ប្រធាន​គណៈកម្មការ​ទី​២​រដ្ឋ​សភា​ព្រមាន​ស្ថាប័ន​ផ្ដល់​ប្រាក់​កម្ចី​គ្មាន​ច្បាប់​អនុញ្ញាត

ដោយ ប្រាជ្ញ ចេវ
2015-05-25
អ៊ីម៉ែល
មតិ
Share
បោះពុម្ព
ប្រធាន​គណៈកម្មការ​ទី​២​នៃ​រដ្ឋ​សភា ទទួល​បន្ទុក​គណៈកម្មការ​សេដ្ឋកិច្ច ហិរញ្ញវត្ថុ ធនាគារ និង​សវនកម្ម លោក ជាម យៀប ផ្ដល់​បទសម្ភាសន៍​ដល់​អ្នក​សារព័ត៌មាន​នា​វិមាន​រដ្ឋ​សភា នៅ​ថ្ងៃ​ទី​២៥ ខែ​ឧសភា ឆ្នាំ​២០១៥។
ប្រធាន​គណៈកម្មការ​ទី​២​នៃ​រដ្ឋ​សភា ទទួល​បន្ទុក​គណៈកម្មការ​សេដ្ឋកិច្ច ហិរញ្ញវត្ថុ ធនាគារ និង​សវនកម្ម លោក ជាម យៀប ផ្ដល់​បទសម្ភាសន៍​ដល់​អ្នក​សារព័ត៌មាន​នា​វិមាន​រដ្ឋ​សភា នៅ​ថ្ងៃ​ទី​២៥ ខែ​ឧសភា ឆ្នាំ​២០១៥។
RFA/Brach Chev

ប្រធាន​គណៈកម្មការ​ទី​២​នៃ​រដ្ឋ​សភា ព្រមាន​ដល់​ស្ថាប័ន​មីក្រូហិរញ្ញវត្ថុ​ណា​ដែល​ផ្ដល់​ប្រាក់​កម្ចី​គ្មាន​ច្បាប់​អនុញ្ញាត ថា​នឹង​ប្រឈម​មុខ​ចំពោះ​ផ្លូវ​ច្បាប់ ឬ​ក៏​ត្រូវ​លុប​ចេញ​ពី​បញ្ជី ឬ​បិទ​មិន​ឲ្យ​ដំណើរការ​ត​ទៅ​ទៀត។ អ្នក​វិភាគ​សេដ្ឋកិច្ច​គាំទ្រ​ចំណាត់ការ​នេះ និង​ទាមទារ​ឲ្យ​អនុវត្ត​ច្បាប់​នេះ​ដោយ​មិន​ប្រកាន់​បក្ខពួក។

ការ​បញ្ចប់​ការ​សួរ​ដេញដោល​ រវាង​គណៈកម្មការ​ទី​២​រដ្ឋ​សភា និង​រដ្ឋមន្ត្រី​ក្រសួង​សេដ្ឋកិច្ច អស់​រយៈពេល​ជិត ៤​ម៉ោង​នៅ​មន្ទីរ​រដ្ឋសភា នៅ​ថ្ងៃ​ទី​២៥ ខែ​ឧសភា។ ក្នុង​ឱកាស​នោះ​រដ្ឋមន្ត្រី​ក្រសួង​សេដ្ឋកិច្ច ថា នឹង​ចំណាត់​លើ​ស្ថាប័ន​មីក្រូហិរញ្ញវត្ថុ​គ្មាន​ច្បាប់​ទាំង​ឡាយ​ណា​ដែល​កំពុង​ផ្ដល់​ប្រាក់​កម្ចី។

​ប្រធាន​គណៈកម្មការ​ទី​២ នៃ​រដ្ឋសភា​ទទួល​បន្ទុក​គណៈកម្មការ​សេដ្ឋកិច្ច ហិរញ្ញវត្ថុ ធនាគារ និង​សវនកម្ម លោក ជាម យៀប ថ្លែង​ក្រោយ​ជួប​រដ្ឋមន្ត្រី​ក្រសួង​សេដ្ឋកិច្ច​ថា ប្រសិន​បើ​ស្ថាប័ន​មីក្រូហិរញ្ញវត្ថុ​ដែល​នៅ​តែ​បន្ត​ការងារ​របស់​ខ្លួន​ដោយ​គ្មាន​ច្បាប់​អនុញ្ញាត ប្រឈម​នឹង​ការ​បញ្ឈប់​អាជីវកម្ម ឬ​ក៏​ត្រូវ​ទទួល​ទោស​ទណ្ឌ​ក្នុង​ច្បាប់​ជា​ធរមាន។

លោក ជាម យៀប បន្ត​ទៀត​ថា ប្រព័ន្ធ​ច្បាប់​របស់​រដ្ឋ​មាន​គ្រប់គ្រាន់​អស់​ហើយ ដើម្បី​ដាក់​សម្ពាធ​ស្ថាប័ន​ទាំង​នោះ៖ «ការ​គ្រប់គ្រង​របស់​យើង​គឺ​អ្វី​ដែល​ចែង​ក្នុង​ច្បាប់ យើង​មាន​តុលាការ​ដើម្បី​រៀបចំ​ធ្វើ​យ៉ាង​ណា​សម្រួល​រឿង​នេះ»

​រដ្ឋមន្ត្រី​ក្រសួង​សេដ្ឋកិច្ច និង​ហិរញ្ញវត្ថុ លោក អូន ព័ន្ធមុនីរ័ត្ន ដែល​យល់​ព្រម​មក​ឆ្លើយ​បំភ្លឺ​នៅ​រដ្ឋ​សភា មិន​បាន​ផ្ដល់​បទសម្ភាសន៍​ឲ្យ​អ្នក​សារព័ត៌មាន ដោយ​ក្នុង​ពេល​លោក ជាម យៀប កំពុង​ផ្ដល់​បទសម្ភាសន៍ លោក​រដ្ឋមន្ត្រី និង​មន្ត្រី​ហែហម នាំ​គ្នា​ចេញ​ស្ងាត់ៗ តាម​ទ្វារ​ក្រោយ។

ទាក់ទង​ករណី​នេះ​ដែរ អ្នក​វិភាគ​សេដ្ឋកិច្ច​ឯករាជ្យ លោក ស្រី ចន្ធី គាំទ្រ​ចំណាត់​ការ​ដោយ​លោក​យល់​ថា ឃើញ​នៅ​ពេល​ដែល​ស្ថាប័ន​ផ្ដល់​ប្រាក់​កម្ចី​ទាំង​អស់​មាន​ច្បាប់​ត្រឹមត្រូវ គឺ​ងាយ​គ្រប់គ្រង ងាយ​ត្រួត​ពិនិត្យ​នៃ​ការ​អនុវត្ត​របស់​ស្ថាប័ន​ផ្ដល់​ប្រាក់​កម្ចី​ទាំង​នោះ។

លោក ស្រី ចន្ធី មើល​ឃើញ​ថា ការ​ចរាចរ​ស្ថាប័ន​មីក្រូហិរញ្ញវត្ថុ​គ្មាន​ច្បាប់​អនុញ្ញាត​នេះ ធ្វើ​ឲ្យ​ពលរដ្ឋ​ជំពាក់​បំពុល​ស្ថាប័ន​នីមួយៗ​កាន់​តែ​ច្រើន​ទៅៗ ស្រប​ពេល​ស្ថាប័ន​មាន​ការ​ប្រាក់​ខ្ពស់៖ «សំខាន់​ត្រូវ​មាន​ការ​គ្រប់គ្រង បើ​បណ្ដោយ​គាត់ គាត់​យក​ការ​ប្រាក់​ថ្លៃ​ពេក​ជាប់​បំណុល​បង់​មិន​បាន»

​កន្លង​មក​ប្រជាពលរដ្ឋ​នៅ​តាម​ទី​ជនបទ​មួយ​ចំនួន​បាន​រត់​ចោល​ផ្ទះសម្បែង ឬ​ស្រុក​កំណើត ព្រោះតែ​ជំពាក់​ប្រាក់​ស្ថាប័ន​ផ្ដល់​ប្រាក់​ទាំង​នោះ។ អ្នក​ខ្លះ​ត្រូវ​គេ​រឹប​អូស​ផ្ទះសំបែង ព្រោះ​ជំពាក់​បំណុល​ច្រើន​ស្ថាប័ន។

ចំណែក​អភិបាល​ខេត្ត​កណ្ដាល លោក ម៉ៅ ភារុណ ដែល​ឡើង​កាន់​តំណែង​ថ្មី ប្រាប់​ថា លោក​ពុំ​ទាន់​ទទួល​របាយការណ៍​ថា នៅ​ក្នុង​ខេត្ត​កណ្ដាល មាន​ស្ថាប័ន​មីក្រូហិរញ្ញវត្ថុ​ដែល​ដំណើរ​ការ​ដោយ​គ្មាន​ច្បាប់​នោះ​ទេ។ ទោះ​បែប​នេះ​ក្តី លោក​អភិបាល​ខេត្ត​ថា លោក​សើរើ​ពិនិត្យ​ឡើង​រាល់​ស្ថាប័ន​ទាំង​នោះ។

លោក ម៉ៅ ភារុណ ថា កន្លង​មក​ខេត្ត​ពុំ​ទាន់​ទទួល​បញ្ជា​ពី​រដ្ឋាភិបាល ឬ​ធនាគារ​ជាតិ ទាក់ទង​ស្ថាប័ន​ផ្ដល់​ប្រាក់​កម្ចី​ណា​មួយ​នៅ​ឡើយ​ទេ៖ «នៅ​កណ្ដាល​មិន​ទាន់​មាន​របាយការណ៍​ណា​ថា ស្ថាប័ន​គ្មាន​ច្បាប់​នៅ​ឡើយ​ទេ បើ​គ្មាន​ច្បាប់​យើង​នឹង​អនុវត្ត​តាម​វិធាន»

​ជា​ញឹកញាប់ ធនាគារ​ជាតិ និង​ក្រសួង​សេដ្ឋកិច្ច និង​ហិរញ្ញវត្ថុ បាន​ណែនាំ​ថ្នាក់​ក្រោម​ជាតិ​ឲ្យ​ធ្វើការ​តាម​ដាន​ទៅ​លើ​ស្ថាប័ន​មីក្រូហិរញ្ញវត្ថុ​ទាំង​ឡាយ​ណា​កំពុង​ដំណើរការ​ផ្ដល់​ប្រាក់​កម្ចី។ ដើម្បី​អនុវត្ត​ការងារ​នេះ​ទទួល​បាន​ប្រសិទ្ធភាព អ្នក​វិភាគ​សេដ្ឋកិច្ច​ឯករាជ្យ លោក ស្រី ចន្ធី ទាមទារ​ឲ្យ​មាន​កម្លាំង និង​ធនធាន​មនុស្ស​គ្រប់គ្រាន់ និង​អនុវត្ត​ទៅ​លើ​ស្ថាប័ន​នានា គ្មាន​ការ​រើសអើង៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (6)
Share

អ្នក​អាន​អនាមិក

សូមសួទៅលោកស្រីចន្ទីថាជាអ្នកវុភាគឯករាជថា តើប្រជាជនជំពាក់បំណុលច្រើនសងមិនរួច មកពីមានស្ថាប័នហិរញ្ញវត្ថុច្រើនមែនឬ?ការប្រាក់ថ្លៃមែនឬ? សូមលោកស្រីបង្ហាញពីសុចនករផង ។ ព្រោះបើតាមខ្ុំជាអ្នកមិនបានរៀនច្រើន ខ្ញុំយល់ថាប្រជាជនក្រីក្រ ជំពាក់បំណុលច្រើនមកពី សេដ្ឋកិច្ចស្រុកខ្មែរបំរើតែបក្សពួក អ្នកមានអំណាច ចំនែកអ្នកក្ររកសីុតិតួចបង់អោយម្ចាស់ផ្សា បូលីស ផាសុី អនាម័យ.......រាប់មិនអស់មិនដឹងអីខ្លះទេ។ច្បាប់សំរាប់អ្នកក្រ អ្នកទន់ខ្សោយ។ ខ្ញុំគិតថាបើអ្នកស្រីជាអ្នកវិភាគឯរាជមែននោះ ពិតជាយល់បញ្ហានេះ។
អរគុណ

May 26, 2015 01:13 AM

អ្នក​អាន​អនាមិក

All of other countries will get out soon Vietnam and China will be so happy because no one will against my Samdach who is a strong man,strong leg,strong arm,strong penis too no one can compete him.

May 26, 2015 12:15 AM

អ្នក​អាន​អនាមិក

មិនមែនមីក្រូហិរញ្ញវត្ថុទេ គឺស្ថាប័នដែលជ្រកក្រោមស្លាកជាNGO និង សមាគម ពីព្រោះនាមជាគ្រឹះស្ថានមីក្រូហិរញ្ញវត្ថុគឺសុទ្ធតែទទួលបានអាជ្ញាប័ណ្ណពីធនាគារជាតិនៃកម្ពុជា និងចុះបញ្ជីត្រឹមត្រូវពីក្រសួងពាណិជ្ជកម្ម។ហើយឥលូវពួកនេះ(NGO and ASSOCIATION)មិនត្រឹមតែផ្តល់កម្ចីដែលបង់ជា សប្តាហ៍ ថែមទាំងខ្លះមានប្រកាសទទួលសន្សំពីសាធារណជនទៀត។ហាស...

May 25, 2015 07:45 PM

អ្នក​អាន​អនាមិក

ត្រូវបង្កើតច្បាប់សំរាប់ប្រតិបត្តិករហិរញ្ញវត្ថុទាំងអស់

May 25, 2015 07:17 PM

អ្នក​អាន​អនាមិក

ចុះបេីសមាគមដែលមានច្បាប់ត្រឹមតែក្រសួងមហាផ្ទៃ តេីអាចបន្តនូវកាផ្តល់ប្រាក់កម្ចីបានទេ? ថ្មីៗនេះធនាគារជាតិបានប្រកាសអោយសមាគម ឫអង្កការ ទៅសុំច្បាប់តែយេីងបានដាក់ពាក្យស្នេីសុំរួចហេីយ ថាតេីយេីងអាចបន្តការផ្តល់កម្ចីបានទេ? បេីខាងធនាគារជាតិមិនទាន់បានចុះត្រួតពិនិត្យ?

May 25, 2015 06:52 PM

មើល​មតិ​ទាំង​អស់.

គេហទំព័រ​ទាំងមូល