up standup and do something for your country before the world can help u

All khmer pple must get be smarter and be careful with all all these psychopathic"CCP's"don't trust with all these unofficial thugs govm't who try to say one thing and do other thing.They try to stir up political turmoil and to create more things to coverup the crimes their committed.Do u know who created all these things is"China/Viet commies"behind all this evil man"HS",and they won't u all pay attention what will a big happen ahead after EBA/GPS deadline coming?.Keep all your concentrate on EBA/GPS sanctions coming and mafia's family lifestyle corruption with amass frozen assets at oversea,despite million poor pple living under property line.We must hit him at every directions outside or inside its evil govm't to breakup them apart with no one trust each other.

Dec 22, 2019 02:15 PM

គេហទំព័រ​ទាំងមូល