មន្ត្រី​រដ្ឋាភិបាល៖ កម្ពុជា​មិន​បារម្ភ​ចំពោះ​ការ​កាត់​ជំនួយ​របស់​អាមេរិក

មន្ត្រី​រដ្ឋាភិបាល​កម្ពុជា និយាយ​ថា ការ​គំរាម​កាត់​ជំនួយ​របស់​តំណាងរាស្ត្រ​សហរដ្ឋអាមេរិក នឹង​មិន​ធ្វើ​ឲ្យ​កម្ពុជា ត្រូវ​ជួប​ឧបសគ្គ​ឡើយ។
ដោយ ម៉ម មុនីរតន៍
2013-09-29
អ៊ីម៉ែល
មតិ
Share
បោះពុម្ព
លោក ជាម យៀប ប្រធាន​គណៈកម្មការ​ហិរញ្ញវត្ថុ និង​សវនកម្ម​នៃ​រដ្ឋ​សភា ថ្លែង​ពី​ការ​ពន្យារ​ពេល​បូម​ប្រេង​កាត​នៅ​វិទ្យាស្ថាន​ជាតិ​អប់រំ កាល​ពី​ថ្ងៃ​ទី​៤ ឧសភា ឆ្នាំ​២០១៣។
លោក ជាម យៀប ប្រធាន​គណៈកម្មការ​ហិរញ្ញវត្ថុ និង​សវនកម្ម​នៃ​រដ្ឋ​សភា ថ្លែង​ពី​ការ​ពន្យារ​ពេល​បូម​ប្រេង​កាត​នៅ​វិទ្យាស្ថាន​ជាតិ​អប់រំ កាល​ពី​ថ្ងៃ​ទី​៤ ឧសភា ឆ្នាំ​២០១៣។
RFA

ការ​អះអាង​ខាង​លើ​នេះ ធ្វើ​ឡើង​ភ្លាមៗ​ក្រោយ​ពេល​តំណាងរាស្ត្រ​មក​ពី​រដ្ឋ​អូហ៊ីយ៉ូ (Ohio) ព្រមាន​ថា នឹង​ធ្វើ​សេចក្ដី​សម្រេច​ចិត្ត​មួយ​ស្នើ​ឲ្យ​សភា​អាមេរិកាំង ផ្អាក​ផ្ដល់​ជំនួយ​ឲ្យ​រដ្ឋាភិបាល​កម្ពុជា ដែល​ទើប​ប្រកាស​ចូល​កាន់​តំណែង​ថ្មី​កន្លង​ទៅ​នេះ។

មន្រ្តី​ជាន់​ខ្ពស់​មក​ពី​គណបក្ស​ប្រជាជន​កម្ពុជា ចាត់​ទុក​យន្តការ​ដើម្បី​រិះរក​វិធី​ក្នុង​ការ​ទប់ស្កាត់​ជំនួយ​តាម​រយៈ​តំណាងរាស្ត្រ​សភា​អាមេរិកាំង នៅ​ពេល​នេះ ថា​នឹង​មិន​ធ្វើ​ឲ្យ​កម្ពុជា ត្រូវ​ជាប់​គាំង​ផ្នែក​នយោបាយ​ឡើយ។

លោក ជាម យៀប ដែល​ជា​បេក្ខភាព​តំណាងរាស្ត្រ​ចាស់​វស្សា​របស់​គណបក្ស​ប្រជាជន​កម្ពុជា និង​ជា​ប្រធាន​គណៈកម្មការ​មួយ​នៃ​រដ្ឋ​សភា​មាន​ប្រសាសន៍​ថា រដ្ឋាភិបាល​ដែល​ទទួល​បាន​ការ​គាំទ្រ​និង​ជឿ​ទុក​ចិត្ត​របស់​ប្រជាពលរដ្ឋ នឹង​មិន​ព្រឺ​រោម​ឡើយ ចំពោះ​ការ​គំរាម​កាត់​ប្រាក់​ជំនួយ ហើយ​រដ្ឋាភិបាល​ថ្មី​ក៏​ពុំ​មាន​សិទ្ធិ​ណា​មួយ​បញ្ជា​ឲ្យ​សភា​សហរដ្ឋអាមេរិក ធ្វើ​តាម​កម្ពុជា នោះ​ដែរ។

លោក ជាម យៀប ឲ្យ​ដឹង​ថា អ្វី​ដែល​កម្ពុជា អាច​ធ្វើ​បាន​នៅ​ពេល​នេះ​គឺ​ត្រូវ​បំពេញ​ភារកិច្ច​ក្នុង​នាម​រដ្ឋាភិបាល​កើត​ចេញ​ពី​ឆន្ទៈ​របស់​ពលរដ្ឋ​កម្ពុជា ដ៏​ច្រើន​លើសលប់។

ឆ្លើយ​នឹង​សំណួរ​របស់​អ្នក​យក​ព័ត៌មាន​តាម​រយៈ​កិច្ច​សម្ភាសន៍​ជាមួយ​វិទ្យុ​អាស៊ីសេរី តំណាងរាស្ត្រ​ប្រចាំ​រដ្ឋ​អូហាយ៉ូ លោក ស្ទីវ ឆាបុត (Steve Chabot) និយាយ​ថា ខ្លួន​បាន​ធ្វើ​សេចក្ដី​សម្រេច​ចិត្ត​លេខ ៣១០ ដោយ​ស្នើ​ឲ្យ​សភា​សហរដ្ឋ​អាមេរិក ពិចារណា​ផ្អាក​ជំនួយ​ដល់​រដ្ឋាភិបាល​របស់​លោក ហ៊ុន សែន ដែល​ទើប​ជាប់​ឆ្នោត​ថ្មី ព្រោះ​លទ្ធផល​ឆ្នោត​ត្រូវ​រង​ការ​រិះគន់​ថា មាន​ភាព​លំអៀង និង​រង​ឥទ្ធិពល​ទៅ​រក​គណបក្ស​កាន់​អំណាច ហើយ​មិន​អាច​ជឿ​ទុក​ចិត្ត​បាន។ លោក ស្ទីវ មាន​សេចក្ដី​សង្ឃឹម​ថា សំណើ​របស់​លោក​នេះ​សភា​សហរដ្ឋអាមេរិក នឹង​អនុម័ត​ក្នុង​ពេល​ដ៏​ខ្លី​ខាង​មុខ។

ចំណែក​លោក អ៊ូ វីរៈ ប្រធាន​មជ្ឈមណ្ឌល​សិទ្ធិ​មនុស្ស​កម្ពុជា និយាយ​ថា គេ​ហាក់​មាន​មន្ទិល​សង្ស័យ​ជា​ច្រើន​ទៅ​លើ​សេចក្ដី​សម្រេច​របស់​សភា​អាមេរិក ក្នុង​ការ​ផ្អាក​ជំនួយ​មក​កម្ពុជា ថា​វា​នឹង​អាច​កើត​ឡើង​បាន។ លោក​ថា កម្ពុជា​ក៏​ធ្លាប់​មាន​មេរៀន​ដូច​នេះ​ម្ដង​រួច​មក​ហើយ ក្រោយ​រដ្ឋ​ប្រហារ​បង្ហូរ​ឈាម​កាល​ពី​ឆ្នាំ​១៩៩៧។ បើ​ទោះ​ជា​សហរដ្ឋអាមេរិក ព្រមាន​នៅ​ពេល​នោះ​ថា នឹង​ផ្អាក​ជំនួយ​ក្ដី​នៅ​ទីបំផុត កម្ពុជា​ក៏​អាច​នៅ​ទទួល​បាន​ការ​ឧបត្ថម្ភ​ក៏​ជា​បន្ត​បន្ទាប់​ពី​សហរដ្ឋ​អាមេរិក។

លោក អ៊ូ វីរៈ ព្រមាន​ថា ការ​កាត់​ជំនួយ​ណា​មួយ​សម្រាប់​កម្ពុជា នឹង​ពុំ​មែន​ជា​ជម្រើស​ល្អ​ឡើយ​ទាំង​សង្ខាង ហើយ​ការ​ខាត​បង់​គឺ​ទាំង​រដ្ឋាភិបាល​លោក អូបាម៉ា និង​រដ្ឋាភិបាល​លោក ហ៊ុន សែន។

លោក អ៊ូ វីរៈ ពុំ​មាន​ជំនឿ​ថា គម្រោង​ផ្អាក​ជំនួយ​របស់​ប្រទេស​មហា​អំណាច​ផ្នែក​សព្វាវុធ​មួយ​នេះ អាច​នឹង​កាត់​គ្រប់​ផ្នែក​ដែល​ប្រទេស​នេះ​ធ្លាប់​ផ្ដល់​ឲ្យ​កម្ពុជា​នោះ​ទេ។ ក្នុង​ន័យ​នេះ​លោក​គិត​ថា ទំនង​ការ​ផ្អាក​ទៅ​លើ​តែ​វិស័យ​យោធា​និង​វិស័យ​អប់រំ ព្រម​ទាំង​សុខាភិបាល​ក្នុង​ផ្នែក​ខ្លះ​ប៉ុណ្ណោះ។ ដោយ​ឡែក សម្រាប់​គម្រោង​អភិបាលកិច្ច​ល្អ និង​ការ​ពង្រឹង​លទ្ធិ​ប្រជាធិបតេយ្យ​នឹង​មិន​ប៉ះពាល់​ឡើយ។

យ៉ាង​ក៏​ដោយ សហរដ្ឋអាមេរិក​បាន​ទាត់​ចោល​រួច​ទៅ​ហើយ​ថា ការ​បោះ​ឆ្នោត​នេះ​ពុំ​អាច​ជឿ​ទុក​ចិត្ត​បាន​ឡើយ។ ការ​បង្ហាញ​ជំហរ​បែប​នេះ​របស់​​សហរដ្ឋអាមេរិក ក្រោយ​ពី​​សភា​កោះ​ប្រជុំ​ជា​លើក​ដំបូង ក្រោម​ព្រះ​រាជាធិបតី​របស់​ព្រះ​មហាក្សត្រ ដែល​មាន​តែ​គណបក្ស​ប្រជាជន​កម្ពុជា។ ព្រម​ជា​មួយ​គ្នា​​នេះ របាយការណ៍​របស់​អង្គការ​សង្គម​ស៊ីវិល និង​បក្ស​ប្រឆាំង ក៏​ចាត់​ទុក​ដែរ​ថា ការ​បោះ​ឆ្នោត​នៅ​អាណត្តិ​ទី ៥ នេះ មិន​មាន​ភាព​ត្រឹមត្រូវ តម្លាភាព និង​មិន​យុត្តិធម៌​នោះ​ទេ។

ប្រតិកម្ម​នឹង​បញ្ហា​នេះ លោក ជាម យៀប អះអាង​ថា រដ្ឋាភិបាល​នឹង​មិន​ខ្វាយខ្វល់​ឡើយ​ចំពោះ​ចំណាត់​ការ​តំណាងរាស្ត្រ​សភា​របស់​សហរដ្ឋអាមេរិក​នេះ។ លោក ជាម យៀប ហៅ​ជម្រើស​របស់​លោក ស្ទីវ នៅ​ពេល​នេះ​ថា មិន​ឆ្លុះ​បញ្ចាំង​ឲ្យ​ឆន្ទៈ​ដ៏​លើសលប់​របស់​សភា និង​ពលរដ្ឋ​អាមេរិកាំង ថែម​ទៀត។

នៅ​មុន​ការ​បោះ​ឆ្នោត​ចាប់​ផ្ដើម​កាល​ពី​ថ្ងៃ​ទី​២៨ ខែ​កក្កដា និង​ការ​វិល​ត្រឡប់​មក​វិញ​របស់​លោក សម រង្ស៊ី ទាំង​សមាជិក​ព្រឹទ្ធ​សភា និង​តំណាងរាស្ត្រ​សហរដ្ឋអាមេរិក បាន​ព្រមាន​កាត់​ជំនួយ​ម្ដង​រួច​មក​ហើយ​ដែរ និង​ទាមទារ​ឲ្យ​លោក​នាយករដ្ឋមន្ត្រី ហ៊ុន សែន ចុះ​ចេញ​ពី​តំណែង​ទៀត​ផង៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (43)
Share

អ្នក​អាន​អនាមិក

ហ៊ឺស..លុយពួកសេរីពិបាកចាយណាស់ គ្រាន់តែឃើញឯងស្លៀកពាក់ខោអាវថ្មី ថាឯងចាយគ្មានតម្លាភាព ខុសពីលុយពួកកុម្មុយនីស ឯងទិញ ៥៧០ ជិះថាឯងចាយប្រកបដោយគណនីយភាព។
កុំទៅខ្វល់ពួកសេរីកាត់ជំនួយ យើងនៅមានក្រុមកុម្មុយនីសចាំជួយ (..ជួយយក)។

Oct 02, 2013 04:05 AM

Farmer

ពី Kampong Speu

Yes, CPP will not be affected by cutting the US's aid, but NGOs / Human rights watch do...However, in the history, you can see what the US brought to Cambodia in 1970-75?

Sep 30, 2013 11:13 PM

khmer

ពី khmer

you should start to get worried when millions of your own people turn against you. Now more non-communist countries around the world think that the election wasn't fair. What else do you not understand?

Sep 30, 2013 10:47 PM

អ្នក​អាន​អនាមិក

ឃើញបណ្ឌិត សេដ្ឌកិច្ច ស្រុកគេ ដើរគឿង បរទេស អោយ ម៉ោ រកស៊ិ នៅក្នុង ប្រទេសច្លួន រីឯ បណ្ឌិត សេដ្ថកិច្ច+អ្នក ស្នេហា ជាតិ ខ្មែរ បែរ ជា ទៅប្រាប់ ឈ្មួញ បរទេស កំុ អោយ ម៉ោ រកស៊ី ក្នុងប្រទេស ខ្លួន ឯង ទៅវិញ! ប្រជាជន ខ្មែរ កំពុង តែ ប្រឈម នឹង អត់ ការ ធ្វើ បែរ ជា បណ្ឌិត យើង ធើ ចឹង កើត!

Sep 30, 2013 08:53 PM

អ្នក​អាន​អនាមិក

A Yup is still talking should start thinking some.

Sep 30, 2013 07:43 PM

មើល​មតិ​ទាំង​អស់.

គេហទំព័រ​ទាំងមូល