ព្រះមហាក្សត្រ​ប្រកាស​ឱ្យ​ប្រើ​សន្ធិសញ្ញា​បំពេញ​បន្ថែម​ឆ្នាំ​២០១៩ ស្ដីពី​បង្គោល​ព្រំដែន​ជាមួយ​វៀតណាម

ដោយ សុ ជីវី
2019-12-20
អ៊ីម៉ែល
មតិ
Share
បោះពុម្ព
ព្រះមហាក្សត្រ នរោត្ដម សីហមុនី យាង​ទត​ព្រះរាជ​ពិធី​បុណ្យ​អុំ​ទូក​នៅ​មុខ​ព្រះបរមរាជវាំង កាល​ពី​​ថ្ងៃ​ទី​១៣ ខែ​វិច្ឆិកា ឆ្នាំ​២០១៦។
ព្រះមហាក្សត្រ នរោត្ដម សីហមុនី យាង​ទត​ព្រះរាជ​ពិធី​បុណ្យ​អុំ​ទូក​នៅ​មុខ​ព្រះបរមរាជវាំង កាល​ពី​​ថ្ងៃ​ទី​១៣ ខែ​វិច្ឆិកា ឆ្នាំ​២០១៦។
RFA

ព្រះមហាក្សត្រ​កម្ពុជា ប្រកាស​ឱ្យ​ប្រើ​សន្ធិសញ្ញា​បំពេញ​បន្ថែម​ឆ្នាំ​២០១៩ ស្ដីពី​បង្គោល​ព្រំដែន​ដែល​កម្ពុជា​បាន​បោះ​រួច​ចំនួន ៨៤% ជាមួយ​ភាគី​វៀតណាម​។ មន្ត្រី​គណបក្ស​ប្រឆាំង និង​អ្នកឃ្លាំមើល​បញ្ហា​ព្រំដែន អះអាង​ថា សន្ធិសញ្ញា​នេះ​មិន​ស្របតាម​រដ្ឋធម្មនុញ្ញ និង​ប៉ះពាល់​ដល់​បូរណភាព​ទឹកដី​កម្ពុជា។

ព្រះមហាក្សត្រ ព្រះបាទ​សម្តេច​ព្រះបរមនាថ នរោត្តម សីហមុនី បាន​ឡាយព្រះហស្តលេខា​ដាក់​ឱ្យ​ប្រើប្រាស់​ច្បាប់​ស្ដីពី​ការ​អនុម័ត​យល់ព្រម​លើ​សន្ធិសញ្ញា​បំពេញ​បន្ថែម​លើ​សន្ធិសញ្ញា​កំណត់​ព្រំដែន​រដ្ឋ​ឆ្នាំ​១៩៨៥ និង​សន្ធិសញ្ញា​បំពេញ​បន្ថែម​ឆ្នាំ​២០០៥ រវាង​កម្ពុជា និង​វៀតណាម ឬ​ហៅ​ដោយ​ខ្លី​ថា សន្ធិសញ្ញា​បំពេញ​បន្ថែម​ឆ្នាំ​២០១៩​។ ការប្រកាស​ដាក់​ឱ្យ​ប្រើប្រាស់​សន្ធិសញ្ញា​នេះ ធ្វើឡើង​តាមរយៈ​ព្រះរាជក្រម​ចុះ​ថ្ងៃ​ទី​៥ ធ្នូ ដែល​ទើប​ត្រូវ​បាន​ផ្សព្វផ្សាយ​ជា​សាធារណៈ​នៅ​ថ្ងៃ​ទី​២០ ធ្នូ ហើយ​ដែល​មាន​លោកនាយក​រដ្ឋមន្ត្រី ហ៊ុន សែន ជា​អ្នក​ស្នើ​ឱ្យ​ព្រះអង្គ​ឡាយ​ព្រះហស្តលេខា។

ស្ថាប័ន​នីតិប្បញ្ញត្តិ​ដែល​ស្ថិត​ក្រោម​ការ​គ្រប់គ្រង​របស់​បក្ស​កាន់អំណាច បាន​អនុម័ត​សេចក្តី​ព្រាង​ច្បាប់​នេះ​ដោយ​ប្រញាប់ប្រញាល់ កាលពី​អំឡុង​ខែ​វិច្ឆិកា​កន្លង​ទៅ បន្ទាប់​ពី​លោក ហ៊ុន សែន បាន​ទៅ​ចុះហត្ថលេខា​ទទួលស្គាល់​បង្គោល​ព្រំដែន ដែល​បាន​បោះ​រួច​ចំនួន​៨៤% ជាមួយ​ភាគី​វៀតណាម​ដល់​រដ្ឋធានី​ហាណូយ។ សេចក្ដីព្រាងច្បាប់​នេះ​មាន​ចំនួន ៣ មាត្រា ផ្តោត​លើ​ការ​ទទួលស្គាល់​ព្រំដែន​គោក​ដែល​ប្រទេស​ទាំង​ពីរ​បាន​បោះ​ជាមួយគ្នា សម្រេច​បាន ៣១៥​បង្គោល។

តំណាងរាស្ត្រ​គណបក្ស​សង្គ្រោះ​ជាតិ​ដែល​ត្រូវ​រដ្ឋាភិបាល​លោក ហ៊ុន សែន រំលាយចោល គឺ​លោក អ៊ុំ សំអាន យល់​ថា ព្រះមហាក្សត្រ​ទំនងជា​មិន​ចង់​ឡាយព្រះហស្តលេខា​លើ​សន្ធិសញ្ញា​នេះ​ឡើយ ប៉ុន្តែ​ដោយសារ​មាន​គំនាប​ពី​លោក ហ៊ុន សែន ទើប​ព្រះអង្គ​សម្រេច​ព្រះទ័យ​បែប​នេះ។ ទោះជា​យ៉ាងណា លោក​ថា ការ​ឡាយព្រះហស្តលេខា​របស់​ព្រះមហាក្សត្រ​នេះ ប្រៀប​បាន​នឹង​ការ​កាត់​ទឹកដី​ខ្មែរ​ឱ្យ​ទៅ​វៀតណាម​កុម្មុយនិស្ត​យ៉ាង​ដូច្នេះ​ដែរ ព្រោះ​សន្ធិសញ្ញា​បំពេញ​បន្ថែម​ឆ្នាំ​២០១៩ នេះ ធ្វើឡើង​ដោយ​ផ្អែកលើ​សន្ធិសញ្ញា​ខុសច្បាប់​ឆ្នាំ​១៩៨៥ និង​២០០៥៖ «ការ​ឡាយ​ព្រះហស្ថលេខា​របស់​ព្រះអង្គ​ហ្នឹង ដូចជា​ការយល់​ព្រម​ជាមួយ​លោក ហ៊ុន សែន ដើម្បី​កាត់​ទឹកដី​ខ្មែរ​ឱ្យ​ទៅ​យួន​អ៊ីចឹង​ឯង ព្រោះ​សន្ធិសញ្ញា​បំពេញ​បន្ថែម​ឆ្នាំ​២០១៩ ហ្នឹង យក​តាម​សន្ធិសញ្ញា​ខុសច្បាប់​ឆ្នាំ​១៩៨៥ សម័យ​យួន​គ្រប់គ្រង​កម្ពុជា​។ យើង​ដឹង​ហើយ សន្ធិសញ្ញា​ឆ្នាំ​១៩៨៥ ហ្នឹង វា​ផ្ទុយ​ទៅ​នឹង​មាត្រា​២ និង​មាត្រា​៥៥ នៃ​រដ្ឋធម្មនុញ្ញ ហើយ​ផ្ទុយ​ទៅ​នឹង​កិច្ចព្រមព្រៀង​ទីក្រុង​ប៉ារីស​ដែល​តម្រូវ​ឱ្យ​ទុកជា​មោឃៈ​នូវ​សន្ធិសញ្ញា​ទាំងអស់​ហ្នឹង​។ ដូច្នេះ​ការដែល​ឡាយព្រះហស្តលេខា​ទៅលើ​សន្ធិសញ្ញា​បំពេញ​បន្ថែម​ឆ្នាំ​២០១៩ ធ្វើ​ឱ្យ​ខ្មែរ​បាត់បង់​ដី​បន្ថែម​ទៀត​ទៅ​ប្រទេស​វៀតណាម»

លោក អ៊ុំ សំអាន ប្រកាស​ថ្កោលទោស​រដ្ឋាភិបាល​លោក ហ៊ុន សែន ដែល​ផ្ដួចផ្ដើម​គំនិត​រៀបចំ​សន្ធិសញ្ញា​បំពេញ​បន្ថែម​ដែល​ផ្ដល់​ប្រយោជន៍​ដល់​ប្រទេស​វៀតណាម​នេះ​។ លោក​យល់ថា លោក ហ៊ុន សែន រៀបចំ​សន្ធិសញ្ញា​នេះ​ឡើង ដើម្បី​ផ្គាប់ចិត្ត​រដ្ឋាភិបាល​ក្រុង​ហាណូយ ដែល​បាន​លើក​បន្តុប និង​ជួយ​ឱ្យ​គាត់​កាន់អំណាច​នៅ​កម្ពុជា តាំងពី​ទសវត្សរ៍​១៩៨០ រហូតមកដល់​សព្វថ្ងៃ​។ តំណាងរាស្ត្រ​ដែល​ធ្លាប់​ជាប់ទោស​ដោយសារ​រិះគន់​រឿង​ព្រំដែន​រូប​នេះ បញ្ជាក់​ថា សន្ធិសញ្ញា​ថ្មី​នេះ និង​កិច្ចព្រមព្រៀង​ព្រំដែន​ទាំងឡាយ​ដែល​រដ្ឋាភិបាល​លោក ហ៊ុន សែន បាន​ចុះហត្ថលេខា​ជាមួយ​ភាគី​វៀតណាម​កាលពី​អតីត​កាលនោះ នឹង​ត្រូវ​និរាករណ៍​ចោល​ទាំងអស់​នៅ​ពេល​កម្ពុជា​មាន​រដ្ឋាភិបាល និង​សភា ដែល​គិត​ពី​ប្រយោជន៍​ជាតិ​ពិតប្រាកដ៖ «រដ្ឋាភិបាល​របស់​លោក ហ៊ុន សែន ផ្ដួចផ្ដើម​ឱ្យ​មាន​សន្ធិសញ្ញា​នេះ​ឡើង ដើម្បី​កាត់​ដី​ឱ្យ​ទៅ​យួន ជា​ការ​តបស្នង​សងគុណ​ទៅដល់​យួន​ដែល​បាន​លើក​បន្តុប​មេដឹកនាំ​បច្ចុប្បន្ន​តាំងពី​ទសវត្សរ៍​ទី​៨០ មក​។ ដូច្នេះ យើង​ជា​កូន​ខ្មែរ​នៅ​ពេល​ដែល​មាន​រដ្ឋាភិបាល​ដែល​ស្នេហា​ជាតិ​មួយ យើង​នឹង​សើរើ​ការ​បោះ​បង្គោល​ព្រំដែន​កន្លង​មក​ឡើងវិញ ហើយ​យើង​នឹង​លុបចោល​សន្ធិសញ្ញា​បំពេញ​បន្ថែម​ឆ្នាំ​២០១៩ នេះ នៅ​ពេល​ដែល​មាន​រដ្ឋាភិបាល​មួយ និង​សភា​មួយ​ដែល​មិន​ជំពាក់​គុណ​យួន ដូច​រដ្ឋាភិបាល​សព្វថ្ងៃ»

សន្ធិសញ្ញា​បំពេញ​បន្ថែម​ឆ្នាំ​២០១៩ គឺជា​ការ​រួមបញ្ចូល​គ្នា​នៃ​សន្ធិសញ្ញា​កំណត់​ព្រំដែន​រដ្ឋ​ឆ្នាំ​១៩៨៥ និង​សន្ធិសញ្ញា​បំពេញ​បន្ថែម​ឆ្នាំ​២០០៥​។ រដ្ឋាភិបាល​កម្ពុជា​បាន​អះអាង​ថា សន្ធិសញ្ញា​បំពេញ​បន្ថែម​ឆ្នាំ​២០១៩ នេះ គឺជា​ឯកសារ​ផ្លូវច្បាប់​ដែល​ទទួលស្គាល់​ការ​បោះ​បង្គោល​ព្រំដែន​៨៤% ជាមួយ​ប្រទេស​វៀតណាម​។ រដ្ឋាភិបាល​អះអាង​ទៀត​ថា សន្ធិសញ្ញា​នេះ គឺជា​ឯកសារ​គ្រឹះ​ការពារ​បូរណភាព​ទឹកដី​កម្ពុជា ដែល​មាន​ខ្សែ​ព្រំដែន​មិន​ប្រែប្រួល ថែរក្សា​បាន​នូវ​ព្រំដែន​សុខ​សន្តិភាព មិត្តភាព សហប្រតិបត្តិការ និង​ការ​អភិវឌ្ឍ​លើ​គ្រប់​វិស័យ ដើម្បី​ភាព​​​​​​​​​​​​​​​​​​សុខសាន្ត​របស់​ពល​រដ្ឋ​កម្ពុជា​។​

ក្នុង​ន័យ​ជួយ​ការពារ​រដ្ឋាភិបាល ទាំង​រដ្ឋសភា និង​ព្រឹទ្ធសភា បាន​អះអាង​ថា សន្ធិសញ្ញា​បំពេញ​​​​​​​​​​​​​​​​​​​​​​​​​​​​​​​​​​​​​​​​​​​បន្ថែម​ថ្មី​នេះ មាន​ភាព​ចាំបាច់ ដើម្បី​កំណត់​ព្រំដែន​គោក​ជាមួយ​ប្រទេស​វៀតណាម និង​ថា នេះ​សមិទ្ធផល​មិន​ធ្លាប់​មាន​ក្នុង​ប្រវត្តិសាស្ត្រ ដែល​កម្ពុជា​មាន​ព្រំដែន​ច្បាស់លាស់​ជាមួយ​ប្រទេសជិតខាង​។ លើស​ពី​នេះ ស្ថាប័ន​នីតិប្បញ្ញត្តិ​ទាំងពីរ​នេះ​បាន​បដិសេធ​រាល់​មតិ​រិះគន់​ទាំងឡាយ​អំពី​សន្ធិសញ្ញា​បំពេញ​បន្ថែម​ថ្មី​នេះ និង​ចាត់ទុកថា មតិ​ទាំងនោះ​គ្រាន់តែ​ជា​សារ​នយោបាយ ដែល​គ្មាន​ភាព​ច្បាស់លាស់​។

ទោះជា​យ៉ាងណា តំណាង​ក្រុមប្រឹក្សា​ឃ្លាំមើល​កម្ពុជា លោក រ៉ុង ឈុន ថ្លែង​ថា សន្ធិសញ្ញា​បំពេញ​បន្ថែម​ឆ្នាំ​២០១៩ នេះ មិន​ស្របតាម​រដ្ឋធម្មនុញ្ញ​កម្ពុជា​ឡើយ ហើយ​រឹតតែ​ផ្ទុយ​នឹង​កិច្ចព្រមព្រៀង​សន្តិភាព​ក្រុង​ប៉ារីស​ឆ្នាំ​១៩៩១​។ លោក​បន្ត​ថា សន្ធិសញ្ញា​បំពេញ​បន្ថែម​ថ្មី​នេះ មិន​គួរ​ត្រូវ​បាន​រៀបចំ និង​ដាក់​ឱ្យ​ប្រើប្រាស់​នៅ​​​​​​​​​​​​ពេល​នេះ​ទេ ព្រោះ​កម្ពុជា​មិន​ទាន់​មាន​ឯកភាព​ជាតិ ហើយ​ប្រទេស​ទាំងពីរ​មិនទាន់​បញ្ចប់​ការ​បោះបង្គោល​ព្រំដែន​នៅឡើយ​។ លោក​ជឿជាក់​ថា សន្ធិសញ្ញា​ប្រភេទ​នេះ​នឹង​ត្រូវ​សើរើ និង​កែប្រែ​វិញ នៅ​ពេល​កម្ពុជា​មានការ​ឯកភាព​ជាតិ និង​មាន​រដ្ឋាភិបាល​ត្រឹមត្រូវ៖ «ខាង​រដ្ឋាភិបាល និង​គណៈកម្មាធិការ​ព្រំដែន​កម្ពុជា ត្រូវតែ​ពិនិត្យមើល​ឡើងវិញ​រាល់​ការ​បោះបង្គោល​។ គួរតែ​ដើរ​តាម​អ្វី​ដែល​មាន​កំណត់​ក្នុង​រដ្ឋធម្មនុញ្ញ ហើយ​យើង​ត្រូវ​យក​សម្អាង​ដែល​យើង​ធ្លាប់​បោះ​នៅ​សម័យ​បារាំង​យក​មក​ធ្វើជា​គោល​។ អាហ្នឹង​យើង​នឹង​មើល​ឃើញ​ថា កម្ពុជា​យើង​មិន​បាត់បង់ ហើយ​បើ​យើង​បោះ​ទៅតាម​សន្ធិសញ្ញា​បំពេញ​បន្ថែម​២០០៥ អាហ្នឹង​វា​ធ្វើ​ឱ្យ​កម្ពុជា​យើង​ខាតបង់​ច្រើន»

គិត​ត្រឹម​ខែ​កក្កដា ឆ្នាំ​២០១៩ រដ្ឋាភិបាល​លោក ហ៊ុន សែន សម្រេច​បាន​ការ​បោះបង្គោល​ព្រំដែន​គោក​ជាមួយ​ភាគី​វៀតណាម​បាន​៣១៥ បង្គោល ស្មើនឹង​៨៤% នៃ​បង្គោល​ព្រំដែន​សរុប ៣៧៥ បង្គោល​។ រដ្ឋាភិបាល​នឹង​ផ្ដល់​សច្ចាប័ន​លើ​សន្ធិសញ្ញា​ថ្មី​ទៀត នៅ​ពេល​ការ​បោះបង្គោល​ព្រំដែន​ជាមួយ​ភាគី​វៀតណាម ចប់​សព្វគ្រប់​។ ទោះជា​យ៉ាងណា អ្នកនាំពាក្យ​រដ្ឋសភា លោក ឡេង ប៉េងឡុង បាន​អះអាង​ថា ប្រសិនបើ​ទៅ​ថ្ងៃមុខ គណបក្សប្រឆាំង​ឈ្នះ​ឆ្នោត​ដឹកនាំ​រដ្ឋាភិបាល ពួកគេ​មាន​សិទ្ធិ​ក្នុង​ការ​សើរើ​មើល​ឡើងវិញ​នូវ​សន្ធិសញ្ញា​ដែល​រដ្ឋាភិបាល​សព្វថ្ងៃ បាន​ចុះហត្ថលេខា​ជាមួយ​ភាគី​វៀតណាម៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (4)
Share

No man is above the LAW...history will write it downs and u would hold accountable by ppple of power...let's play by international rule of law

No one is ABOVE THE LAW with no matter who or what we are?because Cambodia's national constitution laws after Paris Peace Accords"October 21,1991" said no one is above the law,its guaranteed right for all Cambodian citizens such as freedom,democracy,freedom of speech,freedom of press,freedom of assembly,freedom of advertising,freedom petition to the govm't,freedom to vote to choosing someone who u liked be your good leader or representative,freedom to vote them out if u pple found them wrong doing with equal right and justice for all.The authority and influence of law in society,especially when viewed as a constraint and institution a behavior,principle whereby all members of a society are considered equality to publicly disclosed legal codes and processes.The phrase the"law of lawrefers to a political situation,not any specific legal rule.This expression"no one is above the law"that there is no person,group,individual,authority,pm,president,king ignore/abide the law.Therefore,it leads to the fact that everyone is restricted by law.No man is above the law"generally" nor do we ask him to obey.Any violation of civil rights will be aggressively pursued and prosecuted.No one is above the LAW.Of course no CCP nor opposition parties either democratic party is above the LAW,on either are u,nor I,not anyone.That why we asking u"king"why u king didn't uses or review all international documentaries signed treaties with all khmer's leaders before 1870s at the UN's headquarter in"NY,"in French+superpowers+ICC treaty+Paris Peace Accords on October 23,1991+Rome treaty 2002 that the world given u Cambodian leadership the power to use and protect your country from any enemies aggression,but unfortunately u king didn't use its power and failed to solve it rather to accepted it"shame on u".On the other hand,remember Mr.King,any do illegal sign treaties by u or your unofficial govm't after 1979 with north Vietnam communist leadership to this year today or tomorrow is dismissed or invaluabled"treason,"and u or your govm't would hold accountable by khmer pple of power.If,u stay side with the pple probably u can survive,if not maybe your last chance...

Dec 25, 2019 02:42 PM

អ្នក​អាន​អនាមិក

ដាក់រាជ្យទៅប្រសើរជាង

Dec 22, 2019 09:44 AM

fake Jay Jetha III-2019 VS faked Jay Jetha II-1949....samething

This faked rookie king that some of us khmer pple still didn't well understood from the last 80+years secret revealed through as today.Khmer history already tough u as many lessons from generation to generation,from regime to regime,but most of u didn't even learns it,and now u all didn't even know how to wake up or standup to against all these culprit predator who preying and hiding in the monk's rob at day time and hunting u at night time,but u pple so dumbest unknown to know who the hell this big bad wolf slaughter your pple at broad day light.See Champa country wipe out from the world map in 17th-19th century and Khmer kampuchea Krom in 1949 is still freshly to reclaim it back from intruder"NVC".We ask u who signed treaty Khmer Kampuchea Krom territory to NVC?French or king Jay Jetha II?,and who's this person"faked king"who just signed additional treaty to agree on this national border issue by without anybody or whole entire didn't even know what the hell going on there?,see an example stupid king Jay Jetha II who did that and now the NVC try this moron faked king do exactly the samething again and again and no anybody else reacts to say nothing or wake up or stand up against all this evil king and its cronies and holding all these evils accountable.More than 2 centuries years ago the whole world didn't even know create the international community or laws and no create the UN's world bodies yet.And now we have the world bodies,UN,international community,world superpowers and other and why u khmer pple just keep silently suffering like a century ago and why????every countries around the world they already have diplomacy from one to other and why u khmer pple didn't wake up and standup to fight fight for your right,freedom and democracy....wake up pple.

Dec 21, 2019 11:10 AM

told u if u all still stupid this moron will bring u all to become next Champa country

This faked moron king who try to keep his father legacy alive and will take Cambodian to the brink,if the whole country still blind sights and still can't see anything what will happen in day ahead coming.

Dec 20, 2019 12:34 PM

គេហទំព័រ​ទាំងមូល