របប​ភ្នំពេញ​​បង្ហាញ​ការ​ហ្វឹកហ្វឺន​កងកម្លាំង​សម្រាប់​ត្រៀម​បង្ក្រាប​ដំណើរ​និវត្ត​របស់​មេ​បក្ស​ប្រឆាំង

ដោយ ខែ សុណង
2019-10-24
អ៊ីម៉ែល
មតិ
Share
បោះពុម្ព
សិក្ខាកាម​ជា​ទាហាន ចូលរួមសិក្ខាសាលា​នៃ​ការ​ពារ​ទិសដៅ នៅ​ថ្ងៃ​ទី២៤ ខែ​តុលា ឆ្នាំ​២០១៩។
សិក្ខាកាម​ជា​ទាហាន ចូលរួមសិក្ខាសាលា​នៃ​ការ​ពារ​ទិសដៅ នៅ​ថ្ងៃ​ទី២៤ ខែ​តុលា ឆ្នាំ​២០១៩។
Photo: RFA

របប​ក្រុង​ភ្នំពេញ បាន​ចាប់ផ្ដើម​បង្ហាញ​រូបភាព​ការ​ហ្វឹកហ្វឺន​កងកម្លាំង​ប្រដាប់​អាវុធ សម្រាប់​ត្រៀម​បង្ក្រាប​អ្នក​អម​ដំណើរ និង​ហែហម មេដឹកនាំ​បក្ស​ប្រឆាំង​វិល​ចូល​កម្ពុជា នៅ​ថ្ងៃ​ទី​៩ វិច្ឆិកា ខាងមុខនេះ​។ អ្នកគាំទ្រ​បក្ស​ប្រឆាំង​ប្រាប់​ថា នេះ​ជា​ការ​បង្ហាញ​រូបភាព​សាហាវ​ឃោរឃៅ និង​ជា​ការ​បន្លាច​ពលរដ្ឋ។

ស្នងការ​នគរបាល​ចំនួន ២​ខេត្ត គឺ​ខេត្ត​បាត់ដំបង និង​ខេត្ត​មណ្ឌលគិរី បាន​បើក​ការ​ហ្វឹកហ្វឺន និង​ជំនាញ​យុទ្ធវិធី​បង្ក្រាប​បាតុកម្ម ដើម្បី​បំពាក់បំប៉ន​កងកម្លាំង​នគរបាល​ច្រើន​នាក់។

គេហទំព័រ​អគ្គស្នងការ​នគរបាល​ជាតិ បាន​ស្រង់​សំដី​ស្នងការ​នគរបាល​ខេត្ត​មណ្ឌលគិរី លោក ឡោ សុខា ថា ការ​ហ្វឹកហ្វឺន​នេះ គឺ​រៀន​លំហាត់​របៀប និង​ជំនាញ​យុទ្ធវិធី​ប្រឆាំង​បាតុកម្ម​។ វគ្គ​ហ្វឹកហ្វឺន​នេះ ត្រូវ​បាន​បើក​ជា​បន្តបន្ទាប់ ដើម្បី​ក្រើនរំលឹក​ដល់​កងកម្លាំង​កុំ​ឱ្យ​ភ្លេច​។ ចំណែក​នៅ​ខេត្ត​បាត់ដំបង​វិញ អាជ្ញាធរ​ក៏បាន​លើកឡើង​ថា ការ​បើក​វគ្គ​ហ្វឹកហ្វឺន​បង្ក្រាប​បាតុកម្ម​នេះ គឺ​ដើម្បី​អនុវត្ត​តាម​បទបញ្ជា​របស់​អគ្គស្នងការ​នគរបាល​ជាតិ និង​ក្រសួង​មហាផ្ទៃ ក្នុង​ន័យ​ជួយ​ពង្រឹង​សមត្ថភាព​ក្នុង​ពេល​ចេញ​ប្រតិបត្តិ​ការ​ថែរក្សា​សន្តិសុខ និង​សណ្ដាប់ធ្នាប់។

អាស៊ីសេរី មិន​អាច​សុំ​ការ​អត្ថាធិប្បាយ​បន្ថែម​ពី​អ្នកនាំពាក្យ​អគ្គស្នងការ​នគរបាល​ជាតិ លោក ឆាយ គឹមខឿន បានទេ នៅ​ថ្ងៃ​ទី​២៤ តុលា ដោយ​អ្នក​លើក​ទូរស័ព្ទ​ប្រាប់​ថា លោក​និយាយ​មិនកើត ដោយសារ​ឈឺ​ក និង​កំពុង​សម្រាក​ព្យាបាល​ក្នុង​មន្ទីរពេទ្យ​។ ចំណែក​អគ្គស្នងការ​នគរបាល​ជាតិ លោក នេត សាវឿន ទូរស័ព្ទ​រោទ៍​គ្មាន​អ្នក​ទទួល។ ប៉ុន្តែ លោក នេត សាវឿន ប្រាប់​សារព័ត៌មាន​ក្នុងស្រុក (​ភ្នំពេញ​ប៉ុស្តិ៍​) ថា ស្នងការដ្ឋាន​នគរបាល​ខេត្ត​នីមួយៗ ត្រូវតែ​ហ្វឹកហ្វឺន​ពី​លំហាត់​របៀប និង​ជំនាញ​យុទ្ធវិធី​ប្រឆាំង​បាតុកម្ម ដល់​មន្ត្រី​នគរបាល ដើម្បី​ជួយ​ពង្រឹង​សមត្ថភាព និង​ថែរក្សា​សន្តិសុខ សណ្ដាប់ធ្នាប់​សង្គម​។ លោក​ថា ការ​ហ្វឹកហ្វឺន​នេះ​ជា​ផ្នែក​មួយ​ដើម្បី​ត្រៀម​ទប់ស្កាត់ និង​បង្ក្រាប​ទៅលើ​ក្រុម​ទាំងឡាយ​ណា ដែល​បង្ក​ឱ្យ​មាន​ភាព​អសន្តិសុខ និង​មាន​បំណង​ធ្វើ​រដ្ឋប្រហារ​ផ្ដួល​រំល​រដ្ឋាភិបាល។

របប​ក្រុងភ្នំពេញ តែងតែ​បំផុស​កងកម្លាំង និង​ពលរដ្ឋ​ថា ដំណើរ​វិល​ចូល​ស្រុក​របស់​មេដឹកនាំ​គណបក្សប្រឆាំង លោក សម រង្ស៊ី នៅ​ថ្ងៃ​ទី​៩ វិច្ឆិកា ជា​ការ​ធ្វើ​រដ្ឋ​ប្រហារ មានបំណង​ចង់​ផ្ដួល​របប​ក្រុងភ្នំពេញ​។ តែ​ទាំង​លោក សម រង្ស៊ី និង​អ្នកគាំទ្រ​បក្ស​ប្រឆាំង​អះអាង​ថា ដំណើរ​វិលត្រឡប់ នៅ​ថ្ងៃ​ទី​៩ ខែ​វិច្ឆិកា មាន​បំណង​​ចង់​​ដោះស្រាយ​បញ្ហា​ជាតិ និង​វិបត្តិ​នយោបាយ​។​

ប្រធាន​ក្រុមការងារ​គណបក្ស​សង្គ្រោះ​ជាតិ ប្រចាំ​ប្រទេស​ថៃ លោក លី រតនៈរស្មី យល់ថា ការ​បង្គាប់​ឱ្យ​កង​កម្លាំង​ហ្វឹកហ្វឺន​វិធីសាស្ត្រ​បង្ក្រាប​អ្នកគាំទ្រ​បក្ស​ប្រឆាំង នៅ​ថ្ងៃ​ទី​៩ វិច្ឆិកា ជា​រូបភាព​បង្ហាញ​ពី ភាព​ឃោរឃៅ របស់​របប​ក្រុងភ្នំពេញ។ លោក​បន្ត​ថា នេះ​ជា​ទង្វើ​បង្ហាញ​ប្រាប់​ពលរដ្ឋ​ថា របប​ក្រុង​ភ្នំពេញ កាន់តែ​ផ្ដាច់ការ។ មន្ត្រី​បក្ស​ប្រឆាំង​រូប​នេះ អះអាង​ថា ពលករ​ក្រៅ​ប្រទេស និង​ពលរដ្ឋ​នៅ​ក្នុង​ស្រុក នឹង​មិន​ខ្លាច​ការ​កំញើញ​នេះ​ទេ នៅ​ថ្ងៃ​ទី​៩ វិច្ឆិកា​។

លោក លី រតនៈរស្មី បន្ថែម​ទៀត​ថា ក្រៅពី​ការ​បង្ហាញ​រូបភាព​កងកម្លាំង​របប​ក្រុងភ្នំពេញ បាន​ប្រើប្រាស់​វិធីសាស្ត្រ​ច្រើន​ទៀត ដើម្បី​បង្អាក់​ដំណើរ លោក សម រង្ស៊ី មិន​ឱ្យ​វិល​ចូល​ស្រុក ដូចជា ការ​ប្រើ​ឱ្យ​ក្មេងៗ មនុស្ស​ជំនិត ជេរ ប្រមាថ ត្មះតិះដៀល និង​សុំ​ភ្នាល់​ដាក់​លុយ ជាមួយ​លោក សម រង្ស៊ី ជាដើម។ លោក​បន្ត​ថា មក​ដល់​ពេល​នេះ អាជ្ញាធរ​ភូមិ ឃុំ បាន​ធ្វើ​ខិត្តប័ណ្ណ ចែក​ឱ្យ​ពលរដ្ឋ ដោយ​សរសេរ​បន្លាច​អ្នកភូមិ​ថា ការ​ទៅ​ទទួល​លោក សម រង្ស៊ី ត្រូវ​មានទោស​។ ឯ​អាជ្ញាធរ​មូលដ្ឋាន​ខ្លះ​ទៀត ហៅ​ពលរដ្ឋ​ទៅ​បំភិតបំភ័យ ពី​ដំណើរ​វិល​ចូល​ស្រុក​របស់ លោក សម រង្ស៊ី នៅ​ថ្ងៃ​ទី​៩ វិច្ឆិកា​។​

ទោះយ៉ាងណា លោក លី រតនៈរស្មី ប្រាប់​ថា ពលរដ្ឋ​នឹង​មិន​ខ្លាច​ការ​គំរាម​ទាំង​នោះ​ឡើយ ព្រោះ​ពួកគេ បាន​ដឹង​ពី​ទង្វើ​ដឹកនាំ​បែប​ផ្ដាច់ការ របស់ លោក ហ៊ុន សែន។ លោក​អះអាង​ថា គិត​ត្រឹម​ថ្ងៃ​ទី​២៤ តុលា ពលករ នៅ​ប្រទេស​ថៃ ជាង ២០​ម៉ឺន​នាក់ នឹង​អម​ដំណើរ លោក សម រង្ស៊ី ត្រលប់​ទៅវិញ​។ ចំណែក​ពលករ នៅ​ប្រទេស​ផ្សេងទៀត នឹង​ធ្វើ​ដំណើរ​ចូល​ប្រទេស​ថៃ និង​ប្រទេស​ក្បែរ​កម្ពុជា​ផ្សេងទៀត ដើម្បី​ត្រៀម វិល​ចូល​កម្ពុជា នៅ​ថ្ងៃ​ទី​៩ វិច្ឆិកា​។ លោក​អះអាង​ទៀត​ថា មកដល់ពេលនេះ មាន​ពលករ​ខ្លះ បាន​ចូល​ទៅដល់​កម្ពុជា​ហើយ ដើម្បី​ត្រៀម​ទទួល លោក សម រង្ស៊ី ពី​ក្នុង​ប្រទេស​កម្ពុជា៖ «បើ​និយាយ​ពី​បញ្ហា​ខ្លាច ខ្ញុំ​គិត​ថា បងប្អូន​មួយ​ចំនួន គាត់​មានការ​ព្រួយបារម្ភ បាន​ន័យថា ការ​ខ្លាច​តិចតួច​។ តែ​បងប្អូន ដែល​យល់​អំពី​ស្ថានភាព ដែល​យល់​អំពី​ទង្វើ ឬក៏​ការដឹកនាំ​របស់ លោក ហ៊ុន សែន បាន​ន័យ​ថា ពួក​យើង​ទាំងអស់​គ្នា បើសិនជា​នៅ​ក្នុង​ប្រទេស​ថៃ​នេះ យើង​មិន​ខ្លាច​ទេ ហើយ​យើង​បាន​ត្រៀមលក្ខណៈ​គ្រប់សព្វ​បែបយ៉ាង​ទាំង​អស់ហើយ ហើយ​យើង​ទៅ​នេះ មិនមែន​ទៅ​ផ្ដួល​រំលំ លោក ហ៊ុន សែន ទេ​។ តែ​សំខាន់ សូម​ឱ្យ លោក ហ៊ុន សែន គាត់​ទទួលខុសត្រូវ ហើយ​ត្រូវ​ប្រកាន់ខ្ជាប់​នូវ​សន្ធិសញ្ញា​ក្រុង​ប៉ារីស នៅ​ហ្សឺណែវ ឆ្នាំ​១៩៩១ ហើយ​ឱ្យ លោក ហ៊ុន សែន ហ្នឹង គាត់​គោរព​នូវ​លទ្ធិប្រជាធិបតេយ្យ»

ពាក់ព័ន្ធ​ការហ្វឹកហ្វឺន​កងកម្លាំង ដើម្បី​ត្រៀម​បង្ក្រាប​ក្រុម​អ្នកគាំទ្រ​បក្ស​ប្រឆាំង ដែល​របប​ក្រុងភ្នំពេញ ចាត់ទុកជា​ការ​ធ្វើ​រដ្ឋ​ប្រហារ​នេះ មន្ត្រី​សង្គម​ស៊ីវិល មិន​ចង់​ឃើញ​មានការ​ប្រើប្រាស់​កងកម្លាំង​បង្ក្រាប​លើ​ជនជាតិ​ខ្មែរ​ដូចគ្នា​ឡើយ​។ អ្នក​សម្របសម្រួល និង​អង្កេត នៃ​អង្គការ​ខុមហ្វ្រែល (Comfrel) លោក កន សាវាង្ស យល់​ថា ប្រសិនបើ​កើតមាន​ករណី​កងកម្លាំង​បង្ក្រាប​លើ​អ្នកគាំទ្រ​បក្ស​ប្រឆាំង​មែន ពលរដ្ឋ​ជា​អ្នក​រង​ទុក្ខសោក ដូច​ករណី បង្ក្រាប​កម្មករ​លើ​ផ្លូវ​វេងស្រេង កាល​ឆ្នាំ​២០១៣ ដែល​បង្ក​ឱ្យ​មាន​អ្នករបួស​ច្រើន​នាក់ និង​អ្នកខ្លះ​បន្ត​ការ​បាត់​ខ្លួន។

លោក​បន្ត​ថា ការប្រើប្រាស់​កងកម្លាំង​ក្នុង​ស្ថានភាព​វិវាទ​នយោបាយ​បែបនេះ មិនមែន​ជា​ដំណោះស្រាយ​ទេ ខណៈ​ប្រទេស​កម្ពុជា មិន​ត្រូវ​បាន​ប្រកាស​ដាក់​ក្នុង​ភាព​មាន​អាសន្ន​ទេ ដូច្នេះ នេះ​ជា​ជម្លោះ​អ្នកនយោបាយ មិនមែន​ជា​សង្គ្រាម​ឡើយ​។ តំណាង​សង្គម​ស៊ីវិល​រូប​នេះ​យល់ថា កងកម្លាំងប្រដាប់អាវុធ គឺ​ប្រើ​សម្រាប់​​ប្រទេស​មាន​សង្គ្រាម​ប៉ុណ្ណោះ ដូច្នេះ លោក​ចង់​ឃើញ​មានការ​ចរចា​រវាង​អ្នក​នយោបាយ ជា​ជាង​ការ​ប្រឈម​មុខ​ដាក់គ្នា​៖ «អ៊ីចឹង មិន​គួរ​ណា​ប្រើ​ប្រាស់​​កម្លាំង​ទេ បើសិនជា​អាច​ជៀស​បាន គឺ​សំណូមពរ​ថា គួរតែ​ជជែក​គ្នា ដោយ​សន្តិវិធី​។ បើសិនជា​មានការ​ប្រើប្រាស់​មែន វា​ជា​សញ្ញា​មួយ នៃ​ការ​គ្រោះថ្នាក់​សម្រាប់​​សង្គម​យើង ហើយ​ខ្ញុំ​ជា​អ្នក​ដែល​ធ្វើ​កិច្ច​ការងារ​សង្គម ហើយ​ជា​អ្នក​ដែល​តាមដាន ខ្ញុំ​សំណូមពរ​ថា មិន​គួរ​ណា មានការ​ប្រើប្រាស់​កងកម្លាំង​ទេ​។ អ៊ីចឹង សំណូមពរ​ថា ដល់​អ្នកនយោបាយ​ទាំងអស់ គួរតែ​ជជែក​គ្នា គួរតែ​ពិនិត្យ​មើល ហើយ​កង​កម្លាំង​ក៏​គួរ​ធ្វើការ​ដោយ​រក្សា​សន្តិសុខ​សម្រាប់​ប្រជាពលរដ្ឋ​។ វា​ជា​ចំណុច​មួយ​ល្អ សម្រាប់​ប្រជាពលរដ្ឋ​យើង»

ទោះយ៉ាងណា អ្នកនាំពាក្យ​របប​ក្រុងភ្នំពេញ លោក ផៃ ស៊ីផាន បញ្ជាក់​ថា ក្នុង​ករណី​រដ្ឋាភិបាល​យល់​ឃើញ​ថា មាន​សកម្មភាព​រដ្ឋប្រហារ ក្នុង​ដំណើរ​វិល​ត្រឡប់​​របស់​​លោក សម រង្ស៊ី រដ្ឋាភិបាល​នឹង​បើក​យុទ្ធនាការ​បង្ក្រាប ឬ​កម្ទេច​។ លោក​អំពាវនាវ​កុំ​ឱ្យ​ពលករ និង​ពលរដ្ឋ ចូលរួម​សកម្មភាព ជាមួយ លោក សម រង្ស៊ី​។ ប៉ុន្តែ ក្រុម​តំណាងរាស្ត្រ​សហរដ្ឋអាមេរិក បាន​ព្រមាន​របប​ក្រុងភ្នំពេញ​ថា នឹង​រង​ទណ្ឌកម្ម​ធ្ងន់ធ្ងរ បើ​ហ៊ាន​ចាប់ខ្លួន បង្ក្រាប និង​បាញ់​សម្លាប់​ក្រុម​អ្នក​និយម​ប្រជាធិបតេយ្យ ពេល​លោក សម រង្ស៊ី វិល​ចូល​ប្រទេស​កម្ពុជា ថ្ងៃ​ទី​៩ វិច្ឆិកា​។ គិត​ត្រឹម​ថ្ងៃ​ទី២៤ តុលា នៅ​សល់​ ១៦​ថ្ងៃ​ទៀត ដល់​ថ្ងៃ​កំណត់ លោក សម រង្ស៊ី សន្យា​វិល​ចូល​ប្រទេស​កម្ពុជា​វិញ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (3)
Share

ICC hold Hun Sen accountable"he can run,but he can't hide,WORLD MOST WANTED...

These young military men/officers all be ready to arrest Hun Sen before he fled the country,because the international lawyers association want him to stand trial at ICC"Hague Netherlands"with ton of crimes he committed in the last 40+years repression.

Oct 26, 2019 01:26 PM

Evil HSen fears his own karma and try to use fake military activity to help him...but those military men will arrest HSen to ICC and everything solved and peace

Trusted us all khmer pple and don't pay attention with whatever HSen says or try to scare u,everybody knew this man clearly in the last 40 +years repression...there only use the word threat this or that with flip flop...blaaaaa to buy time and bargain his power.He did all this tricked in everytimes when he and his rogue govm't can't solved any problem"made coup d'etat+show military deployment with military hardware",so this time u all have to tell him,sir there is not 5,10,20,40,60s ago,that u have been done to our pple and country,but this time sorry with no more excuse to u"HS",it's totally times in the last 40+years oppression and a best time for u to payoff to all us now.

Oct 24, 2019 02:35 PM

Evil HSen fears his own karma and try to use fake military activity to help him...but those military men will arrest HSen to ICC and everything solved and peace

Trusted us all khmer pple and don't pay attention with whatever HSen says or try to scare u,everybody knew this man clearly in the last 40 +years repression...there only use the word threat this or that with flip flop...blaaaaa to buy time and bargain his power.He did all this tricked in everytimes when he and his rogue govm't can't solved any problem"made coup d'etat+show military deployment with military hardware",so this time u all have to tell him,sir there is not 5,10,20,40,60s ago,that u have been done to our pple and country,but this time sorry with no more excuse to u"HS",it's totally times in the last 40+years oppression and a best time for u to payoff to all us now.

Oct 24, 2019 02:34 PM

គេហទំព័រ​ទាំងមូល