ក្រុម​យុវជន​មាតា​ធម្មជាតិ​ដើរ​បាន​ជាង ​២០គីឡូម៉ែត្រ​ទៀត​ក្នុង​យុទ្ធនាការ​ថ្ងៃ​ទី​ពីរ

ដោយ ទីន ហ្សាការីយ៉ា
2019-10-16
អ៊ីម៉ែល
មតិ
Share
បោះពុម្ព
ព្រះសង្ឃ និង​យុវជន​អង្គការ​មាតា​ធម្មជាតិ ធ្វើ​ដំណើរ​ថ្មើរ​ជើង​ចូល​ថ្ងៃ​ទី២ ពី​ភ្នំពេញ​ទៅ​ក្រុង​ព្រះសីហនុ ដើម្បី​ទាមទារ​អាជ្ញាធរ​ឱ្យ​រុះរើ​សំណង់​កាស៊ីណូ (Jingding) សង់​ខុស​ច្បាប់ នៅ​កោះ​រ៉ុង​សន្លឹម។
ព្រះសង្ឃ និង​យុវជន​អង្គការ​មាតា​ធម្មជាតិ ធ្វើ​ដំណើរ​ថ្មើរ​ជើង​ចូល​ថ្ងៃ​ទី២ ពី​ភ្នំពេញ​ទៅ​ក្រុង​ព្រះសីហនុ ដើម្បី​ទាមទារ​អាជ្ញាធរ​ឱ្យ​រុះរើ​សំណង់​កាស៊ីណូ (Jingding) សង់​ខុស​ច្បាប់ នៅ​កោះ​រ៉ុង​សន្លឹម។
រូប៖ អង្គការ​មាតា​ធម្មជាតិ ថ្ងៃ​ទី១៦ ខែ​តុលា ឆ្នាំ២០១៩

ក្រុម​យុវជន​មាតា​ធម្មជាតិ​នៅ​ថ្ងៃ​ទី​១៦ តុលា​នេះ បន្ត​យុទ្ធនាការ​ដើរ​​ដោយ​ថ្មើរ​ជើង​ពី​រាជធានី​ភ្នំពេញ​ទៅ​ក្រុង​ព្រះសីហនុ ដើម្បី​ទាមទារ​ឱ្យ​អាជ្ញាធរ​ចុះ​វាយកម្ទេច​សំណង់​កាស៊ីណូ​ចិន​ខុសច្បាប់​យីហោ ជីនទីង (Jingding) ដែល​សាងសង់​រំលោភ​លើ​ដី​ឆ្នេរ​កោះ​រ៉ុង​សន្លឹម។

ការ​យាត្រា​ដោយ​ថ្មើរជើង​នៅ​ថ្ងៃ​ទី​ពីរ មាន​យុវជន​មាតា​ធម្មជាតិ​ចំនួន​៥ នាក់ និង​ព្រះសង្ឃ​៥ អង្គ​និមន្ត​ចូលរួម។

សកម្មជន​មាតា​ធម្មជាតិ កញ្ញា ឡុង គន្ធា ឱ្យ​អាស៊ីសេរី​ដឹង​ថា ការ​ដើរ​យាត្រា​នៅ​ថ្ងៃ​ទី​ពីរ​មិន​មាន​ការ​រារាំង​ពី​អាជ្ញាធរ​នោះ​ទេ ប៉ុន្តែ​សមត្ថកិច្ច​តាម​មូលដ្ឋាន​នីមួយៗ​នៅតែ​តាម​ឃ្លាំមើល និង​ថត​សកម្មភាព​របស់​ក្រុម​យុវជន​។ កញ្ញា​បន្ត​ថា ក្រុម​យុវជន និង​ព្រះសង្ឃ​មិន​បារម្ភ​នឹង​រឿង​នេះ​ទេ ព្រោះ​សកម្មភាព​ដើរ​ក្បួន​យាត្រា​នេះ មិន​មាន​អ្វី​ខុសច្បាប់​ឡើយ​។ ផ្ទុយទៅវិញ កញ្ញា​ថា សកម្មភាព​នេះ​គឺ​ដើម្បី​ជំរុញ​ឱ្យ​អាជ្ញាធរ​ចុះ​អនុវត្ត​ច្បាប់ និង​ជា​ការ​ជួយ​ការពារ​ឆ្នេរសមុទ្រ​កម្ពុជា៖ ប្រសិនបើ​មិន​កម្ទេច​ជីន​ទីង ស្មើនឹង​យើង​អត់​គោរព​នីតិរដ្ឋ​។ ប្រសិនបើ​យើង​ជា​ប្រទេស​ដែល​គោរព​នីតិរដ្ឋ​ពិតប្រាកដ​មែន យើង​នឹង​រុះរើ​ជីនទីង​ចោល​ហើយ មិនមែន​ទុក​ឱ្យ​ជីនទីង​អ្នក​សាងសង់​រំលោភ​ដី​ឆ្នេរ​ហ្នឹង​នៅ​ដល់​សព្វថ្ងៃ​នេះ។

ក្រុម​យុវជន​មាតា​ធម្មជាតិ និង​ព្រះសង្ឃ​ធ្វើ​យុទ្ធនាការ​ដើរ​យាត្រា​ពី​ភ្នំពេញ​ទៅ​ក្រុងព្រះសីហនុ​នេះ ដោយសារ មិន​ពេញ​ចិត្តនឹង​អាជ្ញាធរ​ខេត្ត​ព្រះសីហនុ ដែល​ហាក់​គ្មាន​ឆន្ទៈ​ពិតប្រាកដ​ក្នុង​ការ​អនុវត្ត​ច្បាប់​លើ​សណ្ឋាគារ និង​កាស៊ីណូ​ជីនទីង បើទោះបីជា​អាជ្ញាធរ​រក​ឃើញ​ថា មជ្ឈមណ្ឌល​កម្សាន្ត​នេះ​ប្រព្រឹត្ត​ខុសច្បាប់​បែប​ណា​ក្ដី។

កាល​ពី​ចុងខែ​ឧសភា កន្លងទៅ អាជ្ញាធរ​ខេត្ត​ព្រះសីហនុ​បាន​ចុះ​បិទ​អាជីវកម្ម​មជ្ឈមណ្ឌល​កម្សាន្ត​ចិន​យីហោ ជីនទីង បន្ទាប់ពី​ពិនិត្យ​ឃើញ​ថា ទីតាំង​កម្សាន្ត​នោះ​បាន​ប្រព្រឹត្ត​ខុសច្បាប់​ជាច្រើន​ចំណុច រួមមាន ការ​បង្ហូរ​ទឹក​កខ្វក់​ចូល​ក្នុង​សមុទ្រ​ដោយ​មិនបាន​ឆ្លងកាត់​ការ​ចម្រោះ ការសាងសង់​ទីតាំង​កាស៊ីណូ​រំលោភ​លើ​ដី​ឆ្នេរ ការ​ដាក់​ម៉ាស៊ីនភ្លើង​នៅ​លើ​ផែ​ធ្វើ​ឱ្យ​មាន​ប្រេង​ហូរ​ចូល​សមុទ្រ​ប៉ះពាល់​ដល់​បរិស្ថាន និង​ការ​ចាក់​ធុងបាស​ខ្លាំង​បង្ក​ការ​រំខាន​ដល់​ពលរដ្ឋ និង​ភ្ញៀវ​ទេសចរ ជាដើម​។ អាជ្ញាធរ​ធ្លាប់​បាន​អះអាង​ថា សំណង់​កាស៊ីណូ​នោះ នឹង​ត្រូវ​វាយកម្ទេច​ចោល ក៏ប៉ុន្តែ​ជាច្រើន​ខែ​មកនេះ អាជ្ញាធរ​មិន​ទាន់​ចុះ​ធ្វើ​សកម្មភាព​នៅ​ឡើយ​ទេ។

អាស៊ីសេរី​បាន​ព្យាយាម​ទាក់ទង​សុំ​ការ​បំភ្លឺ​រឿង​នេះ​ពី​អ្នកនាំពាក្យ​សាលាខេត្ត​ព្រះសីហនុ លោក ឃាង ភារម្យ នៅ​ថ្ងៃ​ទី​១៥ និង​ទី​១៦ តុលា ក៏ប៉ុន្តែ​មិន​ទទួល​បាន​ការ​ឆ្លើយតប​ឡើយ ដោយ​លោក​មិន​លើក​ទូរស័ព្ទ​។ ទោះជា​យ៉ាងណា អ្នកនាំពាក្យ​រូប​នេះ​ធ្លាប់​អះអាង​ដដែលៗ​ថា ករណី​នេះ​កំពុង​ស្ថិត​ក្នុង​ដៃ​មន្ត្រី​ជំនាញ។

ក្រុម​យុវជន​មាតា​ធម្មជាតិ​មិន​ជឿជាក់​លើ​ការ​អះអាង​របស់​អាជ្ញាធរ​ខេត្ត​ព្រះសីហនុ​នោះ​ឡើយ ដរាបណា​សំណង់​មជ្ឈមណ្ឌល​កម្សាន្ត​ជីនទីង​មិនទាន់​ត្រូវ​បាន​វាយកម្ទេច​ទេ​នោះ​។ ពួកគេ​បារម្ភ​ថា សណ្ឋាគារ និង​កាស៊ីណូ​នេះ​នឹង​អាច​បើក​ឱ្យ​ដំណើរការ​វិញ​នៅ​ថ្ងៃ​ណាមួយ ដោយមាន​ការ​សម្របសម្រួល​ពី​អាជ្ញាធរ។

អាជ្ញាធរ​ខេត្ត​ព្រះសីហនុ​បាន​រក​ឃើញ​ថា ក្នុងចំណោម​សំណង់​ជាង ៥០០​កន្លែង នៅ​ក្នុង​ខេត្ត​នេះ ការដ្ឋាន​សំណង់​គ្មាន​គុណភាព និង​ត្រូវ​វាយកម្ទេច​ចោល​មាន​ចំនួន ១៤​កន្លែង​។ អាជ្ញាធរ​ពាក់ព័ន្ធ​ចុះ​ពិនិត្យ​ការដ្ឋាន​សំណង់​ជា​បន្តបន្ទាប់​នេះ នៅ​បន្ទាប់ពី​មាន​ហេតុការណ៍​បាក់​រលំ​អាគារ​៧​ជាន់​របស់​ក្រុមហ៊ុន​ចិន កាលពី​ខែ​មិថុនា​កន្លង​ទៅ ដែល​ក្រុម​យុវជន​មាតា​ធម្មជាតិ​ដើរ​បាន​ជាង​២០ គីឡូម៉ែត្រ​ទៀត​ក្នុង​យុទ្ធនាការ​ថ្ងៃ​ទីពីរ។​

អាស៊ីសេរី​បាន​ព្យាយាម​ទាក់ទង​សុំ​ការ​បំភ្លឺ​រឿង​នេះ​ពី​អ្នកនាំពាក្យ​សាលាខេត្ត​ព្រះសីហនុ លោក ឃាង ភារម្យ នៅ​ថ្ងៃទី​១៥ និង​ទី​១៦ តុលា ក៏ប៉ុន្តែ​មិន​ទទួល​បាន​ការ​ឆ្លើយតប​ឡើយ ដោយ​លោក​មិន​លើក​ទូរស័ព្ទ​។ ទោះជា​យ៉ាង​ណា អ្នកនាំពាក្យ​រូប​នេះ​ធ្លាប់​អះអាង​ដដែលៗ ​ថា ករណី​នេះ​កំពុង​ស្ថិត​ក្នុង​ដៃ​មន្ត្រី​ជំនាញ។

ក្រុម​យុវជន​មាតា​ធម្មជាតិ​មិន​ជឿជាក់​លើ​ការ​អះអាង​របស់​អាជ្ញាធរ​ខេត្ត​ព្រះសីហនុ​នោះ​ឡើយ ដរាបណា​សំណង់​មជ្ឈមណ្ឌល​កម្សាន្ត​ជីន​ទីង​មិនទាន់​ត្រូវ​បាន​វាយកម្ទេច​ទេ​នោះ​។ ពួកគេ​បារម្ភ​ថា សណ្ឋាគារ និង​កាស៊ីណូ​នេះ​នឹង​អាច​បើក​ឱ្យ​ដំណើរការ​វិញ​នៅ​ថ្ងៃ​ណាមួយ ដោយមាន​ការ​សម្របសម្រួល​ពី​អាជ្ញាធរ។

អាជ្ញាធរ​ខេត្ត​ព្រះសីហនុ​បាន​រក​ឃើញ​ថា ក្នុងចំណោម​សំណង់​ជាង ៥០០​កន្លែង នៅ​ក្នុង​ខេត្ត​នេះ ការដ្ឋាន​សំណង់​គ្មាន​គុណភាព និង​ត្រូវ​វាយកម្ទេច​ចោល​មាន​ចំនួន ១៤​កន្លែង​។ អាជ្ញាធរ​ពាក់ព័ន្ធ​ចុះ​ពិនិត្យ​ការដ្ឋាន​សំណង់​ជា​បន្តបន្ទាប់​នេះ នៅ​បន្ទាប់ពី​មាន​ហេតុការណ៍​បាក់​រលំ​អាគារ​៧​ជាន់​របស់​ក្រុមហ៊ុន​ចិន កាលពី​ខែ​មិថុនា​កន្លងទៅ ដែល​បណ្ដាល​ឱ្យ​កម្មករ​ខ្មែរ​ស្លាប់​២៨​នាក់ និង​រងរបួស​ចំនួន​២៦​នាក់​។

ព្រះតេជព្រះគុណ កើត សារ៉ាយ គង់នៅ​វត្ត​ដំរី​ស​ក្រុង​បាត់ដំបង មាន​ថេរដីកា​ថា ព្រះអង្គ​និមន្ត​ចូលរួម​​ក្នុង​​ដំណើរ​​​យាត្រា​ជាមួយ​ក្រុម​យុវជន​មាតា​ធម្មជាតិ​នេះ គឺ​ដើម្បី​ដាស់​ស្មារតី​យុវជន និង​ពលរដ្ឋ​ខ្មែរ​ទូទៅ​ឱ្យ​ងាក​មក​ចាប់​អារម្មណ៍ និង​ជួយ​ថែរក្សា​ឆ្នេរសមុទ្រ​របស់​ជាតិ​។ ម្យ៉ាងវិញទៀត ព្រះអង្គ​ចង់​ឱ្យ​អាជ្ញាធរ​អនុវត្ត​ច្បាប់​ឱ្យ​មាន​ប្រសិទ្ធភាព នៅ​ពេល​រក​ឃើញ​សំណង់​ខុសច្បាប់​រំលោភ​ដី​ឆ្នេរ​សមុទ្រ៖ “ជា​សារ​មួយ​ទៅដល់​មន្ត្រី​ពាក់ព័ន្ធ​នៅ​តំបន់​ហ្នឹង ដើម្បី​ឱ្យ​គាត់​អនុវត្ត​ច្បាប់​ឱ្យ​មាន​ប្រសិទ្ធភាព​ទៅលើ​សំណង់​អនាធិបតេយ្យ​។ គោលដៅ​ដែល​យើង​បាញ់​តម្រង់​ឱ្យបាន​ជាដាច់ខាត​នោះ គឺ​ជីន​ទីង ប៉ុន្តែ​វិសាលភាព​ទៅមុខ គឺ​យើង​ចង់​ឱ្យ​បាន​អនុវត្ត​គ្រប់​សំណង់​អនាធិបតេយ្យ​ណា​ដែល​ប៉ះពាល់​ដល់​ឆ្នេរសមុទ្រ​។ ចំណុច​ទី​ពីរ គឺ​យើង​ចង់​ធ្វើជា​និមិត្តរូប​មួយ​សម្រាប់​បង្ហាញ​ទៅកាន់​ប្រជាពលរដ្ឋ​របស់​ពួក​យើង​ឱ្យ​ពួកគាត់​មើលឃើញ​ថា បើ​ស្រឡាញ់​ត្រូវ​ហ៊ាន​លះបង់ និង​ហ៊ាន​ចូលរួម​ទើប​អាច​រក្សា​សម្បត្តិ​ធម្មជាតិ​​របស់​យើង​បាន​។​”

យុទ្ធនាការ​ដើរ​យាត្រា​ពី​ភ្នំពេញ​ទៅ​ក្រុងព្រះសីហនុ​នេះ ក្រុម​យុវជន​ប្រើប្រាស់​ថវិកា​ផ្ទាល់ខ្លួន​មួយ​ចំណែក និង​មួយ​ចំណែក​ទៀត​បាន​មក​ពី​ការ​ជួយ​​​ឧបត្ថម្ភ​ពី​សប្បុរសជន​។ រយៈពេល​២​ថ្ងៃ​មកនេះ ក្រុម​យុវជន​មាតា​ធម្មជាតិ និង​ព្រះសង្ឃ​ធ្វើដំណើរ​បាន​ជាង​៤០ គីឡូម៉ែត្រ ស្រប​ពេល​ចម្ងាយ​ផ្លូវ​ពី​ភ្នំពេញ​ទៅដល់​ក្រុងព្រះសីហនុ​មាន​ជាង​២០០ គីឡូម៉ែត្រ​។ ក្រុម​យុវជន និង​ព្រះសង្ឃ នឹង​បន្ត​ដំណើរ​យាត្រា​នេះ​ទៀត​នៅ​ព្រឹក​ថ្ងៃ​ទី​១៧ តុលា ដោយ​គ្រោង​ប្រើ​ពេល​៩ ថ្ងៃ​ដើម្បី​ទៅដល់​គោលដៅ​។ បន្ទាប់មក ក្រុម​យុវជន និង​ព្រះសង្ឃ​នឹង​លើក​បដា​ទាមទារ​ឱ្យ​អាជ្ញាធរ​ខេត្ត​ព្រះសីហនុ​ចុះ​រុះរើ​សំណង់​មជ្ឈមណ្ឌល​កម្សាន្ត ជីន​ទីង ដើម្បី​រៀបចំ​បរិស្ថាន​ឆ្នេរ​កោះ​រ៉ុង​សន្លឹម​ឱ្យ​ស្អាត​ដូចដើម​វិញ៕

ព័ត៌មាន​ទទួល​បាន​ចុង​ក្រោយ គឺ​ក្រុម​យុវជន​មាតា​ធម្មជាតិ និង​ព្រះសង្ឃ មិន​ត្រូវ​បាន​អនុញ្ញាត​ឱ្យ​ស្នាក់នៅ​វត្ត​អារាម តាម​ការ​ស្នើ​សុំ​នោះ​ឡើយ​។ ចៅអធិការ​វត្ត​មួយ​នៅ​ស្រុក​សំរោង​ទង​ខេត្ត​កំពង់ស្ពឺ បាន​ប្រាប់​ក្រុម​យុវជន និង​ព្រះសង្ឃ​ថា អាជ្ញាធរ និង​ការិយាល័យ​ធម្មការ​ស្រុក បាន​ហាម​មិន​ឱ្យ​ទទួល​ក្រុម​អ្នកធ្វើ​យាត្រា​នោះ​ឡើយ​។ ក្រុម​យុវជន​មាតា​ធម្មជាតិ និង​ព្រះសង្ឃ សម្ដែង​ការ​ហួសចិត្ត និង​ចាត់ទុកថា នេះ​ជា​ការ​រឹតត្បិត​សិទ្ធិ​សេរីភាព និង​ជា​ការ​មិន​ឱ្យ​តម្លៃ​ដល់​សកម្មភាព​ការពារ​បរិស្ថាន​ពី​សំណាក់​អាជ្ញាធរ​របប​ក្រុង​ភ្នំពេញ៖

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

គេហទំព័រ​ទាំងមូល