វៀតណាម​នៅ​កំពង់ឆ្នាំង​​ថា​នឹង​ឡើង​នៅ​លើ​គោក​តាម​កាល​កំណត់​របស់​អាជ្ញាធរ

ដោយ ជិន ជេដ្ឋា
2015-12-26
អ៊ីម៉ែល
មតិ
Share
បោះពុម្ព
សកម្មភាព​ក្មេង​ជនជាតិ​វៀតណាម និង​ចាម ចេញ​ពី​រៀន​នៅ​សាលា​លើ​គោក​ទៅ​ផ្ទះ​លើ​ទឹក​នៅ​ចំណុច​ពាមញ ឃុំ​ស្វាយជ្រំ ស្រុក​រលាប្អៀរ ខេត្ត​កំពង់ឆ្នាំង កាល​ពី​ថ្ងៃ​ទី​២៣ ខែ​ធ្នូ ឆ្នាំ​២០១៥។
សកម្មភាព​ក្មេង​ជនជាតិ​វៀតណាម និង​ចាម ចេញ​ពី​រៀន​នៅ​សាលា​លើ​គោក​ទៅ​ផ្ទះ​លើ​ទឹក​នៅ​ចំណុច​ពាមញ ឃុំ​ស្វាយជ្រំ ស្រុក​រលាប្អៀរ ខេត្ត​កំពង់ឆ្នាំង កាល​ពី​ថ្ងៃ​ទី​២៣ ខែ​ធ្នូ ឆ្នាំ​២០១៥។
RFA/Chin Chetha

អ្នក​ភូមិ​បណ្ដែត​ទឹក​ដែល​ភាគ​ច្រើន​ជា​ជនជាតិ​វៀតណាម នៅ​ខេត្ត​កំពង់ឆ្នាំង ប្រកាស​ថា ខ្លួន​នឹង​ឡើង​តាំង​ទីលំនៅ​លើ​គោក​តាម​កាល​កំណត់​របស់​រដ្ឋាភិបាល។ ប៉ុន្តែ​ពួកគាត់​ខ្លះ​កំពុង​ប្រឈម​នឹង​បញ្ហា​មួយ​ចំនួន ហើយ​ស្នើ​ឲ្យ​អាជ្ញាធរ​មាន​សមត្ថកិច្ច​ជួយ​ដោះស្រាយ។

សកម្មភាព​រស់​នៅ​ប្រចាំ​ថ្ងៃ ការ​សិក្សា​របស់​ក្មេង​តូចៗ និង​ការ​ដោះដូរ​ទំនិញ​ផ្សេងៗ​ក្នុង​រយៈ​ពេល​ជិត ៣​ខែ របស់​អ្នក​ភូមិ​បណ្ដែត​ទឹក ៩៩៦​គ្រួសារ មាន​ការ​លំបាក ក្រោយ​ពី​អាជ្ញាធរ​ផ្លាស់​ទី​ទៅ​ឆ្ងាយ​ពី​ទីប្រជុំជន ឬ​ផ្សារ​ក្រោម ទៅ​រស់​នៅ​លើ​ទឹក​ត្រង់​ចំណុច​ពាមញ នៃ​ឃុំ​ស្វាយជ្រំ ស្រុក​រលាប្អៀរ ចម្ងាយ​ប្រមាណ ៣​គីឡូម៉ែត្រ ប៉ុន្តែ​ពួកគេ​សុខ​ចិត្ត​អនុវត្ត​តាម​វិធានការ​របស់​អាជ្ញាធរ។

ជនជាតិ​វៀតណាម​ម្នាក់ លោក ច្រឹង យ៉ាំងរស់ មាន​ប្រសាសន៍​ថា អ្នក​ភូមិ​បណ្ដែត​ទឹក ជា​ពិសេស​ជនជាតិ​វៀតណាម មាន​ជីវភាព​ក្រីក្រ​គ្មាន​លទ្ធភាព​រក​ទិញ​ដី​រស់​នៅ​លើ​គោក​បាន​ទេ ហើយ​ក៏​ពុំ​ទាន់​មាន​ត្រៀម​លុយ​កាក់ ឬ​សម្ភារៈ​អ្វី​ឡើង​គោក​ដែរ។ លោក​ស្នើ​ឲ្យ​អាជ្ញាធរ​ដោះស្រាយ​គោល​នយោបាយ​ដីធ្លី​នៅ​ក្បែរ​ទន្លេ និង​រក្សា​បែរ​ត្រី​ពួកគាត់​នៅ​ក្នុង​ទន្លេ​ដដែល ដើម្បី​ផ្គត់ផ្គង់​ជីវភាព​ប្រចាំ​ថ្ងៃ៖ «បើ​គេ (ជន​ជាតិ​វៀតណាម) អ្នក​មាន​លុយ​គេ​ចេះ​តែ​ទិញ​ដី​ត្រៀម​ខ្លះ បើ​អ្នក​ខ្លះ​ក្រ​អត់​ទេ ដូច​ខ្ញុំ​អ៊ីចឹង​ក៏​អត់​ទាន់​មាន​ផង។ បើ​ដូច​ខ្ញុំ​គ្រាន់​តែ​បាន​ស៊ី​គ្រប់គ្រាន់​មិន​ទាន់​មាន​លុយ​ទិញ​ផង រួច​មាន​ក្រ​ច្រើន​ទៀត»

អាជ្ញាធរ​ខេត្ត​កំពង់ឆ្នាំង បាន​ផ្លាស់​ទី​ផ្ទះ​បណ្ដែត​ទឹក ១.៤៨៦​ខ្នង ភាគ​ច្រើន​ជា​ផ្ទះ​របស់​ជនជាតិ​វៀតណាម នៅ​ភូមិ​ចុងកោះ និង​ភូមិ​កណ្ដាល នៃ​សង្កាត់​ផ្សារឆ្នាំង ក្រុង​កំពង់ឆ្នាំង ចេញ​ឲ្យ​ផុត​ពី​តំបន់​អភិវឌ្ឍន៍​ច្រាំង​ទន្លេ​កាល​ពី​ដើម​ខែ​តុលា ឆ្នាំ​២០១៥។ បើ​ទោះ​បី​ជា​ផ្ទះ​ទាំង​នេះ​ចេញ​ផុត​ពី​តំបន់​អភិវឌ្ឍន៍ អាជ្ញាធរ​គ្រោង​ឲ្យ​អ្នក​ទាំង​នោះ​ឡើង​រស់​នៅ​លើ​គោក ដើម្បី​បញ្ចៀស​ការ​បំពុល​ទឹក និង​រៀបចំ​ទីតាំង​នោះ​ឲ្យ​ទៅ​ជា​តំបន់​ទេសចរណ៍​ធម្មជាតិ​ដែល​មាន​តែ​ផែ និង​បែរ​ចិញ្ចឹម​ត្រី​របស់​អ្នកភូមិ។

ទាក់ទង​បញ្ហា​នេះ​អភិបាល​រង​ខេត្ត​កំពង់ឆ្នាំង និង​ជា​ប្រធាន​ក្រុម​ការងារ​រៀបចំ​ផ្ទះ​បណ្ដែត​ទឹក លោក ស៊ុន សុវណ្ណារិទ្ធិ ថ្លែង​ថា អាជ្ញាធរ​ពុំ​មាន​គោលនយោបាយ​ដីធ្លី​ជូន​អ្នកភូមិ​បណ្ដែត​ទឹក ឬ​ទទួល​ខុស​ត្រូវ​ចំពោះ​ការ​ឡើង​រស់នៅ​លើ​គោក​នោះ​ទេ ដូច្នេះ​ពួកគាត់​ត្រូវ​មាន​ភាព​ម្ចាស់​ការ​លើ​ខ្លួន​ឯង​ក្នុង​ការ​តាំង​ទី​លំនៅ​ថ្មី​នៅ​លើ​គោក។ អាជ្ញាធរ​មិន​ទាន់​ទទួល​បាន​សំណូមពរ​របស់​អ្នក​ភូមិ​ដែល​ចង់​រស់​នៅ​ក្បែរ​ទន្លេ និង​រក្សា​បែរ​ត្រី​នៅ​ក្នុង​ដដែល​នោះ​ទេ តែ​លោក​ថា សំណូមពរ​បែប​នេះ​ទាល់​តែ​មាន​អាជ្ញាធរ​ថ្នាក់​ជាតិ​ទើប​អាច​សម្រេច​បាន ខណៈ​ក្រុម​ការងារ​ផ្ដោត​លើ​ការ​អភិវឌ្ឍ​ផ្សារ និង​ផ្លូវ​ថ្នល់​ជូន​អ្នក​រង​ផល​ប៉ះពាល់​ពី​គម្រោង​អភិវឌ្ឍន៍​នៅ​កន្លែង​ថ្មី។

លោក ស៊ុន សុវណ្ណារិទ្ធិ៖ «ប៉ុន្តែ​ក្រុម​ការងារ​នឹង​ខិតខំ​រក​ទីតាំង​មួយ​មិន​ឆ្ងាយ​ពី​ទន្លេ និង​មិន​ឆ្ងាយ​ពី​ទី​ផ្សារ​ថ្មី ហើយ​ផ្លូវ​ថ្នល់​អាច​ធ្វើ​ចរាចរណ៍​បាន ហើយ​សង្ឃឹម​ថា បង​ប្អូន​នឹង​អាច​ទទួល​យក​បាន។ អ៊ីចឹង​តាម​គោលនយោបាយ​សម្រាប់​អ្នក​ដែល​មាន​ប័ណ្ណ​សម្គាល់​សិទ្ធិ​យើង​ដោះ​តាម​របៀប​ផ្សេង ហើយ​អ្នក​នៅ​ផ្ទះ​ទឹក​យើង​ដោះស្រាយ​តាម​ផែនការ​យុទ្ធសាស្ត្រ​ផ្សេងៗ​គ្នា យើង​មិន​អាច​យក​ទាំង​អស់​ហ្នឹង​ទៅ​ដាក់​មួយ​កន្លែង​អត់​បាន ព្រោះ​យើង​ក៏​អត់​មាន​ទីតាំង​អាច​ទទួល​យក​បាន​ទាំង​អស់​ហ្នឹង​ដែរ»

លោក​បញ្ជាក់​ថា បច្ចុប្បន្ន​ក្រុម​ការងារ​កំពុង​សិក្សា​លម្អិត​លើ​ផល​ប៉ះពាល់​ផ្ទះ​សម្បែង​ជាង ៤០០​ខ្នង ដែល​ឋិត​នៅ​ក្នុង​តំបន់​អភិវឌ្ឍ ហើយ​គោលនយោបាយ​ដោះដូរ​មាន​ភាព​ខុស​គ្នា​ទៅ​តាម​ផ្ទះ​នីមួយៗ។

អាជ្ញាធរ​ខេត្ត​កំពង់ឆ្នាំង កំពុង​អនុវត្ត​លើ​គម្រោង​អភិវឌ្ឍន៍​សួនច្បារ និង​ច្រាំង​ទន្លេ នៅ​ក្រុង​កំពង់ឆ្នាំង ដោយ​ប្រើ​រយៈ​ពេល ៥​ឆ្នាំ គឺ​គិត​ចាប់​ពី​ឆ្នាំ​២០១៥។ គម្រោង​នេះ​សំដៅ​លើក​កម្ពស់​សណ្ដាប់ធ្នាប់ និង​សោភ័ណភាព​ក្នុង​ក្រុង ហើយ​ត្រៀម​ធ្វើ​ជា​ម្ចាស់​ផ្ទះ នៃ​ពិធី​បុណ្យ​ទន្លេ​នា​ថ្ងៃ​អនាគត​ទៀត​ផង៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (2)
Share

(

ហ៊ុន សែន អាន់ ជួយរកដី អោយជនជាតិវៀតណាម អាន់ រស់នៅ ចំណែកជនជាតិខ្មែរ ចេញទៅនៅប្រទេសក្រៅ ជាបណ្តើរៗ អស់ អនាគតទឹកដីខ្មែរ ជារបស់ កូនចៅវៀតណាម អាន់ !

Dec 27, 2015 02:20 AM

living in the water lost good opportunity

The khmer govn't must remove all those illegal boats floating houses out of the water as soon as possible ,"no matter what or who are they " to keep the water fresh and safety drink ,and keep eco-tourism ,free commercial waterway ,destroy wildlife or aquatic life,stop water pollution ,no more hazardous ,no chemical material "keep increase fish to growth " .Those pple who've living in the water so long it could cause to many kind of deceases from birth to birth affect "affect to childbirth ,face mental illness ,not smart to learning ,lost brain memory ,lack memory unlike normal kids ,lost to many life opportunity during living in the water ,no school connection ,lost economic opportunity ,isolate from world opportunity ,lack human society ,lack outside world ,poor through from generation to generation ,and lack social connection and opportunity for whole life " because they depend on only fishing " and no anything else to do or some extra incomes to support for their families .

Dec 26, 2015 11:50 AM

គេហទំព័រ​ទាំងមូល