ក្រសួង​ព័ត៌មាន​នឹង​ចាត់​វិធានការ​លើ​ទូរទស្សន៍​ដែល​មិន​ដូរ​ម៉ោង​ផ្សាយ​ភាពយន្ត​បរទេស

ដោយ អ៊ុំ រង្សី
2015-11-18
អ៊ីម៉ែល
មតិ
Share
បោះពុម្ព
រដ្ឋមន្ត្រី​ក្រសួង​ព័ត៌មាន លោក ខៀវ កាញារីទ្ធ ថ្លែង​ក្នុង​សិក្ខាសាលា​បណ្តុះបណ្តាល​ស្ដីពី​ប្រព័ន្ធ​ផ្សព្វផ្សាយ និង​ការ​ប្រែប្រួល​អាកាសធាតុ នៅ​ថ្ងៃ​ទី​១៨ ខែ​វិច្ឆិកា ឆ្នាំ​២០១៥។
រដ្ឋមន្ត្រី​ក្រសួង​ព័ត៌មាន លោក ខៀវ កាញារីទ្ធ ថ្លែង​ក្នុង​សិក្ខាសាលា​បណ្តុះបណ្តាល​ស្ដីពី​ប្រព័ន្ធ​ផ្សព្វផ្សាយ និង​ការ​ប្រែប្រួល​អាកាសធាតុ នៅ​ថ្ងៃ​ទី​១៨ ខែ​វិច្ឆិកា ឆ្នាំ​២០១៥។
RFA/Um Rainsey

រដ្ឋមន្ត្រី​ក្រសួង​ព័ត៌មាន លោក ខៀវ កាញារីទ្ធ ឲ្យ​ដឹង​ថា ក្រសួង​នឹង​ចាត់​វិធានការ​លើ​បណ្ដា​ស្ថានីយ​ទូរទស្សន៍​ណា​ដែល​មិន​បញ្ឈប់​ការ​ចាក់​ផ្សាយ​ភាពយន្ត​បរទេស​ចាប់​ពី​ចន្លោះ​ម៉ោង ៧ ដល់​ម៉ោង ៩​យប់ ដោយ​ត្រូវ​អនុវត្ត​ចាប់​ពី​ថ្ងៃ​ទី​១ ខែ​មករា ឆ្នាំ​២០១៦ ខាង​មុខ​នេះ​ត​ទៅ។ ការ​ព្រមាន​នេះ នៅ​ខណៈ​ដែល​ស្ថានីយ​ទូរទស្សន៍​ទាំង​នេះ​កំពុង​តែ​ចាក់​ផ្សាយ​ខ្សែ​ភាពយន្ត​បរទេស​ជា​រៀង​រាល់​ថ្ងៃ តែ​ក្រសួង​ព័ត៌មាន ចង់​លើក​ស្ទួយ​វិស័យ​ភាពយន្ត​ខ្មែរ​វិញ។

រដ្ឋមន្ត្រី​ក្រសួង​ព័ត៌មាន លោក ខៀវ កាញារីទ្ធ ព្រមាន​ថា បើ​ស្ថានីយ​ទូរទស្សន៍​ណា​ល្មើស​ទៅ​នឹង​ការ​សម្រេច​របស់​ក្រសួង​ព័ត៌មាន ក្រសួង​នឹង​មាន​វិធានការ​ដក​អាជ្ញាប័ណ្ណ​ស្ថានីយ​ទូរទស្សន៍​ទាំង​នោះ។

ការ​លើក​ឡើង​របស់​រដ្ឋមន្ត្រី​ក្រសួង​ព័ត៌មាន រូប​នេះ ត្រូវ​បាន​ធ្វើ​ឡើង​នៅ​ក្រោយ​ពិធី​បើក​សិក្ខាសាលា​បណ្តុះបណ្តាល​ស្ដីពី​ប្រព័ន្ធ​ផ្សព្វផ្សាយ និង​ការ​ប្រែប្រួល​អាកាសធាតុ នៅ​ថ្ងៃ​ទី​១៨ ខែ​វិច្ឆិកា នា​រាជធានី​ភ្នំពេញ។

រដ្ឋមន្ត្រី​ក្រសួង​ព័ត៌មាន លោក ខៀវ កាញារីទ្ធ មាន​ប្រសាសន៍​ថា រហូត​មក​ដល់​ពេល​នេះ បណ្ដា​ស្ថានីយ​ទូរទស្សន៍​ក្នុង​ស្រុក​មួយ​ចំនួន បាន​ឯកភាព​តាម​វិធានការ​របស់​ក្រសួង។ ប៉ុន្តែ​លោក​ថា នៅ​មាន​ស្ថានីយ​ទូរទស្សន៍​ក្នុង​ស្រុក​មួយ​ចំនួន ក៏​បាន​សុំ​ឲ្យ​ក្រសួង​ពន្យារ​ពេល​ចាក់​ផ្សាយ​ភាពយន្ត​ខ្មែរ ដោយសារ​មាន​បញ្ហា​ផលិត​កម្មវិធី និង​ការ​ផ្លាស់ប្ដូរ​ម៉ោង​ផ្សាយ ពិសេស​ប្រឈម​ខ្លាំង​ជាមួយ​ក្រុមហ៊ុន​ដែល​ស្ថានីយ​ទូរទស្សន៍​ទាំង​នោះ​ជាប់​កិច្ចសន្យា។

លោក​បន្ត​ថា ហេតុ​នេះ​ក្រសួង​បាន​អនុញ្ញាត​ឲ្យ​ម្ចាស់​ស្ថានីយ​ទាំងអស់ អាច​ពន្យារ​ពេល​ចាក់​ផ្សាយ​វណ្ណកម្ម​ខ្មែរ​រហូត​ដល់​ថ្ងៃ​ទី​១ ខែ​មករា ឆ្នាំ​២០១៦ ខាង​មុខ​វិញ​ជា​កំហិត។ លោក​បន្ត​ថា បើ​ស្ថានីយ​ទូរទស្សន៍​ណា​មិន​ព្រម​អនុវត្ត និង​នៅ​តែ​ពន្យារ​ពេល​ត​ទៀត ក្រសួង​នឹង​ចាត់​វិធានការ​ណា​មួយ​សមស្រប៖ «បើ​មិន​គោរព យើង​អាច​ប្ដឹង​ទៅ​តុលាការ ឬ​មួយ​ផ្អាក​អាជ្ញាប័ណ្ណ​ដាក់​វិន័យ​ផ្សេងៗ ប៉ុន្តែ​តាម​ខ្ញុំ​ដឹង គឺ​ទូរទស្សន៍​ទាំងអស់​គាត់​យល់ព្រម នៅ​តែ​ស្ថានីយ​ទូរទស្សន៍ ភី.អ៊ិន.អ៊ិន (PNN) ដែល​គាត់​សុំ​ពន្យារ​ពេល​ដល់​ថ្ងៃ​ទី​៣១ ខែ​ធ្នូ ដោយសារ​គាត់​ជាប់​កុងត្រា​ជាមួយ​គេ»

ចំណែក​ឯ​ប្រធាន​សមាគម​សិល្បករ​ខ្មែរ លោក សុះ ម៉ាច មាន​ប្រសាសន៍​ថា ទោះ​ជា​វិធានការ​នេះ​ហាក់​បី​ដូចជា​យឺតយ៉ាវ​បន្តិច ប៉ុន្តែ​លោក​ថា ការ​ពន្យារ​ពេល​របស់​ក្រសួង​នៅ​ពេល​នេះ ក៏​ជា​ឱកាស​ដល់​ផលិតករ​ខ្មែរ​ផលិត​ភាពយន្ត​ឲ្យ​កាន់​តែ​មាន​ស្តង់ដារ។ លោក​រំពឹង​ថា វិធានការ​របស់​ក្រសួង​នឹង​មាន​ប្រសិទ្ធភាព ហើយ​លោក​បាន​ជំរុញ​ឲ្យ​បណ្ដា​ស្ថានីយ​ទូរទស្សន៍​ទាំងអស់ មិន​ត្រូវ​បន្ត​សុំ​ពន្យារ​ពេល​ក្រសួង​ម្តង​ហើយ​ម្តង​ទៀត​នោះ​ទេ ព្រោះ​ដើម្បី​ចូលរួម​លើក​ស្ទួយ​វប្បធម៌​ខ្មែរ៖ «រាល់​បញ្ជា ឬ​វិធានការ​នានា​របស់​ក្រសួង​ព័ត៌មាន បណ្ដា​ទូរទស្សន៍​ទាំងអស់​ត្រូវ​តែ​ធ្វើ​តាម គាត់​គួរ​តែ​ប្រឹង​ផលិត​ឲ្យ​ទាន់»

វិទ្យុ​អាស៊ីសេរី មិន​អាច​ទាក់ទង​អ្នក​គ្រប់គ្រង​ស្ថានីយ​ទូរទស្សន៍​ល្បីៗ​ក្នុង​ស្រុក អគ្គនាយក​រង​ទូរទស្សន៍​បណ្ដាញ​ជាតិ​ប្រជាជន ហៅ​កាត់​ថា ភី.អ៊ិន.អ៊ិន (PNN) លោក សោម ឆាយា ដែល​បាន​ចាក់​ផ្សាយ​ភាពយន្ត​បរទេស និង​កម្មវិធី​ល្បីៗ​នៅ​ចន្លោះ​ម៉ោង ៧ ដល់​ម៉ោង ៩​យប់ ដើម្បី​សួរ​ពី​វិធានការ​របស់​ក្រសួង​នេះ​បាន​ទេ​នៅ​ថ្ងៃ​ទី​១៨ ខែ​វិច្ឆិកា។

កាល​ពី​ពេល​កន្លង​ទៅ អ្នក​គ្រប់គ្រង​ស្ថានីយ​ទូរទស្សន៍​ល្បីៗ​ក្នុង​ស្រុក ដូចជា ទូរទស្សន៍ ភី.អ៊ិន.អ៊ិន (PNN) ទូរទស្សន៍ ម៉ាយ​ធីវី (My TV) និង​ស្ថានីយ​ទូរទស្សន៍ ហង្ស​មាស (Hang Meas) បាន​ប្រាប់​វិទ្យុ​អាស៊ីសេរី ថា បណ្ដា​ស្ថានីយ​ទូរទស្សន៍​ទាំង​នោះ​បាន​ចាត់​ទុក​ម៉ោង ៧ ដល់​ម៉ោង ៩​យប់ ជា​ម៉ោង​មាស​សម្រាប់​កម្មវិធី​ផ្សាយ​របស់​ពួក​គេ ដែល​កំពុង​ចាក់​បញ្ចាំង​រឿង​បរទេស​ល្បីៗ និង​កម្មវិធី​ផ្សេងៗ​ដើម្បី​ទាក់ទាញ​អ្នក​ទស្សនា​ដែល​អាច​រក​កម្រៃ​បាន​ច្រើន។ ជាង​នេះ​ទៀត បណ្ដា​ស្ថានីយ​ទូរទស្សន៍​មួយ​ចំនួន​យល់​ថា វិធានការ​របស់​ក្រសួង​ព័ត៌មាន នៅ​ពេល​នេះ គឺ​លឿន​ពេក ដែល​ធ្វើ​ឲ្យ​ពួក​គេ​ជួប​ការ​លំបាក។

កាល​ពី​ថ្ងៃ​ទី​២៥ កញ្ញា កន្លង​ទៅ ក្រសួង​ព័ត៌មាន បាន​សម្រេច​ហាម​ឃាត់​ការ​ចាក់​ផ្សាយ​ភាពយន្ត​បរទេស​គ្រប់​ប្រភេទ នៅ​តាម​កញ្ចក់​ទូរទស្សន៍​ទាំងអស់​ក្នុង​ប្រទេស​កម្ពុជា ចន្លោះ​ម៉ោង ៧ ដល់​ម៉ោង ៩​យប់ ដោយ​ត្រូវ​តែ​ចាក់​ផ្សាយ​វណ្ណកម្ម​ខ្មែរ​ដើម្បី​ចូលរួម​លើក​ស្ទួយ​វប្បធម៌ និង​អត្តសញ្ញាណ​ភាពយន្ត​ខ្មែរ។ ក្រសួង​ព័ត៌មាន បាន​បញ្ជា​ឲ្យ​ម្ចាស់​ស្ថានីយ​ទូរទស្សន៍​ទាំងអស់ ត្រូវ​តែ​ចាក់​ផ្សាយ​វណ្ណកម្ម​ខ្មែរ ដូចជា​ខ្សែ​ភាពយន្ត និង​វីដេអូ​ខ្មែរ តន្ត្រី​សម័យ​បុរាណ កម្មវិធី​កម្សាន្ត​ផ្សេងៗ និង​កម្មវិធី​កីឡា​ជំនួស​វិញ។

យ៉ាង​ណា​ក៏ដោយ ផលិតកម្ម​ក្នុង​ស្រុក អ្នក​ស្រាវជ្រាវ​បញ្ហា​សង្គម អ្នក​ប្រើប្រាស់​បណ្ដាញ​សង្គម និង​សិល្បករ នៅ​តែ​ចង់​ឃើញ​វិធានការ​របស់​ក្រសួង​មាន​ប្រសិទ្ធភាព និង​ជំរុញ​ឲ្យ​ម្ចាស់​ស្ថានីយ​ទូរទស្សន៍​ទាំងអស់ ត្រូវ​គោរព​តាម​វិធានការ​នេះ​ឲ្យ​មាន​ប្រសិទ្ធភាព៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (4)
Share

Rith

ពី PP

So headache. In fact, all Cambodian people want to support their own production but unfortunately, since 1979 until today Cambodian movie still poor due to what..???
Try to think together, in the decade 60s and 70s Cambodian movie had air not in the country but in the foreign country too (Thai, Franch, Hong Kong) but as for now.. only in Cambodia and very little supporter. Why? Actor problem, editor less knowledge, poor stuff, lack of capex etc..

Nov 18, 2015 10:26 PM

អ្នក​អាន​អនាមិក

If I fail to protect the forests I will cut my head. Now he cuts his hair,

Nov 18, 2015 08:55 PM

Khmer out side Cambodia

Dear Cambodia Television owner,
I love to watch Cambodia TV; even right now I live far away from my home land. Well I live in one of the countries that best in TV technology programs, yet I still watch TV from Cambodia .The show that I enjoy is the show that Real Khmer people had produced regarding the Rich Cambodia culture. I understand that all of productions had done their best to make the show story important to their audience, show which points they need to focus on to get their interest.
This is just my small angle of view and had seen what need to make correction to Cambodian TVs station. What I had seen often on Khmer video News report that repeats again and again, it looks like without corrector, especially the popular TV Hang Meas News, most Khmer people watch it in the coffee shop or restaurant. These news report videos are:
1) The body of Dead Human or animal shown without their family permission .to pay respect to the dead people, TV should not show in public (Just the words of the reporter is enough) some people may not want to see that.
2) Bloody in any accident case. Too strong for children and sometime to adult too ,if we keep watch strong view like that every day, we may get use to and did not know that it can be affected to their mind and brain in the future.
3) Face of the victims and suspects. Are they real Victims/Suspects yet? Where is human right? They may or may not. After they find out it too late.
As a news reporter, you must plan how you want to start your report and how you want to end it. This will keep your story heading in the right direction, and you won't miss out any important information in the middle. When planning your report, you will need to consider the five Ws. These are: WHAT, WHY, WHO, WHERE and WHEN. However, it is important to remember news is based on fact and your news report should be true and accurate.

Nov 18, 2015 04:57 PM

អ្នក​អាន​អនាមិក

If Khmer film is better than foreign film Cambodian people will watch it. People need to buy what they want no one can force people to buy what they do not want if we think about freedom. Thanks

Nov 18, 2015 03:04 PM

គេហទំព័រ​ទាំងមូល