របប​ក្រុងភ្នំពេញ​សន្យា​​រក​មូលហេតុ​ពិត​នៃ​ការ​បាក់​អគារ​កម្ពស់​៧​ជាន់​នៅ​ខេត្ត​ព្រះសីហនុ

ដោយ ហេង រស្មី
2019-06-24
អ៊ីម៉ែល
មតិ
Share
បោះពុម្ព
លោកនាយករដ្ឋមន្ត្រី ហ៊ុន សែន (ស្ដាំ) និង​លោក យន្ត មីន អភិបាល​ខេត្ត​ព្រះសីហនុ (ឆ្វេង) ពេល​ចុះ​ពិនិត្យ​មើល​ការ​រុករក​ជន​រងគ្រោះ​រលំ​បាក់​អគារ នា​ខេត្ត​ព្រះសីហនុ កាល​ពី​យប់​ថ្ងៃ​ទី២៣ ខែ​មិថុនា ឆ្នាំ​២០១៩។
លោកនាយករដ្ឋមន្ត្រី ហ៊ុន សែន (ស្ដាំ) និង​លោក យន្ត មីន អភិបាល​ខេត្ត​ព្រះសីហនុ (ឆ្វេង) ពេល​ចុះ​ពិនិត្យ​មើល​ការ​រុករក​ជន​រងគ្រោះ​រលំ​បាក់​អគារ នា​ខេត្ត​ព្រះសីហនុ កាល​ពី​យប់​ថ្ងៃ​ទី២៣ ខែ​មិថុនា ឆ្នាំ​២០១៩។
រូប​ពី​ហ្វេសប៊ុក​លោក ហ៊ុន សែន

របប​ក្រុងភ្នំពេញ​សន្យា ថា​នឹង​រក​ឱ្យ​ឃើញ​នូវ​មូលហេតុ​ពិតប្រាកដ នៃ​ការ​បាក់​រលំ​អាគារ​កម្ពស់​៧​ជាន់​នៅ​ក្នុង​ខេត្ត​ព្រះសីហនុ ដែល​បាន​បណ្ដាល​ឱ្យ​មនុស្ស​ស្លាប់​កើន​ឡើង​ដល់ ២២​នាក់ គិត​ត្រឹម ម៉ោង ១១​យប់ ថ្ងៃ ទី​២៣ មិថុនា និង​២៤ នាក់​ផ្សេងទៀត​រង​របួស។ មេដឹកនាំ របប​ក្រុង​ភ្នំពេញ លោក ហ៊ុន សែន បាន​ធ្វើ​ទៅដល់​កន្លែង​កើត​ហេតុ​ទាំង​យប់ ថ្ងៃទី២៣ មិថុនា ក្នុង​ឯកសណ្ឋាន​ជា​យោធា ដើម្បី​ដឹកនាំ​កម្លាំង​រុករក និង​ជួយសង្គ្រោះ​ជនរងគ្រោះ​នៅ​ក្នុង​ខេត្ត​ព្រះសីហនុ។

ជាមួយ​គ្នា​នេះ​ដែរ ស្ថានទូត​ចិន​ប្រចាំ​ប្រទេស​កម្ពុជា ក៏​អះអាង​ដែរ​ថា ភាគី​ចិន​គាំទ្រ​កម្ពុជា​ក្នុង​ការ​ស៊ើបអង្កេត ដើម្បី​នាំ​អ្នក​ដែល​ពាក់ព័ន្ធ​បង្ក​ឱ្យ​មាន​ហេតុការណ៍​បាក់​រលំ​អាគារ សាងសង់​ដោយ​គ្មាន​ការ​ត្រួត​ពិនិត្យ​បច្ចេកទេស និង​គ្មាន​ច្បាប់​អនុញ្ញាត​នោះ ទៅ​ផ្ដន្ទាទោស​តាមច្បាប់។

មេដឹកនាំ​របប​ក្រុងភ្នំពេញ​លោក ហ៊ុន សែន បាន​សរសេរ​នៅ​លើ​ហ្វេសប៊ុក​របស់​លោក​ថា លោក​ចូលរួម​ដឹកនាំ​កម្លាំង​ដោយ​ផ្ទាល់​ក្នុង​កិច្ច​ខិតខំ​ប្រឹងប្រែង​រុករក និង​ជួយសង្គ្រោះ​ជាមួយ​កម្លាំង​សមត្ថកិច្ច​ជា​ជំនាញ​ជាច្រើន​ដែល​កំពុង​ធ្វើការ​នៅ​តំបន់​អាគារ​បាក់​ស្រុត​ទាំង​ថ្ងៃ​ទាំង​យប់។

មន្ត្រី​សម្របសម្រួល​សមាគម​ អាដហុក (Adhoc) ប្រចាំ​ខេត្ត​ព្រះសីហនុ​អ្នកស្រី ជៀប សុធារី ដែល​ចុះទៅ​ឃ្លាំមើល​ករណី​នេះ កាលពី​ថ្ងៃ​ទី២៣ មិថុនា បាន​ប្រាប់​អាស៊ីសេរី​ថា ប្រតិបត្តិការ​ជួយសង្គ្រោះ​នោះ​គឺ​មាន​កម្លាំង​ច្រើន ប៉ុន្តែ​មិនសូវ​មាន​បច្ចេកទេស​​នោះ​ទេ។ អ្នកស្រី​ថា អ្នក​ស្លាប់​អាច​នឹង​កើន​ឡើងជា​បន្តបន្ទាប់​ទៀត ដោយសារ​ប្រតិបត្តិការ​ជួយសង្គ្រោះ​នេះ​ហាក់​ដូចជា​យឺតយ៉ាវ ព្រោះ​គំនរ​សំណង់​បាក់បែក​នៅសល់​ប្រមាណ​ ៤០​ភាគរយ​ទៀត​ ដែល​មិនទាន់​កាយ​ចេញ​។ អ្នកស្រី​បន្ត​ថា ក្នុង​គំនរ​បាក់បែក​នោះ​ចាប់ផ្ដើម​មាន​ក្លិនស្អុយ​កាន់តែ​ខ្លាំង​ហើយ​សាច់ញាតិ​ជនរងគ្រោះ​មួយ​ចំនួន​ថា នៅ​មាន​កម្មករ​សំណង់​បាត់​ខ្លួន​ជាច្រើន​នាក់​ទៀត៖ «មាន​ក្លិនស្អុយ​ខ្លាំង​ណាស់​ដែរ​អ៊ីចឹង​បាន​សេចក្ដី​ក្នុង​នោះ នៅ​មាន​សាកសព​ទៀត ប៉ុន្តែ​គេ​បាញ់ថ្នាំ​បំបាត់​ក្លិន​និង​មេរោគ​ដែរ។ ខាង​អង្គការ​ CPU​ បាន​យក​ឆ្កែ​ដែល​បង្វឹក​សម្រាប់​រុករក​សាកសព​ទៅ​ដែរ ប៉ុន្តែ​មិន​អាច​រក​ឃើញ​ទេ ព្រោះ​គំនរ​ថ្ម​និង​កម្ទេច​ដេក​នៅ​ច្រងេងច្រងាង​ច្រើន​ដែល​មិន​អាច​ត្បុល​ចូល​ទៅ​បាន។ កម្មករ​ដែល​នៅ​មាន​ជីវិត​ប្រាប់​ថា អាគារ​នេះ បាន​ឱ្យ​សំឡេង​នៃ​ភាព​មិន​ប្រក្រតី​ពីរ​ថ្ងៃ​មក​ហើយ ប៉ុន្តែ​មិនបាន​ចាប់​អារម្មណ៍»

តាម​សេចក្ដី​រាយការណ៍​ផ្សេងៗ តាម​បណ្ដាញ​សង្គម ឱ្យ​​ដឹង​ថា ក្នុងអំឡុងពេល​កម្លាំង​​ប្រតិបត្តិការ​​ជួយ​សង្គ្រោះ​​នោះ យូរ​ៗ ម្ដង គេ​បាន​ឮ​សំឡេង​​ជន​រង​គ្រោះ​​ស្រែក​​ចេញ​ពី​ក្រោម​​អាគារ​​ដែល​​រលំ​​បាក់​​នោះ។

អ្នកនាំពាក្យ​សាលាខេត្ត​ព្រះសីហនុ​លោក ឃាង ភារម្យ ប្រាប់​អាស៊ីសេរី ថា​គិត​មកដល់​យប់​ថ្ងៃ​ទី ២៣ មិថុនា សមត្ថកិច្ច ក្រុម​ជួយសង្គ្រោះ​បាន​កាយ​គំនរ​ឥដ្ឋ ដើម្បី​រុករក​អ្នក​បាត់​ខ្លួន បាន​ប្រមាណ ៦០%​ហើយ៖ «បី​ជាន់​ទៀត​វា​នៅ​រាង​ស្មុគស្មាញ​ដោយសារតែ​កម្ទេចកំទី​ហ្នឹង​វា​ហាប់​ចូលគ្នា»

លោក ឃាង ភារម្យ ប្រាប់​អាស៊ីសេរី​ទៀត​ថា មាន​មនុស្ស​មួយ​ចំនួន​ទៀត កប់​នៅ​ក្នុង​គំនរ​ឥដ្ឋ​នៃ​អគារ​បាក់បែក​នោះ ខណៈ​ដែល​ក្រុម​ជួយសង្គ្រោះ​ប្រមាណ ១​ពាន់​នាក់​កំពុង​ប្រតិបត្តិការ​ជួយសង្គ្រោះ​ដើម្បី​រក​អ្នក​នៅ​រស់រាន​មាន​ជីវិត៖ «ពាក់ព័ន្ធ​នឹង​ការ​ទទួល​ខុស​ត្រូវ​​មកដល់​ម៉ោង​នេះ ​យើង​នៅតែ​មិនទាន់​អាច​និយាយ​បាន​ទេ។ តែ​អ្វី​ដែល​ខ្ញុំ​អាច​ជម្រាប​ជូន​បាន​គឺ​ចំពោះ​មុខ​រដ្ឋបាល​ខេត្ត​ទីមួយ​អាទិភាព​ចម្បង​គឺ​សង្គ្រោះ​សិន។ ទី​២​ការងារ​ដែល​ថា​អ្នកណា​ដែល​ទទួលខុស​ត្រូវជា​រឿង​បន្ត​»

សារព័ត៌មាន​ក្នុងស្រុក​បាន​ចុះផ្សាយ​ថា រហូតមកដល់ ម៉ោង ៤ ទាប​ភ្លឺ ថ្ងៃ​ទី​២៤ មិថុនា ចំនួន​អ្នក​ស្លាប់​បាន​កើន​ឡើង​២២ នាក់ និង​រង​របួស​ចំនួន​២៤ នាក់ ហើយ​នៅ​ក្នុង​ចំណោម​ជនរងគ្រោះ​ក៏​មាន​ជនជាតិ​ចិន​មួយ​ចំនួន​ផង​ដែរ។

ស្រប​ពេល​នេះ​ដែរ រដ្ឋមន្ត្រី​ក្រសួងមហាផ្ទៃ លោក ស ខេង ចេញ​លិខិត​ជាបន្ទាន់​មួយ​កាលពី​ថ្ងៃ​ទី​២២ មិថុនា​ថា អាជ្ញា​ធរមាន​សមត្ថកិច្ច​បាន ប្រមូល​ផ្ដុំ​កម្លាំង និង​មធ្យោបាយ​ដើម្បី​ពន្លឿន​ប្រតិបត្តិ​ការស្វែងរក និង​ជួយសង្គ្រោះ​អ្នក​ដែល​បាន​បាត់​ខ្លួន។

លោក ស ខេង បាន​បញ្ជាក់​នៅ​ក្នុង​លិខិត​ដដែល​នោះ​ថា ក្រសួង​មហាផ្ទៃ​នឹង​ចាត់វិធានការ​ចំពោះ​មុខ​ជំរុញ​ការស្រាវជ្រាវ និង​ស្វែងរក​ឱ្យ​ឃើញ​នូវ​ដើមហេតុ ដែល​នាំ​ឱ្យ​កើតមាន​សោកនាដកម្ម ព្រមទាំង​ចាត់វិធានការ​លើ​បុគ្គល​ពាក់ព័ន្ធ ដើម្បី​ឱ្យ​មក​ទទួលខុសត្រូវ​តាមច្បាប់។

ចំណែក​ស្ថានទូត​ចិន​ប្រចាំ​ប្រទេស​កម្ពុជា កាលពី​ថ្ងៃ​ទី​២២ មិថុនា បាន​ចេញ​សេចក្ដី​ថ្លែងការណ៍​ដោយ​ចាត់ទុកថា ភាគី​ចិន​គាំទ្រ​ស្ថាប័ន​ពាក់ព័ន្ធ​របស់​កម្ពុជា ដើម្បី​បើក​ការស៊ើបអង្កេត​តាម​ផ្លូវ​ច្បាប់ និង​គាំទ្រ​ទាំងស្រុង​ចំពោះ​ភាគី​កម្ពុជា ដើម្បី​ចាត់​វិធានការណ៍​តាម​ផ្លូវ​ច្បាប់​ទៅលើ​ជនល្មើស​ទាំងឡាយ ដែល​ពាក់ព័ន្ធ​ក្នុង​ហេតុការណ៍​ដួល​រលំ​អាគារ​នេះ។

របប​ក្រុងភ្នំពេញ​បានសម្រេច​បង្កើត​គណៈកម្មការ​ត្រួតពិនិត្យ​សំណង់​នៅ​ក្នុង​ខេត្ត​ព្រះសីហនុ​ដែល​មាន​សមាសភាព​ចំនួន ១៥​រូប ដោយមាន​ការចូលរួម​ពី​ក្រសួង​ដែនដី ទីស្ដីការ​គណៈរដ្ឋមន្ត្រី ក្រសួង​បរិស្ថាន និង​លោក យន្ត មីន អភិបាលខេត្ត​ព្រះសីហនុ​ផង​ដែរ។

អាស៊ីសេរី​មិន​អាច​ទាក់ទង​សុំ​ការ​បំភ្លឺ​ពី​លោក យន្ត មីន អភិបាលខេត្ត​ព្រះសីហនុ​បានទេ នៅ​ថ្ងៃ​ទី​២៤ មិថុនា​នេះ។

នាយករង​ទទួលបន្ទុក​ផ្នែក​ឃ្លាំមើល​សិទ្ធិមនុស្ស​នៃ​អង្គការ​លីកាដូ (Licadho) លោក អំ សំអាត ក្នុង​ពេល​ផ្ដល់​បទសម្ភាសន៍​ជាមួយ​អាស៊ីសេរី​កាលពី​ថ្ងៃ​ទី​២៣ មិថុនា​ថា ដើម្បី​ធ្វើការ​ស៊ើបអង្កេត​ទៅ​បាន​ទាល់តែ​គណៈកម្មការ​ដែល​បង្កើត​ឡើង​មាន​ឆន្ទៈ​ពិតប្រាកដ ហើយ​ស៊ើបអង្កេត​ដោយ​តម្លាភាព ដោយ​យុត្តិធម៌​ក្នុង​ការ​ស្វែងរក​ការពិត​ពីព្រោះ​រឿង​នេះ ជា​រឿង​ធំ​ណាស់​ដែល​បាន​សម្លាប់​មនុស្ស​នៅ​ក្នុង​ហេតុការណ៍​បាក់​រលំ​អគារ​លើក​ដំបូង​ក្នុង​ប្រទេស​កម្ពុជា៖ «រដ្ឋាភិបាល​ត្រូវ​មាន​ការទទួលខុសត្រូវ​បន្ត​ទៅ​ទៀត​នៅ​ក្នុង​រឿង​នេះ ទាក់ទង​ទៅ​នឹង​អ្នក​ដែល​សាងសង់​ដោយ​ខុសច្បាប់ ហើយ​នឹង​អ្នក​ដែល​ពាក់ព័ន្ធ ហើយ​ជាពិសេស​គឺជា​មួយ​ហ្នឹង​អាជ្ញាធរ​ដែនដី​ហ្នឹង​តែម្ដង។ អ៊ីចឹង​រដ្ឋាភិបាល​ត្រូវតែ​ចាត់វិធានការ​ឱ្យ​បាន​ម៉ឺងម៉ាត់ ដើម្បី​ស៊ើបអង្កេត​ទៅលើ​រឿង​នេះ​ជា​គំរូ​ដើម្បី​កុំ​ឱ្យ​មាន​ករណី​ស្រដៀង ឬ ដូចគ្នា​កើត​ឡើងជា​បន្ត​ទៀត»

ករណី​បាក់​រលំ​អាគារ​នេះ សាកសព​ខ្លះ​ត្រូវ​ក្រុម​អ្នក​ជួយសង្គ្រោះ​រក​ឃើញ​ថា បាន​ដេក​ស្លាប់​ក្នុង​ម៉ុង ក្រោម​ផ្ទាំង​បេតុង​អគារ​បាក់​សង្កត់​លើ។

អាជ្ញាធរ​ខេត្ត​ព្រះសីហនុ និង​ក្រសួង​រៀបចំ​ដែនដី បាន​អះអាង​ប្រាប់​អ្នកកាសែត​ក្នុងស្រុក​ដូចគ្នា​ថា មូលហេតុ​នៃ​ការ​បាក់​រលំ​អាគារ​កម្ពស់​៧​ជាន់​នេះ គឺ​ដោយសារតែ​សាងសង់​ខុស​បច្ចេកទេស ហើយ​ការសាងសង់​នេះ​ពុំ​មាន​ច្បាប់​អនុញ្ញាត​ពី​អាជ្ញាធរ​នោះ​ទេ​។ អាជ្ញាធរ​ជំនាញ​បាន​ហាមឃាត់​មិន​ឱ្យ​សាងសង់​ចំនួន ២​ដង​រួចហើយ​ដែរ ប៉ុន្តែ​ម្ចាស់​សំណង់​ជា​ជនជាតិ​ចិន​មិន​ចូលរួម​សហការ។ អគារ​កម្ពស់​៧​ជាន់​នោះ មាន​ទំហំ​ទទឹង ១៥​ម៉ែត្រ និង​បណ្ដោយ​៣០​ម៉ែត្រ បាន​ដំណើរការ​សាងសង់ ក្នុង​រយៈពេល ៦ ទៅ ខែ ៧ ខែ កន្លង​មក​នេះ ព្រមទាំង​សម្រេច​លទ្ធផល​បាន​ប្រមាណ​៧០ ភាគរយ​។​

មេដឹកនាំ​របប​ក្រុងភ្នំពេញ​ក៏បាន​ចេញ​សារ​អំពាវនាវ​រក​ជំនួយ​ពី​សប្បុរសជន ​ដើម្បី​ជួយ​ដល់​ជនរងគ្រោះ កាលពី​ថ្ងៃ​ទី​២២ មិថុនា។ ក្នុង​រយៈពេល​ប្រមាណ​មួយ​ម៉ោង​ក្រោយពី​ការ​អំពាវនាវ មាន​សប្បុរសជន​ចូលរួម​ផ្ដល់​ជា​ថវិកា​បាន​ចំនួន​ជាង ១លាន​​ដុល្លារ​។ ភាគច្រើន​នៃ​អ្នក​ដែល​ចូលរួម​ថវិកា គឺជា​ក្រុម​ឧកញ៉ា៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (4)
Share

More building construction collapses are still more coming and wtch out pple

We saw and heard these shits all the time in the last 40 years...remember k-5 HS&Le Duc Tho's secrets mass of killing khmer pple who just survived from the killing fields"1979-1993",coup d'etat bloodshed in 1997+4 grenades attacked+2012s mass killing at Diamond island bridge+coup d'etat bloodshed in 2013-2014+mass killing building construction collapsed in 2019+others.Everything bad happens it ever never bring anyone held for accountable"free criminal charged".Because,most khmer pple quick to forgot the old thing,bad thing,especially itself history that why the Chinese/Vietnamese knew khmer pple's behavior,or attitude,or etc.See the history of killing fields like no one else talk about that.Most of us quick to forgot it and left them behind to catch another new look better than the old one...."big mistaken"history already been told all of us,but it still repeat itself in every minute if we keep do a mistake.This horrific tragic are still coming more in day ahead and where when what how,or why it will tells u later,and all these structures can't stand against the high wind with 160 miles per hour,or seismic catastrophe.Next China commie killing secret plans is build more tall buildings to push all khmer pple to live in there,and let the low quality building structure collapses by itself"smart criminal coverup",but they won't say or tell u anything with their own secret plans.who been smart be stay alive and who isn't will go to hell.

Jun 25, 2019 03:23 PM

S.Sopheab to criminal minds HS

If,fascist commie dictator"HS" still there...there is no justice or no peace for pple and country.

Jun 25, 2019 12:07 PM

S.Issan say don't worry everything will quick and go far away in a few day ahead

Out ruthless spoken govm't"S.Issan" said the P Penh's regime will promise to make an investigate about deadly building collapsed with dozens pple dead+dozens injured and all each family victims will receive half million"Riels=$100",but S.Issan warns that money must directly to the victims families hands rather go to local thugs corruption.And repeatedly that more charity across the country are still flowing through his rogue govm't network,and not go through to the victims at this time,because we gonna divide all those money before delivery to the victims families"one-4-u and 2-4-me".

Jun 24, 2019 03:13 PM

who would be blame?who would be responsible?who would be held for accountable?corruption is the root cause of every human society

Killed dozens pple+dozens injured and counting up incoming hours after the 7-story building collapsed at KompongSom city.why they let the kompongsom governor"Yun Mean"+others step down after this horrific tragic happening and why????maybe they want to coverup the criminal conspiracy?,if this is not happen before its collapses"it's ok",but it's happening during he was a governor of kompongSom city+others must be taken seriously to face criminal charges+heavily fines+setup prison terms.It's ridiculous in Cambodia's judicial system,they always did this all the time,if some criminal connection with top officials that they can't handle the situation at all,then they've to order he/she to step downs immediately"left criminal cases behind"with no anyone blame who?who would be responsible?who would be held for accountable?noooooooooon,it is nothing new or nothing old,or is not the first time"always".Because,the lower official can't do nothing with their master boss if they know,or unknown"pple fear life threaten".This horrible tragic must bring all suspects connection with no matter what or who are they?,those must 100% to responsible and held for accountable"corruption+criminal conspiracy".

Jun 24, 2019 01:45 PM

គេហទំព័រ​ទាំងមូល