អាជ្ញាធរ​អប្សរា​បង្ហាញ​ពី​ក្រម​សីលធម៌​មួយ​ចំនួន​ដែល​អ្នក​ទេសចរ​គួរ​ចៀសវាង

ដោយ អ៊ុង សេរីវុទ្ធ
2015-12-04
អ៊ីម៉ែល
មតិ
Share
បោះពុម្ព
ភ្ញៀវ​ទេសចរ​បរទេស​ចម្រុះ​ជាតិ​សាសន៍​ចូល​ទៅ​ទស្សនា​អង្គរ​វត្ត ខេត្ត​សៀមរាប នៅ​ថ្ងៃ​ទី​៣ ខែ​ធ្នូ ឆ្នាំ​២០១៥។
ភ្ញៀវ​ទេសចរ​បរទេស​ចម្រុះ​ជាតិ​សាសន៍​ចូល​ទៅ​ទស្សនា​អង្គរ​វត្ត ខេត្ត​សៀមរាប នៅ​ថ្ងៃ​ទី​៣ ខែ​ធ្នូ ឆ្នាំ​២០១៥។
RFA

អាជ្ញាធរ​អប្សរា​បង្ហាញ​ពី​ក្រម​សីលធម៌​មួយ​ចំនួន​ដែល​អ្នក​ទេសចរ​គួរ​ជៀសវាង ពេល​ទស្សនា​ក្នុង​តំបន់​អង្គរ។

ប្រធាន​នាយកដ្ឋាន​ផ្សព្វផ្សាយ​នៃ​អាជ្ញាធរ​អប្សរា លោក ឡុង កុសល ឲ្យ​វិទ្យុ​អាស៊ីសេរី​ដឹង​នៅ​ថ្ងៃ​ទី​៤ ធ្នូ ​ថា អាជ្ញាធរ​បាន​ផលិត​ខ្សែ​វីដេអូ​ខ្លី​មួយ និង​ផ្សព្វផ្សាយ​ជា​សាធារណៈ ស្ដីពី​ក្រម​ប្រតិបត្តិ​របស់​អ្នក​ទេសចរ ពេល​មក​ទស្សនា​នៅ​តំបន់​អង្គរ។ ក្រម​នោះ​បាន​ចែងពី​ការហាមប្រាម​មួយចំនួន​ ដូចជា​ហាម​ស្លៀក​ពាក់​ខ្លី ហាម​ជក់​បារី ហាម​ឲ្យ​លុយ និង​ស្ករ​គ្រាប់​ដល់​កូន​ក្មេង ហាម​ប៉ះពាល់​រូប​ចម្លាក់ និង​ត្រូវ​គោរព​ស្លាក​សញ្ញា​ជាដើម៖ «ជាទូទៅ​ភ្ញៀវ​ទេសចរ​គ្រប់​ទី​កន្លែង និង​ប្រទេស​ណា​ក៏​ដោយ គេ​បង្ហាញ​នូវ​ឥរិយាបថ​គួរ​ប្រកាន់​យក និង​ឥរិយាបថ​មិន​គួរ​ប្រកាន់​យក​នៅ​ពេល​ទស្សនា​នៅ​ប្រទេស​គេ​នីមួយៗ សម្រាប់​តែ​តំបន់​អង្គរ យើង​ធ្វើ​ឡើង​នូវ​ប្រតិបត្តិ​នេះ ដើម្បី​ឲ្យ​អ្នកទស្សនា​ទាំង​ភ្ញៀវ​ជាតិ និង​អន្តរជាតិ​គួរ​ប្រកាន់​យក​នូវ​ឥរិយាបថ​សមរម្យ ដែល​ផ្ដល់​តម្លៃ​ដល់​ប្រាសាទ ទី​សក្ការៈ និង​វប្បធម៌​របស់​កម្ពុជា​យើង»។

កន្លង​មក​អាជ្ញាធរ​អប្សរា ធ្លាប់​បាន​ពិន័យ​ជា​ប្រាក់​ដល់​អ្នកទេសចរ​មួយ​ចំនួន​​ដែល​ប្រព្រឹត្ត​ខុសឆ្គង​នឹង​បម្រាម ដូចជា​ការ​ឡើង​លើ​តួ​ប្រាសាទ និង​ថត​រូប​អាសអាភាស​ជាដើម។ អ្នក​ទាំង​នោះ​ក៏​តម្រូវ ​ឲ្យ​ធ្វើ​លិខិត​សុំ​ទោស និង​ធ្វើ​កិច្ច​សន្យា​ឈប់​ប្រព្រឹត្ត​អំពើ​ទាំង​នោះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (2)
Share

អ្នក​អាន​អនាមិក

Everything will be okay except short pan and shirt.Your country is so hot with me Jose!

Dec 04, 2015 10:21 PM

What we should lean

ពី Khmer USA

One in the hot summer , I went to visit the temple in Bangkok Thailand,they provide my wife the Thai custom Sarong and to other visitors lady that wear sorts (just showing knee) , the visitor had to pay for the full price of Sarong first and exchange back with full price (no cost) if visitor don't want to keep sarong after visit the Temple.My wife loves that Thai Sarong so she kept it for souvenir.Sometime Visitor did not know the place's custom.Thai want their visitor obey their culture and they had done a professional ways without disturb visitor mind.

Dec 04, 2015 01:58 PM

គេហទំព័រ​ទាំងមូល