ប័ណ្ណសារព័ត៌មាន
2020-02-22
សហគមន៍ព្រៃឡង់មកពីបួនខេត្ត ក្រុមនិស្សិត ព្រះសង្ឃ និងក្រុមយុវជនប្រមាណ ៦០០នាក់ សម្ដែងការសោកស្ដាយមិនបានចូលរួមធ្វើបុណ្យព្រៃឡង់ តាមការគ្រោងទុកដោយសារអាជ្ញាធរ និងឆ្មាំអភិរក្សរបស់ក្រសួងបរិស្ថានបន្តរារាំងពួកគេ រយៈពេលពីថ្ងៃជាប់គ្នាចាប់ពីថ្ងៃទី២១ និង ២២ ខែកុម្ភៈ។
2020-02-22
សកម្មជនបក្សប្រឆាំង ចំនួន ៧នាក់ ដែលរងការចាប់ខ្លួន ដោយសារក្ដីក្ដាំនយោបាយ នៅឆ្នាំ២០១៩ ក្នុងអំឡុងពេលយុទ្ធនាការវិលចូលស្រុករបស់ថ្នាក់ដឹកនាំគណបក្សសង្គ្រោះជាតិនោះ នៅមិនទាន់ទទួលបានការដោះលែងទេ។ សាច់ញាតិរបស់អ្នកជាប់ឃុំ ទាមទារឲ្យរបបក្រុងភ្នំពេញ ដោះលែងក្រុមគ្រួសាររបស់ខ្លួន ឲ្យមានសេរីភាពវិញ។
2020-02-22
ពលករខ្មែរធ្វើសំណង់នៅប្រទេសថៃ នៅតែរអ៊ូរទាំថា ពួកគាត់ពិបាកក្នុងការធ្វើ និងបន្តឯកសារការងារស្របច្បាប់ នៅស្ថានទូតខ្មែរប្រចាំប្រទេសថៃ។ ពលករខ្មែរចោទថា មន្ត្រីទូរទាំងនោះហាក់ចាត់ទុកពួកគេជាពលករជនជាតិផ្សេង។
2020-02-22
សមាជិកសភាអាមេរិក សាទរចំណាត់ការរបស់សហភាពអឺរ៉ុប ដែលបានសម្រេចដកប្រព័ន្ធអនុគ្រោះពន្ធ EBA ពីកម្ពុជា ចំនួន ២០% ដែលមានទំហំទឹកប្រាក់ជាង ១.៣០០ លានដុល្លារនោះ និងសង្ឃឹមថាសហរដ្ឋអាមេរិក នឹងចាត់វិធានការដូចគ្នានេះដែរ។ លោក អាឡាន់ ឡូវេនថល (Alan Lowenthan) សមាជិកសភាពីខាងគណបក្សប្រជាធិបតេយ្យ ថា លោកគាំទ្រសហភាពអឺរ៉ុប ដែលចាត់វិធានការទប់ទល់ទៅនឹងរបបលោក ហ៊ុន សែន ដែលរំលោភបំពានប្រជាពលរដ្ឋខ្មែរ។
2020-02-22
អាជ្ញាធរខេត្តស្ទឹងត្រែងរារាំងសកម្មជនការពារព្រៃឈើ ព្រះសង្ឃ និងអង្គការសង្គមស៊ីវិល ប្រមាណ៦០០នាក់ មិនឱ្យចូលធ្វើដំណើរទៅចូលរួមធ្វើបុណ្យសុំសេចក្ដីសុខនៅតំបន់ព្រៃឡង់ នៅព្រឹកថ្ងៃទី២១ កុម្ភៈ។សហគមន៍ព្រៃឡង់ ចាត់ទង្វើរបស់អាជ្ញាធរនេះ ថាជាចេតនាមិនល្អ។
2020-02-22
រដ្ឋមន្ត្រីក្រសួងសាធារណការ និងដឹកជញ្ជូន បានព្រមានចាត់វិធានការទៅលើរថយន្តទាំងឡាយណាដែលផ្ទុកទំនិញលើសចំណុះ ខុសការកំណត់ដោយច្បាប់។ ប៉ុន្តែសារព្រមាននេះ បានរងការរិះគន់ពីមន្ត្រីសង្គមស៊ីវិល និងពលរដ្ឋមួយចំនួន ព្រោះយល់ថា បទបញ្ជានិងវិធានការកន្លងទៅអនុវត្តពុំសូវមានប្រសិទ្ធភាព។
2020-02-22
សង្គមស៊ីវិលព្រួយបារម្ភអំពីការអភិវឌ្ឍន៍ក្នុងគម្រោងកិច្ចសហប្រតិបត្តិការមេគង្គ ឡានឆាង (Lancang) ហើយថា ការអភិវឌ្ឍនេះ អាចនឹងប៉ះពាល់ដល់បរិស្ថាន និងការរស់នៅរបស់ប្រជាពលរដ្ឋ។ ក្តីបារម្ភនេះបានធ្វើឡើង បន្ទាប់ពីមន្ត្រីរដ្ឋាភិបាលលើកឡើងថា កម្ពុជានិងចិនមានគោលការណ៍រួមគ្នាដើម្បីអភិវឌ្ឍន៍ក្នុងការលើកកម្ពស់ផលប្រយោជន៍រួមសម្រាប់អនុតំបន់។
2020-02-22
អង្គការលើកលែងទោសអន្តរជាតិទាមទារឱ្យតុលាការក្រុងភ្នំពេញទម្លាក់ចោលបទចោទប្រកាន់លើលោកស្រី វ៉ែន រចនា អ្នកលក់តាមអ៊ីនធឺណិត ឬអនឡាញនិយាយ ថា ធ្វើឡើង ដោយគ្មានតម្លាភាពការរំលោភបំពានរើសអើងសិទ្ធិ សេរីភាពបញ្ចេញមតិរបស់ស្ត្រី។ មន្ត្រីរដ្ឋាភិបាលថា អង្គការអន្តរជាតិមួយនេះមិនយល់ច្បាប់ពីប្រទេសកម្ពុជា។
2020-02-22
ក្រសួងសុខាភិបាលកម្ពុជា ចោទក្រសួងសុខាភិបាលម៉ាឡេស៊ី ថា ធ្វើឱ្យមានការភ័យខ្លាច និងភ័ន្តច្រឡំ រឿងលទ្ធផលតេស្តជំងឺរលាកផ្លូវដង្ហើម កូវីដ-១៩។ ការចោទប្រកាន់នេះ ធ្វើឡើងក្រោយមន្ត្រីជាន់ខ្ពស់នៃរដ្ឋាភិបាលម៉ាឡេស៊ី ប្រកាសថា ស្ត្រីជនជាតិអាមេរិក វ័យ ៨៣ឆ្នាំ ដែលជាអ្នកដំណើរលើកប៉ាល់ទេសចរវ៉េស្ទើដាម (Westerdam) ដែលមានផ្ទុកមេរោគរលាកផ្លូវដង្ហើមកូវីដ-១៩ (Covid-19)។
2020-02-21
អ្នកធ្វើការពាក់ព័ន្ធវិស័យទេសចរណ៍និងអ្នកវិភាគសង្គមវាយតម្លៃថា សេដ្ឋកិច្ចនឹងធ្លាក់ចុះខ្លាំងនៅឆ្នាំ២០២០ ដោយសារតែចំនួនភ្ញៀវទេសចរចិនធ្លាក់ចុះជាគំហុក ខណៈអ្នកទេសចរអឺរ៉ុបខ្លាចរអាកម្ពុជា ដោយសារជំងឺរលាកផ្លូវដង្ហើម (covid-19) កំពុងរាតត្បាតនៅប្រទេសចិន និងប្រទេសមួយចំនួន និងនៅលើពិភពលោក។
2020-02-21
មន្ត្រីអង្គការសង្គមស៊ីវិលដែលបម្រើការងារផ្នែកស្ត្រីបានចាត់ទុកការឃុំខ្លួនបណ្ដោះអាសន្ន អ្នកលក់តាមអ៊ីនធឺណិត ឬតាមអនឡាញ ឈ្មោះ វ៉ាន់ រចនា ហៅ ថៃ ស្រីនាង ថាធ្វើឡើងធ្ងន់ធ្ងរហួសហេតុ ។ ប៉ុន្តែ មន្ត្រីក្រសួងយុត្តិធម៌បានថ្លែងការពារថា ការឃុំខ្លួននេះ ធ្វើឡើងដោយស្របច្បាប់។
2020-02-21
ពលករខ្មែរធ្វើការនៅប្រទេសកូរ៉េខាងត្បូង បារម្ភពីបញ្ហាសុខភាព ក្រោយពីទទួលបានសារតាមទូរស័ព្ទជាសំឡេងនិងអក្សរ ពីអាជ្ញាធរកូរ៉េ ឱ្យប្រុងប្រយ័ត្នការពារខ្លួន ដើម្បីជៀសវាងការឆ្លងវីរុសកូរ៉ូណាថ្មី ឬកូវីដ-១៩ (Covid-19)។
2020-02-21
មន្ត្រីរដ្ឋាភិបាលថា ទោះជាក្នុងលក្ខខណ្ឌបែបណាក៏ដោយ ក៏រដ្ឋាភិបាលនឹងប្រឹងប្រែងរក្សាបាននូវផលប្រយោជន៍សម្រាប់កម្មករដែរ ក៏ប៉ុន្តែខាងសហជីពថា កម្មកររាប់ម៉ឺននាក់អាចនឹងប៉ះពាល់ដោយផ្ទាល់ ប្រសិនបើសេចក្តីសម្រេចនេះចូលជាធរមាន ហើយក្រុមហ៊ុនបញ្ជាទិញលែងបញ្ជាទិញទៅតាមអត្រាពន្ធនេះ។
2020-02-21
មជ្ឈមណ្ឌលសិទ្ធិមនុស្សកម្ពុជា លើកឡើងថា យុត្តិធម៌សង្គមជាគោលការណ៍មូលដ្ឋានសំខាន់ សម្រាប់ពលរដ្ឋរស់នៅក្នុងសង្គមប្រកបដោយសន្តិភាពពិតប្រាកដនិងវិបុលភាពទាំងនៅក្នុងប្រទេសជាតិ និងក្នុងចំណោមប្រជាជាតិនានា។
2020-02-21
សហគមន៍ព្រៃឡង់ខេត្តស្ទឹងត្រែង អំពាវនាវឱ្យក្រសួងបរិស្ថាន ស៊ើបអង្កេតលើពលរដ្ឋជិត ១០គ្រួសារ រស់នៅភូមិអូរឡង់ ឃុំសៀមបូក ខេត្តស្ទឹងត្រែង ទាក់ទិនករណី លក់ដើមច្បោះជ័រជិត ១ម៉ឺនដើម ក្នុងតំបន់ព្រៃឡង់ទៅឱ្យក្រុមហ៊ុន ស៊ីងបាយអូថេ។ សហគមន៍ថា ពលរដ្ឋខ្លះបានទទួលប្រាក់កក់រួចហើយ ក៏ប៉ុន្តែនៅមិនទាន់កាប់រំលំ ដើមច្បោះនៅឡើយទេ។
2020-02-21
GMAC ថា ផលវិបាកសម្រាប់ថៅកែរោងចក្រនៅស្រុកខ្មែរនោះ គឺក្រុមហ៊ុនបញ្ជាទិញមួយចំនួនអាចនឹងដកការបញ្ជាទិញខ្លះពីកម្ពុជា ប្រសិនបើពួកគេត្រូវបង់ពន្ធ។ សហជីពយល់ថា មានតែការរក្សាបាននូវប្រព័ន្ធអនុគ្រោះពន្ធនេះទេ ទើបភាគីនីមួយៗមិនខាតបង់ផលប្រយោជន៍របស់ខ្លួន។
2020-02-21
ក្រុមសហជីពរួមគ្នាស្នើឱ្យក្រសួងការងារបើកកិច្ចពិភាក្សាធ្វើវិសោធនកម្មបន្ថែមទៀតលើ ច្បាប់ស្ដីពីសហជីព ដោយសារការកែប្រែខ្លះកន្លងមក មិនទាន់បង្កឱ្យមានភាពងាយស្រួលក្នុងការបង្កើតសហជីពនៅតែមានការរើសអើង និងមិនមានចន្លោះប្រហោងឱ្យមានការរំលោភលើសិទ្ធិ។
2020-02-21
អ្នកឃ្លាំមើលសង្គម រិះគន់លោក ហ៊ុន សែន ថាខ្វះវិជ្ជាជីវៈ ក្នុងការជួយអ្នកដំណើរលើកប៉ាល់ទេសចរ វ៉េស្ទើដាម (Westerdam) ដែលអ្នកលើកប៉ាល់ម្នាក់ ក្នុងចំណោមជាងពីរពាន់នាក់ ត្រូវបានរកឃើញ ថាមានផ្ទុកជំងឺរលាកផ្លូវដង្ហើមកូវីដ-១៩។
2020-02-20
កងរាជអាវុធហត្ថក្រុងភ្នំពេញឃាត់ជនជាតិចិនចំនួន៣នាក់ ហើយបានបញ្ជូនទៅតុលាការរាជធានីភ្នំពេញភា្លមៗដើម្បីសាកសួរ ករណីហឹង្សានៅព្រឹកថ្ងៃព្រហស្បត៍ទី២០ខែកុម្ភ: នៅសង្កាត់ទន្លេបាសាក់ ខណ្ឌចំការមន។
2020-02-20
លោកនាយករដ្ឋមន្ត្រី ហ៊ុន សែន និងមន្ត្រីសុខាភិបាល នៅតែមិនជឿលទ្ធផលធ្វើតេស្តរកមេរោគកូវីត-១៩ របស់ក្រសួងសុខាភិបាលម៉ាឡេស៊ី ដែលរកឃើញស្ត្រីជនជាតិអាមេរិក វ័យ ៨៣ ឆ្នាំម្នាក់ ថា មានផ្ទុកជំងឺរលាកផ្លូវដង្ហើមដ៏កាចសាហាវ កូវីត-១៩។
2020-02-20
សមត្ថកិច្ចបញ្ជូនស្ត្រីអ្នកលក់អនឡាញ ឈ្មោះ វ៉ាន់ រចនា ហៅ ថៃ ស្រីនាង ទៅតុលាការនៅរសៀលថ្ងៃទី២០ ខែ កុម្ភៈ ដោយចោទប្រកាន់ពីបទបង្ហោះរូបភាព និងសម្ភារ:អាសអាភាស។
2020-02-20
អង្គការសុខភាពពិភពលោក (WHO) ចេញសេចក្ដីប្រកាសព័ត៌មានមួយ កាលពីថ្ងៃទី១៩ ខែកុម្ភៈ ស្នើឱ្យកម្ពុជាត្រៀមលក្ខណៈឱ្យបានល្អ ដើម្បីឆ្លើយតបរហ័សនិងទាន់ពេលវេលា ចំពោះលទ្ធភាពនៃការរីករាលដាលវីរុសកូរ៉ូណាថ្មី ឬជំងឺកូវីត១៩ (Covid-19) ដែលអាចកើតមាននៅកម្ពុជា។
2020-02-20
អ្នកឃ្លាំមើលសិទ្ធិពលរដ្ឋ ថា រដ្ឋាភិបាលយឺតយ៉ាវ ក្នុងការបញ្ជាឱ្យស៊ើបអង្កេត ការស្លាប់របស់ទារិកាអាយុ៥ខែ ដែលរស់នៅជាមួយម្ដាយកំពុងជាប់ឃុំក្នុងពន្ធនាគារ។ បើទោះ យ៉ាងណា សង្គមស៊ីវិលសង្ឃឹមថា ក្រោយការស៊ើបអង្កេតម្ដងនេះ រដ្ឋាភិបាលអាចមានចំណាត់ការ ក្នុងការកែប្រែស្ថានភាពអាក្រក់ ការរំលោភសិទ្ធិមនុស្សទាំងក្នុង និងក្រៅពន្ធនាគារ។
2020-02-20
សកម្មជនគណបក្សប្រឆាំងនៅស្រុកវាលវែង ខេត្តពោធិ៍សាត់លោក ទួន សំអាត នៅតែអះអាងថា តុលាការចាប់ខ្លួនលោកដាក់គុកដោយអយុត្តិធម៌។ សកម្មជនរូបនេះទទូចឱ្យតុលាការទម្លាក់ចោលការប្រកាន់ទាំងឡាយមកលើខ្លួន និងសហការីដទៃទៀត ដើម្បីឱ្យមានសេរីភាពពេញលេញឡើងវិញ។
2020-02-20
អ្នកវិភាគយល់ថា សកម្មភាពផ្គាប់ចិត្តចិនរបស់លោក ហ៊ុន សែន គឺគ្រាន់តែចង់ឱ្យចិនជួយពេលកម្ពុជាបាត់បង់ប្រព័ន្ធអនុគ្រោះពន្ធ (EBA) ពីសហភាពអឺរ៉ុប និងគាំទ្រដល់កូនប្រុសច្បងលោកដើម្បីអាចបន្តអំណាចទៅថ្ងៃអនាគត។
2020-02-20
គ្រូពេទ្យជំនាញសង្គ្រោះបន្ទាន់ ឱ្យដឹងថា នៅពេលមនុស្សណាម្នាក់ឆក់ខ្សែភ្លើង គឺចរន្តអគ្គិសនី នឹងឆ្លងចូលក្នុងរាងកាយមួយរំពេច វាបង្កឱ្យស្ពឹក ឈឺកន្ត្រាក់សាច់ដុំ បង្ករបួសស្នាមជាំខ្មៅ នៅកន្លែងឆក់ ឬដំបៅស្បែក និងគាំងបេះដូងមួយរំពេច ហើយមានករណីធ្ងន់ធ្ងរខ្លះ បណ្ដាលឱ្យស្លាប់ភ្លាមៗ។
2020-02-20
គ្រូពេទ្យនៃអង្គការសិទ្ធិមនុស្សលីកាដូ (Licadho) កំពុងតាមដានកម្ទេចខ្មៅដែលជាប់នៅស្រោមខួរក្បាលសកម្មជនបក្សប្រឆាំងដែលត្រូវជនមិនស្គាល់មុខវាយធ្វើបាប។ លោក ខៀវ ឌន ឱ្យដឹងថា ពេលនេះលោកនៅតែឈឺចាប់ក្នុងមុខរបួសដដែល។
2020-02-20
មន្ត្រីសិទ្ធិមនុស្សក្រៅរដ្ឋាភិបាល លើកឡើងថា របាយការណ៍របស់គណៈកម្មាធិការសិទ្ធិមនុស្សរដ្ឋាភិបាលពីករណីទារិកាអាយុ ៥ខែស្លាប់ មិនឆ្លុះបញ្ចាំងពីការពិតទាំងស្រុង និងមានចំណុចសង្ស័យជាច្រើន ដែលរដ្ឋាភិបាលមិនបានស៊ើបអង្កេតនិងលាតត្រដាងពីមូលហេតុពិតប្រាកដ ដែលនៅពីក្រោយ ធ្វើឱ្យទារិកានេះស្លាប់។
2020-02-20
អ្នកវិភាគគោលនយោបាយ និងជាសាស្ត្រាសាកលវិទ្យាល័យនៅសហរដ្ឋអាមេរិក ថា នយោបាយឱកាសនិយមរបស់លោក ហ៊ុន សែន ជុំវិញការអនុញ្ញាតឱ្យនាវាទេសចរ Westerdam ចូលចតនៅកម្ពុជា កំពុងនាំទុក្ខដល់ពលរដ្ឋខ្មែរ និងពិភពលោកទាំងមូល ឆ្លងជំងឺរលាកផ្លូវដង្ហើមកូវីត-១៩ (Covid 19)។
2020-02-20
សំណើរបស់ក្រុមអង្គការសង្គមស៊ីវិលទាំងនេះក្រោយពេលដែលលោកនាយករដ្ឋមន្ត្រី ហ៊ុន សែន បានរិះគន់ និងបញ្ជាឱ្យអាជ្ញាធរពាក់ព័ន្ធចាត់វិធានការទៅលើស្ត្រី ដែលប្រកបរបររកស៊ីតាមអនឡាញ(Online) ក្នុងនោះរួមទាំងការបង្កើនការស៊ើបអង្កេត និងបង្ក្រាបរាល់ទង្វើតាមប្រព័ន្ធបច្ចេកវិទ្យាណា ដែលធ្វើឱ្យប៉ះពាល់ដល់តម្លៃស្ត្រី និងវប្បធម៌ជាតិ។
