ភាគី​ពាក់ព័ន្ធ​បើក​កិច្ច​ប្រជុំ​រក​ដំណោះស្រាយ​ក្រោយ​មាន​ការ​ប៉ះ​ទង្គិច​រវាង​កម្មករ​និង​អាជ្ញាធរ

ដោយ ថា កិត្យា
2015-12-22
អ៊ីម៉ែល
មតិ
Share
បោះពុម្ព

កម្មករ​រោងចក្រ​នៅ​ក្រុង​បាវិត​ ដែល​តវ៉ា​ បាន​បំបែក​​គ្នា​អស់​ហើយ ខណៈ​ដែល​ភាគី​អាជ្ញាធរ​មាន​សមត្ថកិច្ច តំណាង​ក្រុមហ៊ុន និង​តំណាង​សហជីព ​នឹង​ចរចា​រក​ដំណោះស្រាយ​ធំ​មួយ នៅ​​រសៀល​ម៉ោង​២ ថ្ងៃ​ទី​២២ ធ្នូ នៅ​សាលាខេត្ត​ស្វាយរៀង បន្ទាប់​ពី​កម្មករ​បន្ត​តវ៉ា​ជាង​១​សប្ដាហ៍។

កាល​ពី​ម្សិលមិញ​​មាន​ការ​ប៉ះទង្គិច​គ្នា​សាជាថ្មី រវាង​សមត្ថកិច្ច​និង​កម្មករ​រោងចក្រ​ក្នុង​តំបន់​សេដ្ឋកិច្ច​ពិសេស​មេនហាតធេន (Manhattan) នៃ​ក្រុង​បាវិត ខេត្ត​ស្វាយរៀង។

ក្នុង​ព្រឹត្តិការណ៍​នេះ​ មាន​កម្មករ​រាប់ពាន់​នាក់ បាន​នាំ​គ្នា​វាយ និង​គប់​រថយន្ត​បាញ់​ទឹក ​១​គ្រឿង របស់​សមត្ថកិច្ច​ឲ្យ​ខូចខាត​ស្ទើរ​តែ​ទាំងស្រុង ខណៈ​ដែល​សមត្ថកិច្ច​ព្យាយាម​វាយ​បំបែក​ក្រុម​បាតុករ​ដែល​កំពុង​តវ៉ា។

ក្នុង​ពេល​ប្រទូស្ត​រាយ​គ្នា មាន​កម្មករ និង​សមត្ថកិច្ច​មួយ​ចំនួន​បាន​រង​របួស។

កាល​ពី​ព្រឹក​ថ្ងៃ​ទី​២១ ខែ​ធ្នូ ក៏​មាន​កម្មករ​ជិត ​៦០នាក់ ត្រូវ​អាជ្ញាធរ​ប្រើ​ឡាន​បាញ់​ទឹក​បួន​គ្រឿង​បំបែក​កម្មករ និង​ឈាន​ដល់​ចាប់​ខ្លួន​ក្នុង​ពេល​តវ៉ា តែ​ពួកគេ​ត្រូវ​បាន​ដោះលែង​វិញ នៅ​ល្ងាច​ថ្ងៃ​ទី​២១ ធ្នូ ដោយ​ភ្ជាប់​កិច្ច​សន្យា​ឲ្យ​ពួកគេ​ឈប់​តវ៉ា។

កម្មករ​រោងចក្រ​រាប់​ម៉ឺន​នាក់​នៅ​តំបន់​សេដ្ឋកិច្ច​ពិសេស​មេនហាតធេន និង​តាយសេង (Tai Seng) ក្នុង​ក្រុង​បាវិត បាន​ចេញ​តវ៉ា​ទាមទារ​ប្រាក់​ឈ្នួល ២០​ដុល្លារ​បន្ថែម តាំង​ពី​ថ្ងៃ​ទី​១៦ ធ្នូ មក ហើយ​មក​ទល់​ពេល​នេះ នៅ​មិន​ទាន់​ទទួល​បាន​ដំណោះស្រាយ​នៅ​ឡើយ។

រហូត​មក​ដល់​ពេល​នេះ ​​មាន​កម្មករ ៤​នាក់​ហើយ កំពុង​ត្រូវ​បាន​ឃុំ​ខ្លួន​ក្នុង​ពន្ធនាគារ ដោយ​ចោទ​ពី​បទ​បំផ្លិចបំផ្លាញ​ទ្រព្យ​សម្បត្តិ​អ្នក​ដទៃ និង​ញុះញង់​ឲ្យ​មាន​ការ​តវ៉ា​ហិង្សា។

សូម​ស្ដាប់​អ្នក​យក​ព័ត៌មាន​នៃ​វិទ្យុ​អាស៊ីសេរី លោក ថា កិត្យា រាយការណ៍​ពិស្ដារ​ពី​ក្រុង​បាវិត ដូច​ត​ទៅ៖​

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (2)
Share

អ្នក​អាន​អនាមិក

ចេញពី របប ប៉ុល ពត មក កញ្ចាស់ ហ៊ុន សែន បាតដៃ ទទេ មានអំណាច លក់ទ្រព្យសម្បត្តិជាតិ យកទៅធ្វើមានបាន ខ្លួនអែង សល់លុយ រាប់ពាន់លានដុល្លារ . អោយ ប្រជាជន កម្មករកម្មការីនី ក្រល្ហេមល្ហាម ជំពាក់បំណុលគេ !

Dec 22, 2015 09:24 PM

អ្នក​អាន​អនាមិក

សូមផ្តាំផ្ញើរ ទៅ តាចាស់ ហ៊ុន សែន =
ដឹកនាំប្រទេស សប្បាយហ៊ឺហារ តែក្រុម គ្រួសារ តាហ៊ុន សែន អែង .ហើយ អោយប្រជាពលរដ្ឋ កម្មករកម្មការីនី ក្រ ល្ហេមល្ហាម ចាយមិនគ្រប់ ជំពាក់បំណុលគេ គឺ មិនមានសេចក្តីសុខ យូរអង្វែង ឡើយ !

Dec 22, 2015 02:01 AM

គេហទំព័រ​ទាំងមូល