អ្នក​វិភាគ​យល់​ថា​កិច្ច​ព្រមព្រៀង​រវាង​ប្រទេស​៥​នៃ​សមាជិក​អាស៊ាន​មិន​ប្រសើរ​សម្រាប់​កម្ពុជា

ដោយ ឡេង ម៉ាលី
2015-06-23
អ៊ីម៉ែល
មតិ
Share
បោះពុម្ព
មហាសន្និបាត អាយ៉ាវ៉ាឌី ចៅប្រាយ៉ា ទន្លេ​មេគង្គ (ACMECS) នៅ​សណ្ឋាគារ​កាំបូឌីយ៉ាណា ក្នុង​ទីក្រុង​ភ្នំពេញ នៅ​ថ្ងៃ​ទី​១៦ ខែ​វិច្ឆិកា ឆ្នាំ​២០១០
មហាសន្និបាត អាយ៉ាវ៉ាឌី ចៅប្រាយ៉ា ទន្លេ​មេគង្គ (ACMECS) នៅ​សណ្ឋាគារ​កាំបូឌីយ៉ាណា ក្នុង​ទីក្រុង​ភ្នំពេញ នៅ​ថ្ងៃ​ទី​១៦ ខែ​វិច្ឆិកា ឆ្នាំ​២០១០
Photo: RFA

មេ​ដឹក​នាំ​ប្រទេស​ចំនួន​៥ នៃ​សមាជិក​អាស៊ាន ព្រមព្រៀង​គ្នា​ជំរុញ​សហប្រតិបត្តិការ​សេដ្ឋកិច្ច​ឆ្លង​កាត់​ព្រំដែន ដើម្បី​ធ្វើ​ឲ្យ​សេដ្ឋកិច្ច​ល្អ​ប្រសើរ​ក្នុង​តំបន់។ អ្នក​វិភាគ​សង្គម​យល់​ឃើញ​ថា កិច្ច​ព្រមព្រៀង​នេះ​មិន​ប្រសើរ​សម្រាប់​ប្រទេស​កម្ពុជា ទេ។

ប្រទេស​កម្ពុជា ឡាវ មីយ៉ាន់ម៉ា ថៃ និង​វៀតណាម ព្រមព្រៀង​គ្នា​ជំរុញ​សហប្រតិបត្តិការ​សេដ្ឋកិច្ច​ឆ្លង​កាត់​ព្រំដែន​រវាង​ប្រទេស​ទាំង​ប្រាំ។

កិច្ច​ព្រមព្រៀង​នេះ ត្រូវ​បាន​មេ​ដឹក​នាំ​ប្រទេស​ទាំង​៥ ធ្វើ​ឡើង​នៅ​ឯ​កិច្ច​ប្រជុំ​កំពូល អេកម៉ិក (ACMECS) លើក​ទី​៦ នា​រដ្ឋធានី​ណៃពីដោ ប្រទេស​មីយ៉ាន់ម៉ា នៅ​ថ្ងៃ​ទី​២២ និង​ថ្ងៃ​ទី​២៣ មិថុនា។ អេកម៉ិក គឺ​ជា​ពាក្យ​កាត់​ជា​ភាសា​អង់គ្លេស​នៃ​កម្មវិធី​យុទ្ធសាស្ត្រ​របស់​ក្រុម​ប្រទេស​ទាំង​៥ ដែល​មាន​ន័យ​ពេញ​ថា យុទ្ធសាស្ត្រ​សហប្រតិបត្តិការ​សេដ្ឋកិច្ច អាយ៉េយ៉ាវ៉ាឌី-ចៅប្រាយ៉ា-មេគង្គ (Ayeyawaddy-Chao Phraya Mekong Economic Cooperation Strategy) ដែល​ជា​ឈ្មោះ​ទន្លេ​បី​នៅ​ក្នុង​តំបន់។

កិច្ច​ប្រជុំ​នេះ គឺ​បន្ទាប់​ពី​កិច្ច​សន្ទនា​រវាង​ថ្នាក់​ដឹក​នាំ អេកម៉ិក និង​វិស័យ​ធុរកិច្ច និង​កិច្ច​ប្រជុំ​កំពូល​លើក​ទី​៧ ដែល​ជា​យន្តការ​របស់​ប្រទេស​កម្ពុជា ឡាវ មីយ៉ាន់ម៉ា និង​វៀតណាម ដែល​ហៅ​កាត់​ថា ស៊ីអិលអឹមវី (7th CLMV)។ កិច្ច​ព្រមព្រៀង​នៃ​យន្តការ​នេះ ផ្ដោត​លើ​វិស័យ​ចំនួន​៨ គឺ​វិស័យ​ពាណិជ្ជកម្ម និង​ការ​វិនិយោគទុន កសិកម្ម ឧស្សាហកម្ម និង​ឋាមពល វិស័យ​ដឹក​ជញ្ជូន ទេសចរណ៍ ការ​អភិវឌ្ឍ​ធនធាន​មនុស្ស សុខភាព​សាធារណៈ និង​ការ​ថែរក្សា​បរិស្ថាន។

អ្នក​វិភាគ​សង្គម​ឯករាជ្យ លោក កែម ឡី យល់​ថា យន្តការ​នៃ​កិច្ច​ព្រមព្រៀង​នេះ គឺ​ជា​ល្បិចកល​កុម្មុយនិស្ត​ឥណ្ឌូចិន កម្ពុជា ឡាវ និង​វៀតណាម ដែល​ហៅ​ថា ស៊ីអិលវី (CLV)៖ «ស៊ីអិលវី (CLV) ហ្នឹង ជា​គោលការណ៍​កុម្មុយនិស្ត​ឥណ្ឌូចិន វៀតណាម ឡាវ កម្ពុជា។ អ៊ីចឹង វៀតណាម ឡាវ កម្ពុជា ស្រុះស្រួល​គ្នា​យក​គោលការណ៍​កុម្មុយនិស្ត​ឥណ្ឌូចិន មក​អនុវត្ត​ដើម្បី​ឲ្យ​មាន​ឥទ្ធិពល​លើ​អាស៊ាន​ទាំង​១០។ អ៊ីចឹង វា​ចង់​តោង​ភូមា មួយ​ទៀត ដើម្បី​ឲ្យ​មាន​គ្នា​មាន​ឥទ្ធិពល​លើ​យន្តការ​អាស៊ាន ដើម្បី​តោង​អាស៊ាន​ទម្លាក់​ឲ្យ​មក​ត្រូវ​នឹង​របប​កុម្មុយនិស្ត​របស់​ខ្លួន ដើម្បី​បំបាក់​ថៃ ម៉ាឡេស៊ី ហ្វីលីពីន និង​ឥណ្ឌូនេស៊ី។ ឥឡូវ​ហ្នឹង​មាន​ដៃគូ​មួយ​ទៀត ស៊ីអិលអឹមវី នាំ​គ្នា​ទៅ​គាំទ្រ​រដ្ឋាភិបាល​ថៃ ជា​រដ្ឋាភិបាល​យោធា ដើម្បី​ឲ្យ​បាន​គ្នា​មួយ​ទៀត»

លោក កែម ឡី បញ្ជាក់​ទៀត​ថា យន្តការ​ក្រុម​ប្រទេស​ស៊ីអិលវី ឬ ស៊ីអិលអឹមវី ដែល​មាន​កម្ពុជា ឡាវ មីយ៉ាន់ម៉ា និង​វៀតណាម កំពុង​ធ្វើ​ឲ្យ​ប្រទេស​សមាជិក​សមាគម​អាស៊ាន​មួយ​ចំនួន​ទៀត​អន់​ចិត្ត ដូចជា សិង្ហបុរី ម៉ាឡេស៊ី ឥណ្ឌូនេស៊ី ហ្វីលីពីន ព្រោះ​តែ​ការ​បង្កើត​ក្រុម​នៅ​ក្នុង​ក្រុម​នេះ៖ «ក្រុម​នេះ​អត់​មាន​ប្រជាធិបតេយ្យ ប៉ុន្តែ​វា​មាន​ការ​ចង​សម្ព័ន្ធមិត្ត​គាំទ្រ​គ្នា​ទៅ​វិញ​ទៅ​មក ទោះ​បី​ខុស​ត្រូវ​យ៉ាង​ម៉េច​ក៏ដោយ ហើយ​វា​មាន​មេ​វា។ អ៊ីចឹង​ហើយ​បាន​ជា​អាស៊ាន​មាន​បញ្ហា។ ពួក​ហ្នឹង​ដូចជា​ប្រទេស​កុម្មុយនិស្ត និង​កុម្មុយនិស្ត​ព្រួត​គ្នា ដើម្បី​តោង​ប្រទេស​សេរី​ហ្នឹង​ឲ្យ​វា​ធ្លាក់​មក​យន្តការ​ដូច​ប្រទេស​យួន ប្រទេស​លាវ អ៊ីចឹង»

លោក​មើល​ឃើញ​ថា ការ​បង្កើត​យន្តការ​នៃ​ប្រទេស ស៊ីអិលវី ឬ ស៊ីអិលអឹមវី នៅ​ក្នុង​សមាគម​អាស៊ាន គឺ​មិន​អាច​ធ្វើ​ឲ្យ​សមាគម​អាស៊ាន​ទៅ​ជា​សមាគម​ផ្ដោត​លើ​ប្រជាជន​ទេ គឺ​អាច​បង្កើត​ទៅ​ជា​គំរូ​សមាគម​អាស៊ាន​កុម្មុយនិស្ត​មួយ​នៅ​ក្នុង​តំបន់​ទៅ​វិញ។ លោក កែម ឡី មាន​ប្រសាសន៍​ទៀត​ថា ប្រសិន​បើ​មិន​មាន​ឥទ្ធិពល​ពី​ប្រទេស​សិង្ហបុរី ម៉ាឡេស៊ី ឥណ្ឌូនេស៊ី ហ្វីលីពីន ទេ យន្តការ​ក្រុម​ប្រទេស​ស៊ីអិលវី ឬ ស៊ីអិលអឹមវី នឹង​ទាញ​ប្រទេស​ទាំង​នេះ​ឲ្យ​ធ្លាក់​តាម​ប្រទេស​កុម្មុយនិស្ត។

កិច្ច​ប្រជុំ​យន្តការ​នៃ​ក្រុម​ប្រទេស​ស៊ីអិលអឹមវី ចាប់​ផ្ដើម​ដំបូង​នៅ​ប្រទេស​មីយ៉ាន់ម៉ា ក្នុង​ឆ្នាំ​២០០៣ ហើយ​កិច្ច​ប្រជុំ​លើក​ទី​៦ នេះ​ក៏​ជា​ការ​ពង្រឹង​ការ​សន្យា​របស់​ប្រទេស​ទាំង​ប្រាំ កាល​ពី​កិច្ច​ប្រជុំ​កំពូល​នៅ​ប្រទេស​ឡាវ ក្នុង​ខែ​មីនា ឆ្នាំ​២០១៣ ដែល​ថា​នឹង​ធ្វើ​ឲ្យ​សេដ្ឋកិច្ច​ក្នុង​តំបន់​រឹងមាំ នៅ​ពេល​ដែល​ប្រទេស​សមាជិក​អាស៊ាន​រួម​គ្នា​បង្កើត​ទៅ​ជា​សហគមន៍​តែ​មួយ​នៅ​ឆ្នាំ​២០១៥ នេះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (3)
Share

Meala

I think some information of ASEAN can access from many sources such as online or secondary source. But interesting how is the flow of performance individual countries. According the situation in Cambodia, how experts or policy makers can be help to improve Khmer products in sustainable way, not to do any performance as shadow to show for attraction donors & foreigner investors. Local business & small business needs help, should be create parameters of management system & good governance.

Jul 26, 2015 09:11 AM

ASEAN Expert

Mr. Kem Ley knows nothing about CLMV or CLV. He'd better admit that he didn't know about the issue, rather than speak the wrong thing. It's not about communism, but CLMV, CLV and ACMEC were created as sub-regional institutions to complement the process of ASEAN integration. The developed ASEAN won't be upset with the mechanisms. They are even happy to see these institutions running smoothly because they finally contribute to lessening development gap between ASEAN members.

Jun 24, 2015 03:51 AM

មិនដឹង

មើលទៅអ្នកវិភាគឱ្យអាស៊ីសេរីមានតែប៉ុន្មាននាក់នឹងទេ វិភាគសេដ្ឋកិច្ចធ្លាក់ចូលកុម្មុយនីសរហូត

Jun 23, 2015 07:30 PM

គេហទំព័រ​ទាំងមូល