រូប៖ នគរបាលជាតិ
តុលាការខេត្តព្រះសីហនុ សម្រេចឃុំខ្លួនជនជាតិចិនចំនួន៤នាក់ បន្ទាប់ពីបានប្រើប្រាស់អំពើហឹង្សាបណ្ដាលឱ្យជនជាតិចិនម្នាក់ផ្សេងទៀតរងរបួស កាលពីទី ២៤ ខែតុលា នៅក្នុងសង្កាត់លេខ៣។
អ្នកនាំពាក្យតុលាការខេត្តព្រះសីហនុលោក លឹម ប៊ុនហេង ប្រាប់អាស៊ីសេរីកាលពីថ្ងៃទី០៤ ខែវិច្ឆិកាថា ជនជាតិចិនទាំងបួននាក់ត្រូវតុលាការចោទប្រកាន់ពីបទ ប្រព្រឹត្តអំពើហិង្សាដោយចេតនា មានស្ថានទម្ងន់ទោស និងពីបទប្រើប្រាស់អាវុធដោយគ្មានការអនុញ្ញាត ហើយបានបញ្ជូនទៅឃុំឃាំងបណ្តោះអាសន្ននៅពន្ធនាគារខេត្តព្រះសីហនុ ហើយដើម្បីរង់ចាំជំនុំជម្រះទោស។
សមត្ថកិច្ចឲ្យដឹងថាក្នុងរយៈពេលជាង ៩ខែ ឆ្នាំ២០២០ មានជនជាតិចិនជាង ២០០នាក់ ត្រូវចាប់ខ្លួននៅក្នុងខេត្តព្រះសីហនុ ក្នុងសំណុំរឿងផ្សេងៗគ្នា ពាក់ព័ន្ធនឹងការរត់ពន្ធថ្នាំញៀនខុសច្បាប់ ចាប់ជំរិត ចោរកម្ម និងការប្រើប្រាស់អំពើហិង្សា ទៅលើជនជាតិចិនដូចគ្នា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
